شباب الله يسلمكم ،، بالنسبه للتفاصيل التذاكر ب بحدود 4000 ر س وتم تغيير العوده بخمسين يورو وصلت لمطار كازا وادور على الرخصه ما لقيتها ،، نسيتها في السياره والحمد لله ما اتذكرت الموضوع في الطياره او كان ما نمت طلعت من الصاله وحصلت موظف المكتب منتظرني وشرحت له الموقف وقال وش تبي تسوي قلت هات السياره وانا بحل مشاكلي مع المرور $$ قال صافي ,, واخذت سياره بسعر 360 درهم ولو انه غير الصيف كان اخذتها. باقل من 300 و طلعت مراكش في نفس اللحضه ولي كم يوم ،، والرخصه توصلني على DHL بكره المهم ،، رحت لمكتب الشقق وكنت حاجز وقالوا مالك حجز الموظف الي حجز لي فصلوه وقلت تكفوووون يالاجاويد قالوا حط اغراضك هنا ورح تغدا وتعال بعد ساعتين واانا على طول رحت اسيما اخذت اغراضي وتغديت في بجقني ورجعت وقالوا شقتك جاهزه عباره عن غرفه وصاله ب 1100 درهم وافقت ودفعت وجدولي مخبوص ما سهرت غير في الديوان ثلاث مرات وما يجي الساعه 12 الا وانا ادور النوم وهذا شي سلبي يمكن لاني وحدي ما فيه حماس والديوان جوه حلو وزحمه تبي طلبات فرديه بيصرفونك يقلون لازم طاوله 1500 بس معارفي ما قصروا معاي احلا. جلسه واغاني وشيشه فقط لاغير :) ,,, طبعا الطلعات والتسوق والمطاعم واعره واطلع من الظهر وارجع المغرب والدنيا زحمه وغاليه والشباب حصلتهم يقلون تونا رجعنا من اغادير نفس الوضع بالنسبه للصور والله مقصر معكم لان شبكة النت ضعيفه مشترك مع انوي وهي ما ناسبتني لكن ابشروا