زعلان عليك كثير يا اهنجااار.. فاتن وهقتنا واستغلتنا

والله مشكله ياشباب فلوها وخلاص الاى صار صار والله يعوض على الجميع والاى يحتاج خدمه تحت امـره

اقتباس:

المشاركة الأصلية كتبت بواسطة ريكيلمي10

اهنجار لا تكذب انت والحراميه فاتن انا اتحداك واذا انت صادق انا بعد اسبوع راح اكون في مراكش وابي اتواجه انا واياك والحرامية قائدة العصابة حقتك

واذا اثبتت انت واياها اني انا مخطي بشي لك مني ولكل المنتدى الي يطلبون وانا مستعد اضع هنا

اسمي الكامل ورقم جوالي وكل التفاصيل لاثبات الحق مع مين

لا تقعد تلف وتدور

بطل حركات انت وعصابتك

انا ما هو من طبعي احكم من جهة وحدة

واقراء موضوع المشتكي لغاية الان ما وقفت جنب احد لغاية ما سمعت

كلام الطرف الثاني .


اما انت سويت حركة ما عجبتني معاي انا وهذا السبب اللي خلاني احكم عليك

اتفقت انت مع فاتن على سعر وبعدها لما كلمتني وانت متخوف وخصمت لك انا وعلى حسابي هدية من اخو لأخوه لو رفضت هي

كنت راح ادفع الفرق من جيبي وفوق هذا

قدمت لك عرض قلت لك اذا ما عجبك المكان اول ليلة على حسابي

لما تقوم من النوم اخذ فلوسك كامله والله يسهل عليك

او اجلس يومين مدة المبلغ المدفوع وشوف لك مكان أخر يعجبك

وكنت انا اتصل عليك حتى اتطمن عليك كأني محتاج منك حاجة

وحتى ضيافتك على حسابي من وصولك من الطيارة وفي شقتك

وما سمعت صوتك الا بعد اسبوعين من وصولك كنت تشتكي من السعر

تقول انك اتفقت مع فاتن على تخفيض السعر اقل من اتفاقي معاك وهذا ما يجوز لا شرعا ولا عرفا

البائع والشاري في الخيار مالم يفترقا

عرفت ليش سبب زعلي منك ' الحمد لله ان فيه ناس تعاملوا معاي ويشهدون بالحق

ويمدحون الخدمة ويمدحون عصابتي على قولتك

انا والله ما تكلمت الا بعد ما تكلمت انت

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

حصل خير واللي فات مات
والشهاده لله
ان اهنجار الكل يمدح فيه وهاذي اول مشاركه ضد اهنجار
مع العلم أني لم أتعامل معه
ولي الشرف في التعامل معه وقريبا ان شاء الله

.
.
.
السلام عليكم جميعا وتحياتي للجميع
بالفعل تم الاتصال بي من قبل اهنجار والشكر موصول له وللجميع على الاهتمام ولكن حبيت اوضح بعض الامور :

اولا: انا ما قلت اني لا اعلم عن الحجز... انا قلت ان فاتن ما طلبت مني اني احجز .. والله العظيم ما جابت لي طاري اني ادفع لها..قالت تعال بس و فيلتك جاهزة..واتصلت انا اخر اتصال عليها قبل ما ادخل مراكش وقالت جاهزة..ليش ماطارت الفيلا الا يوم وصلت؟؟معقول تكون نست فاتن تقول لي ادفع فلوس الحجز؟؟ وانا اتصل عليها من وانا بالسعوديه و اكثر من اتصال للتاكيد عليها وانا بكازا.. واتوقع انها متعمده ماتقولي. لاني لو دفعت انتهت لعبتها, لكن تبيني اجي الين عندها وبعدين تبدأ تسوي اللي براسها.
.
.
ثانيا: اذا كانت قالت فاتن انها طلبت مني فلوس الحجز مثل مادكر الاخ اهنجار....والله العظيم انها كذابه بوجهها ومستعد اقابلها واقول انتي كذابة. اتمنى ما احد يزعل من الحق لان الحقيقه ماتزعل الا اللي عنده شي مو زين بقلبه.
.
.
ثالثا: هل من المعقول اني ادفع فلوس الحجز لشخص ما طلب مني؟؟؟ شخص يقول لي تعال كل شي جاهز.. وش يعني هذا الشي؟؟ يعني تعال فيلتك جاهزة من دون ماتدفع حجز.. ليش يا اخ اهنجار تبي تحملني خطأ فاتن؟؟؟ فاتن ماطلبت وانت تقول لي ليش ما دفعت...ياخي هي تقول لي تعال وبس . شلون اقوم ادفع وهي ماطلبت.
هي براسها شي وتبي تسويه.. والحمد لله انه مو بس انا اللي اشتكيت منها..وشفتها قدام عيني سوت نفس مشكلتي مع اثنين شباب .. والحين الاخ ريكلمي يشتكي.. وما ادري ليش تبي يا اخ اهنجار تحط الغلط علي اني ما دفعت حجز وانا اقول الف مره انها هي ما طلبت.
.
.
رابعا: هل انا طلبت من فاتن انها تجيبلي فيلا فيها خدم وحشم وطباخين وسواقين و حراس و 5 غرف؟؟؟ و ب5000 الاف؟؟
ياخي ارجع لصندوق الرسايل الخاصة وشوف ايش طلبت منك يا اخ اهنجار: طلبت والله فيلا بحدود ال2500 الى 3000. صح والا لا؟ وقلتلي روح لفاتن.
يعني انت شايف انها غلطانه فاتن يوم جابت لي فيلا ب5000 والا مو غلط..؟؟ اذا انت شايف انها مو غلطانه فالشكوى لله.
اذا كان شخص يطلب فيلا ب2500 وتقوم فاتن تلف وتدور تجيب له فيلا ب5000 في وقت يكون هو في غاية الارهاق والتعب من السفر ايش تفسير هذا الشي؟؟
.
.
خامسا: في تناقض في كلامك مع احترامي وتقديري لك, انت تقول: (( كان يتصل بي فاتن ويسئلها عن الفيلا وكانت الفيلا موجوده فعلا

ولما وصل اخونا للجاردن كانت الفيلا تم تأجيرها ))
.
.
شلون الفيلا موجوده ويوم وصلت تم تاجيرها؟ لعب عيال هو؟؟؟

اتمنى ان يكون في صراحه وصدق في طرح المواضيع عشان نحل مشاكلنا بكل ود و محبة.

تحياتي و احترامي ....
[/COLOR][/SIZE]

اخوي المغاربه ما يعرفون الا الفلوس

وانا شخصيا اخذت شقة من شخص اثق فيه جدا

بعد اقل من ساعة اجرها وانا كنت متقابل معاه

وعطيته كلمه رغم اني ما شفت الشقة بس على وصفه

قلت له اعتمد اني اخذتها وبعد اقل من ساعة اجرها لشخص اخر

وانا والله ما كذبتك ولا شككت في كلامك

وكلامك صحيح بخصوص طلبك فيلا بالسعر اللي ذكرته

اما موضوع ربكلمي اخر وانا شاهد على بعض احداثه

وانا اعتذر منك على المشكلة اللي حصلت

وان شاء الله راح اغير طاقم المكتب

لعيونكم تأمرون امر

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

مساء الخير ع الجميع
شباب انا بقولكم شغله كنت بالبدايه اتعامل مع سماسره مثل ال تقولو عنها فاتن ومريم الحساني وفلان وعلان
وصارت لي كذا مرهـ يقولون لي فيلتك جاهزه وامورك تمام ولما اوصل للجاردن يقولو فل واضطر ان اجر فيلا خاصه بسعر اعلى
بالعربي هالسماسره يحجزو عند مروان او منير الي هم المسؤلين عن الجاردن الخدامين بالمكتب الي بجنب اسيما
على انهم بيجيبو ااين باليوم الفلاني ولما يجيبو ااينهم يكون السمسار الي قبلهم جايب لهم اااين وسابقهم ع الفيلا
وهم لهم الي يوصل الاول ،،،
وطبعآ سعر الفيلا بالقاردن بحدود 2000درهم والسمسار يلعب لعبته يأجرها ب2500درهم ومافوق
ولكن نصيحتي خلي تعاونگ مع صاحب العقار مباشرهـ سوآ القاردن او غيرهـ مالك ومال وجع الراس لازيادة اجار وتكون ضامن حجزگ ...

وبالتووووفيق للجميع

الله يصلح الحال
والنقاش لايفسد للود قضـــــــــيه

__________________

تعطيني سعر مديرة مكتبك

الحرامية فاتن

ولما وصلت قالت لا انا ذاك اليوم كنت محششه لاتاخذ بكلامي هههههههههههه

قسم بالله هذا الي صار

يا جماعة الخير هل هذا عذر ؟؟


وانا والله العظيم الشقة قالت لي 3 غرف و3 دورات مياة ولما وصلت حصلتها غرفتين فقط و2 دورة مياه

اما الغرفة ال 3 فاضية فيها طاولة للكوي فقط

ومن اول يوم وهي بتجيب لي اغراض الغرفة وتأثيثها ولا شفت شي

وانا اقسم بالله اذا دخلت مكان ما احب اغيره خاصة ان مكان الشقة اعجبني كثير والي معي قالوا المكان حلو ما نبي نغيره بغض النظر عن الشقة وتعامل ريئسة العصابة

وعلى فكرة قسم بالله يوميا كانت تجي هي واختها اشراق يطلبون قهوة وشاهي واكل من الكفي الي تحتنا ( كاروزو ) وانا ادفع الحساب واعاملهم معاملة خوات لي لكن للاسف طلعوا حرامية ونصابين

وايضا كانت الحرامية فاتن تجي تجلس معنا يوميا في الشقة هي واختها واحيان حبيبها الفرنسي وكامل السهرة على حسابي مع العلم انها متزوجة من ايطالي اسمه ألفريدو مسكين ما يدري عن شي

وكمان ازيدكم من الشعر بيت هذة الحرامية سرقت من خويي جواله سامسونج شبه جديد

وهذا الكلام انا مستعد أحلف عليه على المصحف لو تطلب الأمر

وفيه أشياء كثير ما تطرقت لها مثل سهراتهم معنا في الخارج وجميع المصاريف كنت انا ادفعها حيث كنت اعاملهم معاملة الاصدقاء والناس المحترمة

لدرجة ان اشراق قالت في يوم لزوجتي قولي ان جوالك انسرق عشان زوجك يجيب لك جهاز جديد وانا راح اشتري منك الجهاز ( ايفون 4 ) ب 3000 درهم

مسكينة ما تدري انها زوجتي تحسبها بنت من بنات الشوارع الحرامية مثلهم

عموما انا احذر منهم والحمد لله على كل حال

كل ابن ادم خطاء وخير الخطاون التوابون كببببببير يا اهنجار كللك ذوق وتسلم لي والاختلاف في الرائ لايفسد للود قضيه: (107):

لاحول ولاقوه الابالله استر على اخونك لاتطلع فضايح احد بالنسبه للدفع انت دفعت من نفسك لهم لاتقول عطيت ودفعت مااحد جبرك يالغالى واخوى اهنجار معروف بالمنتدى يالغالى ... بتعامله الراقى وقمه الاخلاق .... وخلاص قفل الموضوع الكلام مايفيد انت رجعت ومعوض ان شالله