السلام عليكم ورحمة الله تعالى وبركاته
اختي مريومه الله ييسر حالك
انا ساكنه فسلا وماخرا العقار فالرباط وسلا غالي بزاف
يعني مثلا شقق سلا الجديده ديال 70 مترو شحالهادي كانو كيديرو ب 80000 درهم دابا وصلو ل 250000 وهاذو صغار بزاف
اما الديور بلا متهدري عليهم , غي اللي ربح شي دار وصافي اما الجيل الجاي الله يعينه هههه
يعني العقار طالع فمراكش والرباط وكازا وحتى فناظور طلع هاذو اللي عندي درايه بيهم
وفمكناس العقار ارخص , حيت ماخرا واحد كيجيني خدا شقة كبيرة وفمكان راقي بزاف امم تقريبا ب 500000 درهم ولكن فالرباط والله ما تجيبيها بقل من 1000000
من رايي ما تتسرعي خوذي وقتك اجي فالاول كري شي شقه وسكني فيها وخوذي وقتك الكافي فالتقلاب وسولي مزيان
وان شاء الله يفيدوك الاعضاء اكثــر
والله يســهل لكــ
تحياتــي
__________________
.
الوقت الذي تستمتع باضاعته ، ليس وقتا ضائعا