اسئله واستفسارات ,, تجاوبون ولا أروح أشوف دولة ثانية ههههه

السلام عليكم ورحمة الله وبركاته

أما بعد :

اعرفكم بنفسي تركي من المملكة العربية السعودية عضو جديد ومسافر جديد للمغرب وبالتحديد اغادير

رحلتي 7 / 9 /2012 م على الخطوط الملكية المغربية ( جدة - كازا - اغادير ) الترانزيت من كازا الى اغادير ساعة و40 دقيقه ,, والعودة 20 /9 /2012م ( اغادير - كازا -جدة ) علمآ أن الترانزيت بيكون بكازا 4 ساعات ,,
سعر التذكرة : 3351ريال سعودي

هذا موعد رحلتي وعلمآ بأنني وحيد وأول زيارة لي للمغرب نصحوني بزيارة اغادير شامل الرحلة ,, واستطلعت على اغادير واماكنها الليله والصباحية ,,

طبعآ أود أن استفسر أكثر من استفسار بخصوص المبالغ ,, ( وكل واحد له اجواءه بالسفر من خلال الصرف )

باقي على الرحلة قرابت ثلاث اشهور وانا الديره اللي ماعمري جيتها ارتب نفسي فيها واراجع حساباتي بحيث اني اكون مبسووط للاخر ومايعيقني شيء واتوهق

ومعليش استحملوني بما اني كنت متابع لكم من شهر تقريبآ ولاكن ماحصلت لي الفرصه اسجل الا لما ركزت أكثر بالمواضيع والتقارير لقيت القلوب على بعض والتفاهم موجود والشفافيه خلاني اكون عضو بهذا المنتدى الذي ان شاء الله تعالى اكون عضوآ فعال لديكم وهذا شرفآ لي .

استفساراتي :
1: السكن : باغادير ,, أماديل عجبني كثيير كثيير , ولاكن اطلعت على الغرف لقيت ان الاغلب غرف نوم وكرسي صغير وبلكونه ,, عندهم نظام استديو؟ أو جناح مكون من غرفة وصالة ؟
وبعد عجبني كثيير المارينا ولاكن وقفت بما اني احب اعزم ضيووف .. ولاكن شد انتباهي ان المارينا يعكر اجواء الشباب من ناحية الضيوف وكل يوم وواحد يقول لنا قصة صارت له بالمارينا.
وتقريبآ اسعار الفندقين ,, كم .؟
2 : الصرف ..قالولي 2000 ريال صرفك باليوم ,,
حسبتها في في متخايل مخي (- حلوه متخايل مخك ,,
المهم حسبت سكني لمدة اقامتي مع التذاكر الان 9 الاف ريال سعودي ,,لين هنا وخلصنا !! بدفع كل شي وبنسى الامر ,,

اعطوني تقريآ صرفياتي اليومية المتوقعه من سهر وسعة صدر
توقعاتكم بالصرف اليومي
اكل شرب :
سهر يشمل ضيوف :
مواصلات :
وقتي هل في زحمة شديده أو لناس الراقيه بما اني احب الزحمة ولاكن زحمة ضيوف ومو زحمة ربعنا الله يهديهم

وهنا سيداتي انساتي سادتي أسف أنني طولت عليكم الاسئلة والاستفسارات ..

وعلمآ بأنني أود أشكر جميع القائمين على هذا المنتدى من اعضاء ومراقبين ومشرفين ومدراء ويعجز لساني عن التعبير

ياهلا فيك عضو واخ جديد ،،،

بخصوص ترتيبك للسفر شي جميل ، وأهنيك عليه ،،، ولكن خذها نصيحة مني ، كل شخص يعطيك رأيه من خلال تجربته ومن خلال الوقت اللي سافر فيه ، لذلك قد تجد شخص يمدح هذا المكان والأخر يخالفه الرأي


أنت اجمع اكبر قدر من المعلومات والمصاريف تقدر تتحكم فيها

وان شاء الله يجون مزاعيط أكادير ويعطونك العلم الوكاد

وياهلا فيك عضو جديد بيننا

تحياتي ، أبو نواف

__________________

حياك الله اخوي ابو نواف
انا جمعت معلومات صرفيه ومعلومات عن المنطقة من ناحية سكن وصرف ولاكن مافهمتهم كثير ,, واللي يسئل مايضيع دام سفرتي باقي عليها وقت طويل اقدر ازين عمري واضبط وضعي من جميع النواحي

بس انا مافهمت الاعضاء بتقاريرهم حاسبين السكن أو لا ناحية 2000رياال صرف يومي كـ شخص لوحده وجديد على الديره ,,

وأكيد رايهم يهمني وانا اشوف الراي اللي يناسبني اجزم تقريبآ معه ,,

شكرآ لك ابو نواف ..

نفس موعد رحلتي من جده ولكن على السعوديه
والى مراكش لمدة اسبوع ..

يختلف الصرف .. السهر مثلا انت لوحدك او معك احد ..وهل هو كل ليله ؟
وقيس عليه بقية الامور ..
انا اشوف مبلغ 2000 ريال يوميا بالسكن
مبلغ كافي واكيد طبعا عندك مبلغ احتايط

بالتوفيق ..

اخوي تركي مساء الخيرات يا حلو

اكادير من الان تخيل نفسك طالع من الرياض لدبي ؟؟؟؟

سكن بكم الاكل بكم التماشي بكم ...


اكادير ارخص بحدود 30 في الميه هذا بلمختصر المفيد ...


وعندي نقظة المواصلات اذا تسكن في اماكن معروفه الطاكسي من 15 درهم الى 50 درهم لان المنطقه ملمومه على بعضها ...

الاكل اذا من محبين الطبخ المصرف ولا شي و اذا مطاعم وانت براسك ولا شي بعد ولي موضوع بقسم التقارير عن رحلتي لاكادير ان شاء الله يفيدك ...

وبلختام المنطقه حلوه و الزحمه اكيد فيه زحمه بس مو اللي تقارن بنهاية السنه ولا الصيف او بعد الاعياد ...

تقبل مروري و ان شاء الله افدتكـ ..


محبكـ


تش تش

ياهلآ ويامرحبآ سحرني حلآها

لا انا نازل على اغادير ..

السهر طبعآ تقريبآ كل الايام على حسب المزاج .. سفريتي لحالي ,, السهر يعتمد على التعارف هناك وانا شخص احب التعارف ..

دامك تشوف 2000ريال يوميا بالسكن شي طيب ,,

من ناحية المبالغ الاحتياطية اكيد لابد منها

شكرآ لك أخوي سحرني حلآها ..

هلا والله
انا من هوات الطبخ ولاكن السفريه لحالي واعتقد أكلي راح يكون أغلبه مطااعم .

اكيد الزحمة بالاماكن الملموومه حلوه ..

شكرآ لك اخوي تش تش

اخوي تركي ..
خل عنك اغادير وحول يمّنا لمراكش ..
رغم جوها الحار وزحمتها الا اني اعتقد انها افضل
سياحيا فالخيارات فيها كثيره ولا اقلل من روعة اغادير الجميله ..
رحلتك ١٣ يوم فرصه توزعها على المدينتين ..

كل الاماني لك برحله سعيده ..

والله ياخوي ماعندي مانع انزل يعني وجهتي على اغادير ,, وهنا ممكن الوضع يتغير وانزل مراكش بس اللي سمعت عن مراكش يبيله خووي .. ماتصلح للي لحاله

أنت رحلتك بتوقيت رحلتي ,, انت مسافر لحالك ؟

اجل نسير عليك وتسير علينا باغادير ان شاء الله ههههه ونتقهوى عندك ونعين من الله خير .

تروح وترجع بالسلامه