مزاعيط المغرب - السفر الى المغرب

- صاله عشاق المغرب العامة (https://www.mza3et.com/morocco2/)

- - موقف محرج جدا (https://www.mza3et.com/morocco12960.html)

موقف محرج جدا

مرحبا بالمزاعيط و المزعوطات

اول شيء اتشرف بالانضمام الى هذا المنتدى الرائع بكيانه و اعضاءة كلهم بدون استثناء

صراحة انا لست من رواد المغرب و لكني تشرفت بالسفر لها و السهر في اجواءها المميزة و المنعشة التي تطربك و ترفعك فوق السحاب دون ركوب الطائرة

في هذا الموضوع راح اتحدث عن موقف محرج حصل لي في فندق بسمة كنزي في كازا

من هنا راح اقلب عامي..

السالفة و مافيها اني كنت جاي من المطار على طول على فندق بسمة كنزي في كازا..

سويت تشك ان و دخلت الغرفة..

الله يكرمكم كنت محتاج دورة المياه..

رحت الدورة و افتح الحنفية.. الصدمة.. ما فيه مويه..و افتح المروش .. برضوه ما فيه مويه.. و افتح كل شيء ممكن افتحه في الحمام.. حتى السخانه حاولت افتحها "قلب سباك الاخ" .. بس ما فيش فايدة..

طلعت و كلمت الاستقبال و قالوا مافيه مويه.. لكن راح ترجع بعد نص ساعة.. قلت الشكوى لله.. مالها الا نومه واذا صحيت يحلها الف حلال..

نمت نومة عمية من تعب السفر.. و قمت وسط نومي الا اشوف اثنين واقفين عند راسي كل واحد اطول من الثاني.. قلت يا ساتر اكيد هذا منكر ونكير.. قمت اتشهد و استغفر الله..

اشوي الا يكلمني يا اخي وش سويت.. فركت عيني عشان اشوف زين الا هم موظفين الفندق .. بدون مبالغة يمكن الطاقم كله داخل غرفتي.. قلت ياساتر وش المصيبة اللي سويتها..

قمت ما ني داري وش السالفة.. وقفت على رجولي..اول ما وقفت على رجولي عرفت الكارثة اللي سويتها..

اكثر موقف محرج تعرضت له في حياتي الموقف هذا..

وقفت على رجولي واشوف الارض كلها مويه..مش كذا وبس نص الدور اللي انا فيه غرق من الموية اللي خرجت من غرفتي..

طبعا السبب اني فتحت كل الحنفيات اللي بالحمام.. و نسيت ما اقفلها لان المويه كانت مقطوعة.. ومن تعب السفر نمت نومة اهل الكهف.. ولاحسيت بالمويه يوم رجعت.. و صار اللي صار..

صحيح اني جبت العيد بس الشهادة لله الفندق كان تعاملهم رااااائع وبدلوا لي الغرفة بدون اي رسوم اضافيه..

طبعا انا ما قدرت اكمل في الفندق من الاحراج.. وعلى طول اليوم الثاني سويت تشك اوت.. و على فندق فال انفا عين دياب الجميييل جدا..

رد: موقف محرج جدا

ياهلا براعي القلب الأخضر وانا اشهد انه منظر محرررررررررج

ذكرتني بواحد دخل الحمام ( وانت بكرامه ) يتروش ومن زود النظافة وكثرة الموية طلعت على الصالة >>> وصارت مشكلة بينه وبين الشغالة هههههههههههههاي

والحمد لله على سلامتك :)

اخوك / قناص

رد: موقف محرج جدا

هههههههههههههههه موقف مضحك بصراحة

بس يبقى ذكرى حلوة تتسجل بذاكرة كاول سفرة ليك

نشا الله السفرات الجاية تكون مواقفها احلى واحلى

نورتنا وتحياتي

رد: موقف محرج جدا

اقتباس:

المشاركة الأصلية كتبت بواسطة قناص نجد (المشاركة 195490)

هلا بمشرفنا الغالي..

يا رجال خلك ساكت تمنيت يوم صحيت تنشق الارض وتبلعني و لا انحط بموقف زي كذا.. : (63):

تشرفت بمرورك .. وشاكر لك نقل الموضوع لمكانه الصحيح..

رد: موقف محرج جدا

اقتباس:

المشاركة الأصلية كتبت بواسطة mimi (المشاركة 195494)

هههههههههههههههه موقف مضحك بصراحة

بس يبقى ذكرى حلوة تتسجل بذاكرة كاول سفرة ليك

ننشا الله السفرات الجاية تكون مواقفها احلى واحلى

نورتنا وتحياتي

وين ذكرى حلوة "باقي مصرة هههه".. ذكرى سودة و انتي الصادقة.. الله لا يعيدها..

شاكر لك ياوردة مرورك العطر ..

تحياتي لك..

رد: موقف محرج جدا

ههههههه اويييييلي استغفر الله
والله قتلتيني بالضحك يا عيييييييييييني على البراءة هههه زعما يوم استيقضت وشفت الناس حولك
يتسألون وانت مصدوم زعما اش واقع؟ ههههههه والله اتخيلك شكل صراحة موقف محرج
ومزيان بعدا انهم عاقو بك قبل ما تعمل تسونامي في الفندق
مشكور اخويا اضحكتني من قلبي

رد: موقف محرج جدا

اقتباس:

المشاركة الأصلية كتبت بواسطة مغربية مغتربة (المشاركة 195521)

اهلين مغتربة.. الصراحة موقفي لا احسد عليه.. حسيت انهم ملائكة الموت جايين ياخذون روحي.. ^_^

شرفني مرورك الجميل

رد: موقف محرج جدا

صراحه موقف لا تحسد عليه بغيت اني اسألك عن المطعم الي فيه اذا هو واعر
بس شكلك ما طولت فيه، تقبل تحياتي: (149):

رد: موقف محرج جدا

اقتباس:

المشاركة الأصلية كتبت بواسطة ولووودي المزيان (المشاركة 195691)

صراحه موقف لا تحسد عليه بغيت اني اسألك عن المطعم الي فيه اذا هو واعر
بس شكلك ما طولت فيه، تقبل تحياتي: (149):

هلا ولووودي.. الصراحة ما طولت في الفندق..عشان كذا ما اقدر احكم عليه..

لكن كورنيش عين دياب و الكفيات اللي فيه وااااااعرة بالزاااااف.. شيء طيب جدا..وافهم يافهيم..

رد: موقف محرج جدا

ههههههههههههههههه

موقف قوي