عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


موضوع مغلق
مزعوط جديد
المشاركات: 8
تاريخ التسجيل: Apr 2012
المقلاع غير متواجد حالياً  
قديم 2012-05-21, 11:29 PM
  المشاركه #1
Talking رحلتي الى مراكش والرباط وكازا 22 يوم

كانت رحلتنا في الصيف الماضي 2011
الخطوط الملكية المغربية 2640 ريال -الدمام - الرياض- كازا
في البداية ماكنا مخططين اصلا للسفر الا ان احد اصحابي لج راسي لج سمع عن المغرب وقرأ وماتحمل الا يروح يروح لو باص 00: (697): أبطال الرحلة
- محدثكم اول مره
- عبيد اول مره
-حمود ثاني مره سافر للمغرب
بدأ الحديث عن المغرب بالسياره بعد اتصال هاتفي لحمود من المغرب عبيد من بعد هالاتصال ماسكت وصار يحفر بالنت عن المغرب لدرجة انه صار يوصف الشوارع هناك تقول راح لها 20 مره
وبعد الاخد والرد دخلت الفكره براسي .. بعدها بايام اجنمعنا ومعنا حمود قلنا يالله جهز الحجز حمود ماصدق .. قال لنا اسمع انت واياه المغرب ان رحتوا لها خلاص هي النهايه ولاتقولون مني ووو ومن هالكلام قلنا يحمود لاتكثر الهرج خلاص تم القرار (( قال حمود قرار نهائي قلنا نعم احذف كل الاجابات هههه))
بعدها تم الحجز وأول نكبه تغيير وقت الاقلاع وقت وصولنا مطار الرياض من الدمام الى يوم ثاني ويالله ويالله عبيد ماسكت من المسخره على حمود كل شوي هاه الخبير يقصد حمود وش الدبره ,,المهم تاكسي من مطار الرياض الى اقرب فندق ،، بعده اقترحت اقتراح وش رايكم طالما حنا بالرياض ناخذ العزبه كلها من هنا .. قال حمود لا لا كل شي فيه هناك المهم 2 الى واحد واتفقنا جميعا على شراء متطلبات على الاقل الايام الاولى قضينا كل شي تقول رايحين مدغشقر !! حتى عبيد شفت بيده بالسوبرماركت كيس فحم واليد الثانيه رقيه !!!
انقضت ليلة الرياض بسرعه وقت اقلاع الطائرة 8:20 صباحا .. شيك اوت 5:30 وصلنا المطار قبل الاقلاع تقريبا 6:30 ,, وعبيد يسحب في الشنط تقول بنغالي مع ذاك الشنب الكلاسك والشعر الميالي !!
عند الكاشير هاه شباب وين رايحين ؟ كازا عندكم عفش ؟ 4 شنط .. اوك
تم قطع البوردنج وعبيد مو مصدق بتقلع الطائره بموعدها كل شوي يقول لحمود شرط بتتأخر !! حمود : اقولك شي عبيد .. قم جيب لنا موكا وشي ناكله وترك عنك هالبربره!! صراحه حمود دبلوماسي وجنتل مان وثقيل وكتوم جدا.. ويستمع أكثر مما يتكلم وهذا اللي خلانا مانعرف عن المغرب شيئ برغم النت وغيرها لولا ذاك الاتصال اللي شعلل عبيد ..
عدا الوقت وفتحت البوابه وعبيد قام بسرعه .. واختفى بين جموع المسافرين على الرحلة نفسها ! انتظرت مع حمود حتى فضت البوابه واقول لحمود يالله.... قطعنا البوردنج ودخلنا الطائره وعبيد واقف في النص ينتظرنا يأشر !! وصلنا عنده جلسنا كل على كرسيه وعبيد ابتسامته شاقه وجهه هههه!!
أقلعت الطائرة على موعدها عكس ماتوقع عبيد .. ولان عبيد ماسافر مسافات طويله وجهه صار طماطم مهروس من التقلب على الكراسي ,,,,
وصلنا تقريبا الساعه 5 وبتوقيت المغرب 2 . بعد نزولنا من الطائرة اتجهنا الى العفش ماتأخر .. بعدها صرفنا لنا دراهم مغربيه كل واحد منا 2000 ريال ..حمود انتظروني دقايق اختفى حمود بالمطار ورجع ماتأخر وين راح ماسالته ،، وعبيد عيونه بتطلع من راسه !! كل شوي يقول وش هالديره ؟؟!! عرب !! ماصدق!!
نزلنا مكان القطارات وكان اتفاقنا اول ديره نروح لها مراكش .. حمود رح صف سرا مع الناس واحجز لنا 3 تكت الى مراكش .. انطلق عبيد وجاب 3 تكت وخلاهم بجيبه واخذتنا السوالف وصل القطار نبي نركب درجه اولى طلع التذاكر عبيد الا وهي درجه ثانيه .. واسحب يعبيد في الشنط شنطه على كتفه والثانيه بالارض .. احد يسألني ليه دايما عبيد هو اللي يشيل الشنطه اللي فيها العزبه ؟؟ عبيد جسمه رياضي وينبسط يسحب بالشنط ههههه! ((للاسف لم يتسنى لنا التصوير))
للحديث بقيه في الحلقه القادمة وموقف جميل جدا اثناء انتظارنا تبديل القطار في محطة كازا فياجور
 الصورة الرمزية Rabe7
Directeur
المشاركات: 3,656
تاريخ التسجيل: Jul 2010
الدولة: KSA
إرسال رسالة عبر MSN إلى Rabe7 إرسال رسالة عبر Skype إلى Rabe7
Rabe7 غير متواجد حالياً  
قديم 2012-05-21, 11:39 PM
  المشاركه #2
رد: رحلتي الى مراكش والرباط وكازا 22 يوم

بدايه حلوه وياليت كان فيه تصاوير .. بيكون تقرير واعر ..

وشكل المواقف الكوميديه متوفره بكثره بوجود عبيد ..

منظرين الحلقه الثانيه والي اتمنى تكون اطول .. وفيها معلومات اكثر ..
__________________
نلتقي .. لنرتقي ..




مزعوط جديد
المشاركات: 29
تاريخ التسجيل: Mar 2012
خالــــــــــــــــــد غير متواجد حالياً  
قديم 2012-05-22, 01:46 AM
  المشاركه #3
رد: رحلتي الى مراكش والرباط وكازا 22 يوم

الله يعطيك العافيه وفي انتظار بقية التقرير
مزعوط مبتدء
المشاركات: 42
تاريخ التسجيل: Dec 2011
الكازوي عبود غير متواجد حالياً  
قديم 2012-05-22, 05:09 AM
  المشاركه #4
رد: رحلتي الى مراكش والرباط وكازا 22 يوم

المقلاع
بداية جميلة وسرد ممتع مع عبيد ومواقفه
أحسه فاكهة السفره
ننتظــــــــرك بالحلقة القادمة<<<
مزعوط قدير
المشاركات: 186
تاريخ التسجيل: Jan 2012
الدولة: لا يهم اين اكون المهم من اكون
السمو غير متواجد حالياً  
قديم 2012-05-22, 05:19 AM
  المشاركه #5
رد: رحلتي الى مراكش والرباط وكازا 22 يوم

تقرير شكله واعر وكوميدي

روح متابعين

تحياتي لك ولعبيد وحمود والحمد لله على السلامه
__________________
ياعرب ترى المكارم والمروّه

سـيف عـز فاللـقـا ما هو بحـاكل

والسمو الى جهـل قيمة سموّه

ما عرف فرق التوكل والتواكل
مزعوط مميز
المشاركات: 350
تاريخ التسجيل: May 2012
كنحماق عليك غير متواجد حالياً  
قديم 2012-05-22, 06:49 PM
  المشاركه #6
رد: رحلتي الى مراكش والرباط وكازا 22 يوم

سرد جميل يبشر بتقرير واااااااااااعر

سجلني متابع بالدرجة الاولى
موقوف
المشاركات: 4,308
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2012-05-22, 07:03 PM
  المشاركه #7
رد: رحلتي الى مراكش والرباط وكازا 22 يوم

تقرير رائع تسلم اياديك يابطل واصل حنا متابعين بشغف يالغالي
مزعوط جديد
المشاركات: 8
تاريخ التسجيل: Apr 2012
المقلاع غير متواجد حالياً  
قديم 2012-05-22, 10:33 PM
  المشاركه #8
رد: رحلتي الى مراكش والرباط وكازا 22 يوم

rabe7
خالد
الكازوي عبووود
السمووو
وكنحماق عليك
تياترو
يشرفني ردودكم الجميله والحقيقه ،،،انا اول مره اكتب تقرير لسفره من سفراتي ,, لكن الحق يقال الوجيه الطيبه بهذا المنتدى الجميل هي اللي شجعتني على كتابة هذا التقرير المتواضع
مزعوط خبير
المشاركات: 1,685
تاريخ التسجيل: Jul 2011
الولهان غير متواجد حالياً  
قديم 2012-05-22, 10:43 PM
  المشاركه #9
رد: رحلتي الى مراكش والرباط وكازا 22 يوم

تقرير بدايته ميه ميه لاتبطي علينا سرد اكثر من رائع تسلم يالغالي: (778):
مزعوط جديد
المشاركات: 8
تاريخ التسجيل: Apr 2012
المقلاع غير متواجد حالياً  
قديم 2012-05-22, 11:37 PM
  المشاركه #10
رد: رحلتي الى مراكش والرباط وكازا 22 يوم

نكمل الحلقه الثانية((
ركبنا الدرجة الثانيه في القطار وكانت العربه تقريبا فاضيه والامور مشت اوكيه ,, حمود ليه ماقطعت تكت درجه أولى؟ عبود ماحد قال لي ! نصف ساعه تقريبا الا حمود يقول يالله جهزوا النزول للمحطه القادمة .. سحبنا الشنط ونزلنا .. وعبود مازال يردد مو معقووول حنا بدوله عربيه ،، وهو يلفف يطالع في الناس والزحمه .. جلسنا بانتظار القطار المغادر الى مراكش ..
مر وقت القطار الافتراضي ولم يصل .. نقز عبوود ماقلت لكم بيتأخر ههههه مسكت معه بدل تأخير الطائره اللي ماتأخرت !
مضى اكثر من ساعه ونصف ازداد ازدحام المسافرين ،، كنت اقول لحمود ليه مانغير التكت الى درجه أولى؟ قال خلاص عبود تصرف وخليه يجرب !
فجأه عبود انسحب من مكان جلوسنا بدون كلام.. قلت لحمود وين رايح بيدرو مرامس ؟؟؟!! هههه
قال حمود خله,, شوي الا وعبود اشوفه بالجهة الثانيه من مسار القطار يكلم احد (((( توووووووت اعلان القطار المتجه الى مراكش بعد تأخير أكثر من ساعه والناس ماسكه بالابواب من زحمة الدرجه الثانية (( ما امداني اعرف وش سالفة عبود (( افترقنا على بابين من ابواب القطار عشان ندخل بعد خرووج الناس أنا صرت بوحدي عند باب وأنا انتظر الأ وبنت على الارض كانت تحاول تصعد ودفعوها والناس مشغوله!!! قمت ابو الفيت اقدم المساعده مسكت البنت وشلتها من الأرض وهي تتكلم مافهمت كلمه من اللي قالته الإ ميغسي ميغسي درت يساري الا عبود يرصد الموقف قبل يدخل باب القطار ،، وعيونه فيها مليون سؤال بس لانه بعيد ماعرف ههههههه
دخلت القطار مع شنطتي الا وداخل بعد الناس واقفه مافي مكان جلوس والبنت اللي وقعت على الأرض تعورت رجلها طالعت يمين يسار شفت شوي فراغ كرسي بين عجايز تقربت لهم استأذنتهم تجلس البنت قالت وحده منهم واخا وش واخا أجي أجي .. وجلستها والبنت رحلتها الى منطقه اسمها :انها استات أو اصطات والله مادري ,, وخوياي مدري هم ركبوا بالقطار والا لا مادري تلفوناتنا مسكره السعوديه وشرايح مغربيه مابعد أخذنا .. وثلاث ساعات ونصف يمكن والقطار يطحن بالشارع والله وأنا واقف ماجلست ،، قبل يوقف القطار للمحطه اللي تبي البنت تنزل فيها جت عند الباب تٍالني تقول امي تبي تكلمك وانا مادري وش السالفه !!! مافهمت الإ مرحبا بيك مرحبا بيك!!!
نزلت البنت بعد التشكرات وميغسي حسييت نفسي تووم كروز هههههههه
وصلنا مراكش بعد رحله شاقه جدا بالنسبه لعبود وحمود لانهم بعد واقفين في زحمة اكثر لا وعبود ماسك الشنط !! ماتركهم لانه قرأ بالنت على كلامه بالقطار يسرقون الشنط !!
العيوب :
- لاتعتمد في السفر على خويك اللي اول مره سافر هالمكان
-القطار غير منظم ومافبي التزام بمقاعد
-ممكن تتعرض للسرقه بسهوله من زحمة العالم
-لاترى المعالم الحقيقية للبلد بواسطة القطار
-رقم جوال من بلد السفر مهم في اول الوصول
المزايا :
- تكتسب خبره من هذه الأخطاْءالعفويه
- تشوف طبيعة الناس على حقيقتها
-بساطة الناس وطيبتهم أول انطباع تحقق عن هذا البلد
ولاني مشغوول والا وودي اسرد كل الرحلة وان كانت 22 يوم مره وحده
انشاء الله اقدر اكمل باقي التقرير
موضوع مغلق

الكلمات الدلالية (Tags)
22, الى, رحلتي, مراكش, والرباط, وكازا, يوم


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
تقرير رحلتي لمراكش وكازا بالصور almo0o0t قسم التقارير المصورة و المميزة 340 2019-01-24 11:42 AM
مراكش وكازا من 18 الى 26 ديسمبر تبياتو المسافرون الى المغرب 24 2015-11-27 11:36 PM
شقة ب مراكش والرباط (ابو محمد) قسم الاسئلة و الاستفسارات عن المغرب 8 2015-07-07 05:45 AM
رحلتي الى شفشاون والرباط ومراكش والدارالبيضاء ... باكو سيؤو تقارير رحلات الاعضاء إلى المغرب 21 2014-03-03 10:31 PM
11 يوم ما بين مراكش وكازا ziyad957 تقارير رحلات الاعضاء إلى المغرب 87 2012-08-28 01:31 PM


الساعة الآن 04:22 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83