ياللي تقول الله يازين اقادير
عز الله انك صادقا بالعباره
وتشوف خلق الله عليها طوابير
كلن يشد الحيل ناصي مطاره
يرخون من جزل الدرهم دنانير
مابين الفنادق تالي نهاره
مير استمع للهرج مسيت بالخير
علما بقوله مقتنع في مساره
النفس تهوي تكتغها معايير
اما يزين الحال ولا دماره
هذي ديار الشيوخ المناعير
مرتع هواهم ومقناص الحباره
يامحرم نفسك ترا وقتنا غير
عيش الحياه وخل عنك المراره
العر فاني والصوادف مقادير
مات الفقير ومات راعي التجاره
افرد جناحك ونصها دون تاخير
وكر الحياه الي تحتري حراره
ونثر همومك على صدور الغنادير
هذيك سلماء وهذيك ساره
الوقت دربني علي كل تصوير
مخوي المذن وراعي الزقاره
وان قاله الله وسعفتنا المقدير
يمكن شهر ابريل اجيها زياره
هذي بلاد المغرب من دون تقصير
خل الي يقولون روحت خساره
محمد الخامس حاكم طوابير
يسعد الي شافك تجيله زياره
وهذي تحيه لراعي اقادير
الي منازلهم علي حد قاره