|
شيب الفلاحي
هذه قصيدة ذكرها الشاعر الكبير بندر بن سرور في الشيخ زايد بن سلطان رحمهما الله و أسكنهما فسيح جناته شيب الفلاحي بديت ذكر اللي بسط سبع بوتاد ـــــــــــــــــــــــــ ـــــــــــ واللي رفع سبع بليا عمدها والكار للي صار غيث للأجواد ـــــــــــــــــــــــــ ـــــــــــ لاقبلها صارت ولا من بعدها زايد على كل العرب بالوفاء زاد ـــــــــــــــــــــــــ ـــــــــــ ساق المراجل لين وقف عددها حلحيل حلو مر زراع حصاد ـــــــــــــــــــــــــ ـــــــــــ كبد يداويها وكبد لهدها ولي عجوز من ورى شط بغداد ـــــــــــــــــــــــــ ـــــــــــ سمت على شيب الفلاحي ولدها تبغاه يطلع مثل زايد ولا فاد ـــــــــــــــــــــــــ ـــــــــــ ماكل من هاز الطويله صعدها ياشيخ انا جيتك على غير ميعاد ـــــــــــــــــــــــــ ـــــــــــ من خوف روحي لايجيها وعدها أتمنى أن تحوز على إعجابكم |
رد: شيب الفلاحي
يوم اقرأها بديت اهز الراس يابوحميد ههههههههههه من اجمل القصائد الاماراتيه والمغناهـ كم انت كبير أيهااا المبدع لاعدمنااااااااااا جديدكـ تحياااااااااااااااتي لكـ يابو حميد وكل عام وانت بخير |
رد: شيب الفلاحي
صح الله لسانه ولا هــان ناقلهـا الله يرحمه و يغفر له كان ونعم الشيوخ تسلم سلنقح |
..| ســـلنقح أختيار أكثر من رائع |..
..| ســـلنقح |.. https://www.mr3oobqatar.com/vb/vb/im...4/136618-1.jpg صورة الشاعر بندر بن سرور يرحمه الله من أجمل القصائد للشاعر الكبير المعروف بندر بن سرور رحمه الله , شاعر فحل و تحفظه كتب التاريخ و التراث الشعبي و أسمح لي أخي ســـلنقح بذكر مناسبة هذه القصيدة الجميلة , و هي ترتبط أرتباط وثيق بحياة الشاعر . كان بندر في حياته مشاغباً و مزعجا للسلطات في المملكة اثناء حكم الملك فيصل , حيث كان يهرب البضائع من الكويت ليكسب من خلال أرباحها لاختلاف السعر في ذلك الوقت . و كان أمير المنطقة الشرقية سعود بن جلوي غاضبا من بندر , حيث قبض عليه اكثر من مره و يخرجه أمير عتيبة تركي بن ربيعان أمير الفوج التاسع بالحرس الوطني , و هو من شيوخ قبيلة عتيبة اللي لهم كلمة عند الملك و الحكومة و كان ياخذون تعهد على بندر بعدم التهريب , إلا انه مطنشهم ولا يسمع الكلام . المهم وصل للأمير بن جلوي ان بندر هرب بضاعه و لا قدروا يمسكونه , فحلف بن جلوي ان يقتل بندر اذا قبض عليه و معروف عن بن جلوي قسوته و شدته و جبروته اثناء حكمه للمنطقة الشرقية . ووصل لبندر كلام الأمير وتهديده بس ما ارتدع , و في يوم و بعد المغرب بشوي كان بندر نازل مع النفود بسيارته الونيت و تفاجأ ان حرس الحدود مخيمين أسفل النفود , و أيقن انه مقبوض عليه لا محاله , فهو لا يستطيع العودة لأن النفود عالي و إذا نزل معناها مسكوه فأوقف السيارة و ترجل منها ورجع على أقدامه , و صادف سيارة و ركب معاه و طلب منه يوصله لبيت الشيخ تركي بن ربيعان و وصل له حوالي الساعة وحده بالليل , و قام يطق الباب بقوه و الليل هادىء و صحى كل اللي بالبيت و كان الشيخ بن ربيعان بالدور العلوي و راحت بنته تفتح الباب و بندر يطق الباب بقوه , و فتحت الباب وهي ما تعرفه ولا قد شافت بندر و قال لها أبوها من اللي عند الباب يا بنت قالت : رجال كنه مرجوج يبغاك [ وسمعها بندر وهي تصفه بالمرجوج ] قال خليه يدخل للمجلس و غير الشيخ ملابسه , و قامت البنت تسوي القهوه , و لما دخل الأمير تركي بن ربيعان و خلفه بنته معها القهوه التفت عليها بندر و قال : يـا سهيّـف الذرعـان مانيـب مـرجـوج رجّـتـنــي الأيــــام جـتـنــي بـحـيـلـه يا بنت لـولا اللـي علـى تاسـع الفـوج تـركــت نــجــد و عــــزوةٍ بالقـبـيـلـه لاشــك حاديـنـي عـلـى نـجـد هـيــدوج مسقـي الفيافـي ليـن يـدرج مسيـلـه تركـي ليـامـن الـبـلاوي غــدن عــوج حـمــل عتـيـبـة كـلـهـا مـــا تـشـيـلـه يرسي كما مينا البواخر علـى المـوج ومنـيـن مــا صــك البـحـر يرتكيـلـه مـــادام تـركــي حـــيٍ مـــا ودي أدوج و إن غاب غبت من الرجوم الطويله عرف الشيخ بن ربيعان من الأبيات ان بندر في مشكلة , و يبي الفزعة و أبتسم الشيخ و قال : أبشر يا بندر وش طلبك , وأخبره بالسالفه و أنه خايف ينمسك و يبيه يشفع له عند أبن جلوي , قال له : أبشر يا بندر و ركب بندر مع الشيخ بن ربيعان بسيارة الشيخ و راحوا للدمام و وصلوا لقصر الأمير بعد صلاة الفجر بدقايق , و كان الأمير سعود بن جلوي متعود كل يوم بعد الفجر يجلس بالمجلس يتقهوى و يسمع صفحتين من كتاب الحديث , فأوقف بن ربيعان سيارته مقابل المجلس بس بعيد شوي , و كان الوقت لا زال ظلام و نزل لوحده و سلم على الأمير و جلس بجانبه , ولما صب المقهوي الفنجال للشيخ بن ربيعان انزل الفنجال على الأرض و والتفت عليه بن جلوي و قال : وش فيك نزلت الفنجال !؟ قال بن ربيعان : لي طلب قال الأمير أبن جلوي : أشرب فنجالك و اللي تطلبه جاك , إلا بندر بن سرور ! فشرب بن ربيعان الفنجال و نهض صوب بندر , و قال له عدم رضا الأمير سعود عليه و لم ينفذ طلبه و أبن جلوي يهددك بالموت , فقال بندر : وما الحيلة !؟ https://www.xx5xx.net/up-pic/uploads/cd4d3d830b.bmp المغفور له بأذن الله تعالى الشيخ زايد بن سلطان آل نهيان رحمه الله قال له : مافيه الا أن تذهب إلى أبوظبي عند الشيخ زايد بن سلطان آل نهيان و الأحتماء به , و فعلا أرتحل الشاعر إلى دولة الامارات عن طريق التهريب فلما وصل دولة الامارات , دخل على رئيس الدولة الشيخ زايد و قال تلك الابيات : أبدا بذكر اللي بسط سبع باوتاد و اللي رفع سبعاً بليا عمدها و أذكار للي صار غيثاً للاجواد ماقبلها صارت ولا من بعدها زايد على كل العرب بالوفا زاد ساق المراجل لين وقف عددها حلحيل حلواً مر زراع حصاد كبداً يداويها و كبداً لهدها حتى العجوز اللي ورا شط بغداد سمت على الشيب الفلاحي ولدها تبغاة يطلع مثل زايد ولا فاد ولا كل من هاز الطويلة صعدها ياشيخ انا جيتك على غير ميعاد من خوف روحي لايجيها وعدها أحببت ذكر مناسبة هذه القصيدة و أعتذر لأخي العزيز ســـلنقح , لمشاركته ما أبدع فيه و سلامتكم شاكر لك أخي العزيز ســـلنقح و دمت بود على هذا الأبداع و الحس المرهف . أخوكـ | سام |
رد: شيب الفلاحي
اقتباس:
وهذه هديه لك هز راسك على راحتك ‫عيضه المنهالي. بديت ذكر اللي بسط‬‎ - YouTube |
رد: شيب الفلاحي
اقتباس:
مرورك زاد من روعة الموضوع |
رد: ..| ســـلنقح أختيار أكثر من رائع |..
اقتباس:
تمون أخوي سام أنت الداخل و أنا الطالع ,,, أفا عليك بس ذكرك للقصة كان نبراس و نور سرد جميل بجمال قلمك وهذه الشيلة هدية لك و لكل المزاعيط ‫شيلة بندر ابن سرور -- ياسخيف الذرعان مانيب مرجوج‬‎ - YouTube |
| الساعة الآن 05:17 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط