عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


حكايتي مع المغرب لسنوات كم انت غريب يامغرب

موضوع مغلق
ذيب نجد
مزعوط مبتدء
المشاركات: 33
تاريخ التسجيل: Jul 2012
ذيب نجد غير متواجد حالياً  
قديم 2012-07-12, 03:54 PM
  المشاركه #1
حكايتي مع المغرب لسنوات كم انت غريب يامغرب

السلام عليكم ورحمة الله وبركاته


اول شي اقدم الشكر لجميع العاملين على هذا المنتدى الجميل لكل مايبذلون من جهد كذلك الشكر للجميع على مايقدمون من تقارير اول شي بكتب لكم تقريري باللغه العاميه لكي يسهل على الطرح



البدايه


كنا شباب ونتجمع في قهوه في فندق صحاري المطار باالرياض وكان اغلبهم من موظفين الخطوط وكل يوم نجتمع فيه كانت اغلب السوالف عن المغرب ومغامراتهم انا كنت وقتها من رواد القاهره ولم اذهب للمغرب من باب شي تعرف له ولا شي تجهله كان الكلام هاذى عام 1998 م مرت السنين وفي عام 2001 م شأت الاقدار ان اذهب للمغرب اجتمعت مع واحد من الشباب وقلت وشرايك نسافر المغرب قااال قدام والكلمه هاذي كانت تعجبني فيه مره حجزت ورتبت امور السفره وكانت اول سفره لي وكنت للامانه في قمت السعاده ومتشوق وخايف شعور غريب حجزنا على الخطوط المغربيه وكانت اول واخر مره اركبها لو اروح على دباب ماركبتها طياره قديمه وصغيره وماارتحت ابد لاكن كنت طول ماانا باالطياره ابي اوصل وبس قلت لخويي وين نروح اذا وصلنا لكازا ولا اقادير ولا ولا ولا للامانه ماكنا نعرف شي ولا حددنا مكان كان جنبي شايب ومدح لنا الرباط قلنا الرباط الرباط وش ورانا وصلنا المطار ختمنا وجمارك واخذنا تكسي على الرابط ولا اتذكر صراحه بكم اتفقنا وحنا في الطريق كنت مبسوط ومرتاح وجو خيااال قلت للتكسي تعرف سكن هناك قال اكيد قلنا حلو ودانا لمنطقه اسمها الهرهوره وصلنا للفله كانت حليوه عباره عن ثلاث غرف فوق وصالتين تحت ووحد من الصالات تتطل على الحديقه والشاطي كان المنظر خيال اتفقنا على الفله لمده ثمانيه ايام وعلى مااذكر كانت 1100 درهم وميه للخدامه كان اسمها الشرقاويه ومشخصه بسروال وفنيله اللي نشخص فيها حنا وكانت منتهيه عطيناها فلوس وقلنا بنام وراحت شرت الاغراض من التعب نمنا في الصاله بملابسنا صحينا العصر الا ريحه المضغوط تشق الوجه لاعبنا في المضغوط وبعدها احلا اتاي وكان اول مره نشربه واعجبنا مرره على طاوله في الحديقه وشيشه الجراك شغاله وبعدها دخلو علينا ال وانبهرنا كنا مستحين مانعرف وش نختار وكل واح يقول لثاني اختر بصوت واطي اخترنا اللي نبي وظبطنا المسجل والجلسه الحلوه لين الفجر وكل واحد نام استمرينا على الوضع هاذى لحد ثامن يوم حاولنا نمدد لان باقي لنا ثلاثه ايام ولاكن قالت مقدر لان فيه ناس جايين وفعلا لما طلعنا كانو هم يدخلون الفله وكانو عمانيين ودعنا ال وودعنا الشغاله والعسه ومشيانا كازا وصلنا لفندق اسمه بيبلوس سويت وكان في الزرقطوني فندق وقتها مش الحال اخذنا سويت وغرفه وكان السويت وقتها 900 درهم والغرفه 600 والضيوف بدون فتح غرفه ولاشي حصلنا واحد اسمه عبداللطيف لبناني كان حلو مع دهن السير شرينا اغراضنا واللي نحتاجه ورحنا لليدوان قبل التجديد وكان ماشي الحال وشيشته حلو وماعليه زحمه مرره اعجبتنا كازا للحركه فيها غير اننا كنا مكبوتين في الرباط في الفله مانطلع الا قليل جاء صاحبي ال من الرباط وسهرنا في البلاك هاوس وانبسطنا فيه مرره وللاسف كان اخر يومين لنا سافرنا للرياض وكان الحزن علينا لاننا انبسطنا اخر يومين وحنا في الطياره قررنا العوده بعد شهرين للمغرب وكان عيد الفطر

نوقف لحد كذا وراح اكمل لكم السفره الجايه
[/SIZE]
ذيب نجد
مزعوط مبتدء
المشاركات: 33
تاريخ التسجيل: Jul 2012
ذيب نجد غير متواجد حالياً  
قديم 2012-07-12, 04:39 PM
  المشاركه #2
رد: حكايتي مع المغرب لسنوات كم انت غريب يامغرب

السفره الثانيه


من الصعب ان اذكر لكم كل سفره وتفصيلها ولاكن هدفي من التقرير ان اوصل لكم مامريت فيه من مواقف ومعارف وصداقات واغلاط عشان الواحد يتجنبها وامور المغرب والتعامل مع الناس وكيف انك لو اتبعت هواء نفسك راح تدهور من نواحي كثيره وابي افيدكم من الاغلاط



رجعنا الرياض وكنا مبسوطين لاننا قررنا نرجع بعد شهرين ومشخصين على الشباب باالكلمات اللي تعلمنها ونروح نشخص على المغاربه اللي مقيمين في الرياض اننا نعرف كلامهم محد قدنا ابد ومرت الايام وقربت السفره الثانيه وكان الشوق اكثر من اول كلمنا الشرقاويه ولاكن للاسف ماكانت ترد بعد محاولات ردت وحده وبعد ماسألنها عن الشرقاويه قالت انه بعد مامشيتو انتم داهم الدرك الفله ومسك بنات ومسكو العمانيين والشرقاويه في السجن قلنا افاااا وكان انذار مبكر لنا من المداهمات قررنا بروح نفس الفندق اللي هو البيبلوس سويت كلمنا وحجزنا وهاالمره كان معنا واحد ثالث وهو عباره عن شخص اطول سفره له من الرياض لجده سوينا له نقله حضاريه وثقافيه وتعتبر قفزه في حياته وكان راعي بر وطبخ وقهوه ووسيع صدر قفزنا فيه الى كازا بلانكا وصلنا لكاز وسكنا الاوتيل ومبسوطين خوينا الثالث جلس يومين ماهو خوينا مبلم ويناظر الناس ومو مستوعب واول مادخل البلاك هاوس جاه هووس وال لقو واحد بقراطيسه انبسطو عليه اللي يسلم عليه واللي يسلوف معه الرجاال مو مصدق وكان فاكهة السفره لدرجه ان السفره الثالثه كان اساسي معنا وكانت متى ؟؟ بعد عيد الاضحى يعني اقل من شهرين كنا مهبل ولقينا لنا مكان جبت صديقي حق الرباط وكانت اخر سفره يكون معي لاني بعد كذا سحبت نفسي عشنا سفرتنا وكانت روعه ضحك واستهبال ومع الصباح يصحينا ابو محمد وقهوه وقدوع وشاهي وبعدها الفطور وقدر المضغوط معه وكان عادي نطبخ في الاوتيل عندنا فرن كهربائي وقبل نطلع للدسكو يقطع البصل والطماط والدجاج وبعد مانرجع ربع ساعه وكل شي زاهب شقردي بكل ماتعنيه الكلمه ومحبوب من الكل تعرفنا على سواق تكسي وباالبدايه كنت ماارتاح له ملقوف واذا جاب لنا اغراض للغرفه وفتحنا الباب يجلس يطل ماهضمته لاكن خويي يمدحه واعجبه بعد مااتفقنا معه يكون معنا طول اليوم متى ماطلبناه يودينا مطاعم ودسكو ونتمشى واذا كنا مانحتاجه يروح مشاويره 200 لليوم صار هو معنا بكل سفره من المطار للمطار وساعدنا كثير في الروحه والجيه والاماكن ورجعنا الرياض وكلنا هم وحزن وذكريات حلوه ومزيد من الكلمات المغربيه وخططنا تكون رحلتنا القاده بعد عيد الاضحى وكانت قريبه وكنا ثلاثتنا ولاكن السفره الجايه نقطة تحول في حياتي وزعطتي في المغرب وحياة الغرام نكمل معكم بعد ماارتااح

اشكر من اتسع صدره لي وتحملني
الفيصل-1
مزعوط نشيط
المشاركات: 56
تاريخ التسجيل: Oct 2011
الدولة: في قلب من يحبني
الفيصل-1 غير متواجد حالياً  
قديم 2012-07-12, 05:25 PM
  المشاركه #3
رد: حكايتي مع المغرب لسنوات كم انت غريب يامغرب

سرد جميل واحداث اجمل
واصل يالذيب
__________________
لي هيبتي بس قلبي حنون
ذيب نجد
مزعوط مبتدء
المشاركات: 33
تاريخ التسجيل: Jul 2012
ذيب نجد غير متواجد حالياً  
قديم 2012-07-12, 05:42 PM
  المشاركه #4
رد: حكايتي مع المغرب لسنوات كم انت غريب يامغرب

[/SIZE] نكمل السفره الثالثه



تجهزنا للسفر ثاني يوم عيد الاضحى وسافرت انا وابو محمد وخوينا الثالث بيلحقنا بعد يومين جهز ابو محمد العده من شاهي وقهوه وقدوع وشيش قبلها كلمت الاوتيل عشا نحجز رد علي شخص جديد وهو مدير الاوتيل وكان لناني رحمة الله عليه اسمه احمد فياض ونعم الرجل لتعامله معي شخصيا فلا اعلم عن تعامله مع الاخرين كلته وحجز لنا ووصاني على اغراض اجيبها معي وصلنا للحبيبه المغرب وكان في استقبالنا في المطار حبيبي اللي كنت اكرهه سواق التكسي وكنت غلطان لما حكمت عليه من الاول نعم الرجل والاخ والصديق وصلنا الاوتيل كل شي مرتب لنا التقينا بمدير الاوتيل سلمت عليه وتعرفنا على بعض كان نظامنا في كل سفره نوصل وننزل الشنط وبعدها على اسيماء اللي في التوين سنتر نشتري الاغراض ونرجع الاوتيل ننزلها ونكمل المشوار للديوان طبعا المسافه قريبه لموقع الاوتيل الاسترتجي ونرجع نريح الى الساعه وحده ونص وعلى البلاك هاوس ماكنا نفوت اي شي اول يوم ابو محمد لقاله ال ومبسوط فيه وانا بعد انسحابي من راعي الرباط ماكنت انيشن صح اول يوم عدا قلنا مو مشكله بكره وتعبان من السفر ومالي خلق ثاني يوم برضه مالقيت الا ابي وكنت من الناس للامانه يااخذ شي يملا العين ولا ماله داعي ولاكن للاسف مالقيت قلنا كل تأخيره وفيها خيره لاكن ماطلع خيره طلع شي خرافي جانا جاء خوينا من الرياض ورحنا لمطعم البور اللي هو الميناء والحمدلله اكلنا لين دخنا وعلى الاوتيل وظبطنا الشيش والشاهي وهاتك سوالف وذب على بعض الليل طلعنا البلاك هاوس كنا فاتحين طاوله وكنت نازل من فوق كنا نلعب بالياردو وانا نازل والقى ي الصعب واللي ماتقرنس هاذى اللي ابي يارب مامعه احد تابعته من بعيد اعجبني في كل شي واكتشفت انه مو مقرنس ومامعه احد ققرت اروح له واكلمه وكل ماقربت منه كنت انتفض واحس بدقات قلبي تزيد كلمته وكان مبتسم ووافق على طول رحنا الطاوله وكملنا سهر وعلى الاوتيل وجلس معي الا اخر يوم في السفره وكان خيال من كل النواحي حسيت اني تعلقت فيه وهو نفس الشي وكنا نرتب الشناط والاغراض وناداني وجيت قال ممكن طلب قلت امري تدللي قال لا تروح اجلس وانا من جواي اقول والله ماشبعت منك قلت مااقدر لازم ارجع قالت عافك عشان خاطري قلت عطيني فرصه لين اوصل المطار يااكلمك واقول لك انا راجع يااكلم وقولك فمان الجرح ياذيك السوالف طلعنا من الاوتيل وودعناهم بمثل ماااستقبلونا ولله الحمد كنا محبوبين جدا لهم في الاوتيل لحسن تعاملنا وحسن اكرامنا لهم من المدير الى اصغر عامل دق البروقي ابو محمد وقال على الرياض ركبنا الشناط ومسكنا الطريق ولاكن في داخل صراع يناس ارجع ولا اروح فاتحت الشباب في اننا نرجع كل واحد كان فعلا مايقدر لضروفه اما انا كانت اجازتي مطوله وماعندي شي ارجع له وجلست بيني وبين نفسي ارجع ولا اروح العقل يقول رح للرياض والقلب يقول ارجع وش وراك وصلنا المطار كانت هناك زحمه شديده الناس مو لاقيه حجز ومع زحمه الناس قلت للشباب انا برجع ماصدقو ولاكن فعلا ودعتهم ورجعت دقيت على ال وقلت انا قالي قول راجع لا تقول مسافر قلت انا راجع وياليتني قلت انا رايح ورحت كان ارتحت كثير في حياتي رجعت للاوتيل جهزو السويت لي وشيشتي لان كنا نترك الشيش والاستريو عندهم بحكم علاقتي بمدير الاوتيل صاحبي قال خلاص انا بروح الصالون وبعزمك في البلاك قلت اوكي وانا راجع للاوتيل كنت اقول ليتني رحت لانه صراحه ربعي راحو وضاق صدري شوي رحت البلاك فعلا كان ال فاتح طاوله ومسوي عزيمه لي ومعه صاحباته جلسنا وانبسطنا ورجعنا الاوتيل ولاكن فعلا فقدت ربعي ومع الرومنسيه والحب عشت اربعه ايام لاتوصف من حلاوتها جاء موعد رحلتي ورجعت نصيحه لوجه الله اذا كنت مسافر ومعك احد من ربعك وجاء وقت الرجعه وانت خاطرك في الجلسه وربعك ماقدرو يمددون معك ارجع معهم ولا تجلس عشان قلبك ابد لانك هنا راح تسلم نفسك لرحلة الخطوط السعوديه رقم 371 ورقم 373 وبتكون رجلة الرياض كازا كنك رايح من الرياض للخرج


نكمل في الحلقه القادمه وبداية الزعطه الواعره والتعمق في كازا واسرارها
مغرباووي
مزعوط قدير
المشاركات: 206
تاريخ التسجيل: Oct 2011
الدولة: الرياض
مغرباووي غير متواجد حالياً  
قديم 2012-07-12, 06:36 PM
  المشاركه #5
رد: حكايتي مع المغرب لسنوات كم انت غريب يامغرب

هالللللللللللا بالزعطه ماعمري فكرت اقعد بالحالي ابد
ذيب نجد
مزعوط مبتدء
المشاركات: 33
تاريخ التسجيل: Jul 2012
ذيب نجد غير متواجد حالياً  
قديم 2012-07-12, 06:36 PM
  المشاركه #6
رد: حكايتي مع المغرب لسنوات كم انت غريب يامغرب

نعود لكم بعد الفاصل للمعلوميه انا مداوم وقلت خل وقت دوامي لكتابه هذا التقرير


رجعت الى الرياض بعد ثالث سفره وكلي حزن وشوق الى المغرب جلست فتره وكان يتخللها مكالمات لل وفعلا كان عذاب البعد مسبب لي قرحه وحرقان ابي ارجع بأي طريقه مرت الايام بين الشوق للمغرب ولل وكل حاجه في المغرب من الاوتيل والسويت اللي اطلقنا عليه لقب الشبك لان خويي اذا لقاله وجاز له قلنا الشبك وفعلا يجي للشبك تعمقت علاقتي بمدير الاوتيل والعاملين وسواق التكسي واما ال كان شي لا يوصف لانه اخذ الشي الكثير من القلب مرت اول سنه وهاذى انا اسجل 6 سفرات للمغرب تعرفت على كثير من الشباب هناك اللي جاي سفره ويرجع واللي مزعوط زيي وكل فرصه وهو هناك واللي استقر هناك وفتح له مشروع ومنهم الاخ حسن المحض 00فاتح محل تأجير سيارت توسعت علقتي باالكثير من العاملين في المطاعم والمقاهي وكذلك العاملين في البلاك هاوس وعلى راسهم حسين والحاج الى درجة انهم اطلقو على لقب العمده في الاوتيل استمرت علقتي مع ال وكل يوم يزيد الحب والوله والضياع الى ان وصلت مرحلة ان عفشي وخلاقيني عنده اروح بلبس المطار وارجع بلبس باقي العفش جزء في الاوتيل وجزء عند ال كنت الاحظ في نفسي اني اقدمت على شي غلط ولاكن القلب يقول انت صح وماعليك ومحد حاس في اللي انت تحس فيه وهذا هو عام 2004 ينتهي وانا اسجل 31 سفره في اربع سنوات وصلت اني اعرف قصة كل ال اللي يرتادون البلاك ومن هم والكوبس واللي موكويس وكلهم كانو يعرفوني اني صاحب ال المقرنس حتى البودي قارد حق الديوان اللي كنه جدار صبه من كبره وشنبه كنه عاض له غراب كان اسمه عبدالجليل فعلا كانت مرحله مجنونه في حياتي اكتب هذه التجربه لااني اجزم انه يوجد من يمر باللي انا مريت فيه واحذره من طريق الجنان لان كل شي باالركاده والشي اللي يتجاوز حده راح يكون عكسي وسلبي استمريت في حبي للمغرب وباالذات كازا عرفت اغلب الاماكن انضفها واخطرها عرفت على جميع طرق النصابين وسواقين التكاسي وهادم اللذات الامن الوطني تمتعت في لحظات المغرب الى ان وصلت مرحله ان سفرتي تكون ويكند اربعاء الذهاب والعوده الجمعه او الاحد بدات السمعه في الرياض باالانهيار وهذا مسحور وهذا موب صاحي اكيد فيه بلا ومن الكلام اللي ماله سنع هههههههههههههههههههههههه الطامه الكبرى اني كنت متزوج ولدي وقتها ولد اما زوجتي المسكينه بحكم انا عملي يجبرني على السفر كانت اموري ماشيه وعايش احلا جو مع ال زادت الامور الا اني وصلت ان جلست في سفره 44 يوم ورجعت الاحد للرياض والاربعاء مشخص في الطياره لكازا نصيحه والله ثم والله اني اكتب قصتي لكم عشان محد يغلط غلطتي وينزعط ويتوهق رح سافر انبسط ووسع صدرك وفلها براحتك ولاكن بحدود امسك العصاء من النص ووازن امورك لكي ترتاح عشان ماتوصل مرحلة انك تصرف على بيتك باالرياض وتصرف على ال في المغرب وتتحمل شي فوق طاقتك ولا تقول ايه هين لان اذا الشي هذا صار راح تسوي اللي محد سواه عشان ترضي شي داخلك الى هنا ووقف القصه عشان دوامي خلص وسأكمل لكم باذن الله الباقي من القصه واهمها مداهمه الدرك للشبك والقبض على الشباب والبنات ومدير الاوتيل القاكم على خير واسف على الاطاله
alshaer1976
مزعوط نشيط
المشاركات: 80
تاريخ التسجيل: Aug 2010
alshaer1976 غير متواجد حالياً  
قديم 2012-07-12, 07:09 PM
  المشاركه #7
رد: حكايتي مع المغرب لسنوات كم انت غريب يامغرب

يازمان التسعينات اااااااااااااااه
مغرباووي
مزعوط قدير
المشاركات: 206
تاريخ التسجيل: Oct 2011
الدولة: الرياض
مغرباووي غير متواجد حالياً  
قديم 2012-07-12, 08:41 PM
  المشاركه #8
رد: حكايتي مع المغرب لسنوات كم انت غريب يامغرب

تقرير روعه وهذي موب زعطه ذا شي خرافي اهم شي لايكون انمسكت معهم وشكرن لك تقبل مروري
الولهان
مزعوط خبير
المشاركات: 1,682
تاريخ التسجيل: Jul 2011
الولهان غير متواجد حالياً  
قديم 2012-07-12, 10:27 PM
  المشاركه #9
رد: حكايتي مع المغرب لسنوات كم انت غريب يامغرب

انت شويه عليك ذيب نجد تلا الذيابع يتعلمون منك تبارك الله وش ذي السوا لف الحلوه والذكريات الممتعه ياليت ماتقطع فينا تكفئ واصل كلنا اذان صاغيه مافي احلا من الذكريات يالذيب: (480):
 الصورة الرمزية تركي13
تركي13
مزعوط خبير
المشاركات: 1,517
تاريخ التسجيل: Apr 2012
الدولة: السعوديه جده
تركي13 غير متواجد حالياً  
قديم 2012-07-13, 12:36 AM
  المشاركه #10
رد: حكايتي مع المغرب لسنوات كم انت غريب يامغرب

ههههههههههههههههه
والله انك ذيبان وش هالزعطه كلها
تصدق نفس حكايتي واسافر في كل الاجازات
المدرسيه يعني اربع مرات بالسنه
وش رايك مايجنسونا احسن هههههههه
بس اتوقع فيه ناس مزعوطين اكثر منا
واصــــــــــــــــــــــ ـــــــــــــــــــــــــ ـــل
تقرير روعه وسرد جميـــــــــــــــــــــل
موضوع مغلق


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: حكايتي مع المغرب لسنوات كم انت غريب يامغرب
الموضوع آخر مشاركة
دام عزك يامغرب 2015-08-06 06:14 AM
حكايتي المضحكة مع المغرب 2012-08-29 03:52 PM
يامغرب العشاق 2012-03-18 07:00 PM
حكايتي قصة تنتظر .. \ فطيمة المراكشية 2011-12-14 11:24 AM
الليلة احساسي غريب - الى المغرب بعد 7 ساعات 2011-09-15 08:20 PM


الساعة الآن 01:30 AM