عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


مشاهدة نتائج الإستطلاع: هل وجدت في هذا الموضوع معلومات مفيده لمن يريد السفر للمره الأولى؟
نعم
4
66.67%
لا
2
33.33%
المصوتون: 6. أنت لم تصوت في هذا الإستطلاع

موضوع مغلق
مزعوط جديد
المشاركات: 14
تاريخ التسجيل: Aug 2012
الودايه غير متواجد حالياً  
قديم 2012-08-28, 05:53 PM
  المشاركه #1
سوالف رحلتي للرباط

السلام عليكم ورحمة الله وبركاته

حبايبي أعضاء اليوم أنا بسولف لكم عن رحلتي للمغرب وتحديداً مدينتي المفضلة "الرباط" : (65): تقريري هذا مافيه صور لكنه سواليف بهدف المتعه والتسليه ونقل التجربه وتوضيح الايجابيات والسلبيات اللي واجهتنا بهذي الرحله..
الرحله كانت في شهر 4 الموافق ابريل السنه هذي والتخطيط لها كان سريع والصدف كان لها تأثير كبيييير على أحداث هالرحله.. بينما انا في بالدوام من صباح الله خير : (517):جاني إتصال من صديقي ورفيق دربي أبو ناصر : (503): وجرى هذا الحوار بيننا:

أنا: هلا أبو ناصر
أبو ناصر: هلا وغلا ماحولك إجازة على شهر ابريل؟
أنا: لعيونك آخذ اجازة بس وين تبي ناصل؟
أبو ناصر: ناصل ربعنا اللي انت خابر..
أنا: أوكي مبدئياً..

كنا ببداية شهر 3 وكان باقي قدامنا شهر قعدت أدور خلاله على حجز مناسب حتى حصلت على ان الاتحاد بحوالي 2300 ريال تقريباً..( الرياض- أبوظبي- كازا )والنتظار في أبوظبي أربع ساعات .. بعد ما شاورت أبو ناصر توكلنا على الله وحجزنا..
يوم بقى على الرحلة أسبوع قلت لازم أدق على خوينا أبو خالد وآخذ منه أرقام كم فلة وكم سواق لاني أخبره راعي بخص بذيك الديار أتصلت به قلت يابو خالد أبي منك كذا وكذا: (214): رد على بعنف وهو يقول طيب كان علمتني من قبل علشان أخلي حجزي معك أنا ماشي بكرة الفجر على الخطوط السعوديه لحالي.. قلت حلوو وش هالصدفه الحلوه أجل نتقابل هناك ..

طلعنا يوم الرحله انا وابو ناصر قبل موعد الطياره بساعتين وصلنا المطار وبعد ما عملنا التشك إن ودخلنا الصالة قلت بدق على أبو خالد أشوف وش صار عليه : (214): هاه يابو خالد وش النظام؟ ترانا باكر الصباح عندكم إن شاء الله.. قال انا الان راكب القطار طالع من مراكش رايح للرباط واذا وصلتو دقو علي.

مشينا من مطار الملك خالد بالرياض الساعه 10 ليلا متجهين لمطار أبوظبي ويوم نزلنا هناك تجولنا فيه شوي وتمشينا في السوق الحره و راح الوقت بسرعه ما حسينا فيه الا وهم يعلنون رحلة كازا ونركب الطياره ويسحبها أبو ناصر نومه: (716): الين قربنا ناصل ماقام الا يوم تعدينا لوحة تونس: (95): وأقومه قم قم يابوناصر قربنا ناصل: (778):

يوم نزلنا للمطار وختمنا جوازاتنا وخذنا أغراضنا وطلعنا انا وابو ناصر وحنا تقول طرمان طاقين الحولة وساكتين.. يلحقونا ذا الكداده طاكسي طاكسي وحنا ملبدين تقول صقهان مانسمع.. توجهنا على طوووول تحت لمحطة القطار وقلنا للموظفه نبي تذكرتين درجة أولى للرباط محطة المدينه وكانت رخيصة بحدود 100 درهم ان كان ما خانتني الذاكره..

ونركب بالقطار وكان مستواه فوق الجيد يعني زين وجنبي شايب مغربي قعدنا نسولف معه عن في شتى المواضيع تاريخ المغرب والادارسه و المارينيين ثم شطح على مشكلة البطالة عندهم.. يقول انه دكتور في جامعة الحسن الثاني..

في هالاثناء أنا دقيت على أبو خالد وقلت هاه يابو خالد: (214): وين الوعد قال أنا السواق محمد بينتظرك في محطة الرباط المدينه تراه طاله لع ربع ساعه.. قلت زين زين.

يوم وصلنا المحطه الا ذا اللي يناديني بصوت عالي مدري وشلون عرفني قلت انت محمد قال ايه قلت يالله أجل مشينا لخوينا أبو خالد... طبعاً مثل ماقلت لكم هو سابقنا وماخذ شقه في أكدال حلوه بس صغيره يقول انه ماخذها بـ 800 درهم.. يوم جينا وسلمنا على أبو خالد وصلينا الظهر والعصر جمع والا خديجة الشغالة مجهزة ذاك الطاجن اللي يحبه قلبك وندبغ فيه الين دخنا يوم خلصنا.. وشيشنا أحلى راس شيشه والنسمات العليله الباره تهفهف علينا مع البلكونه وبعد مشاورات إتفقنا اننا نطلع ندور على فلة تكون بمنطقة طريق زعير حي الرياض او السويسي..

أنا قصرت من الكتابة بكمل بقية التقرير لاحقاً واعذروني على ركاكة التعبير

المشاركات: 352
تاريخ التسجيل: Nov 2011
الدولة: جدة
مذهلة غير متواجد حالياً  
قديم 2012-08-28, 06:55 PM
  المشاركه #2
رد: سوالف رحلتي للرباط

حمد لله عالسلامة , ومنتظرين بقية التقرير

المشاركات: 2,180
تاريخ التسجيل: Feb 2012
الدولة: فُيُ ركُنيُ آلهآديُ
ADMNTK غير متواجد حالياً  
قديم 2012-08-28, 07:30 PM
  المشاركه #3
رد: سوالف رحلتي للرباط

تقرير من بدايته شيق وسردك للاحداث رائع ..واصل يالغالي
__________________
مزعوط خبير
المشاركات: 1,685
تاريخ التسجيل: Jul 2011
الولهان غير متواجد حالياً  
قديم 2012-08-28, 10:10 PM
  المشاركه #4
رد: سوالف رحلتي للرباط

اسلوب ولا اروع تسلم يالغالي سرد خفيف ومبسط
مزعوط جديد
المشاركات: 14
تاريخ التسجيل: Aug 2012
الودايه غير متواجد حالياً  
قديم 2012-08-29, 10:58 AM
  المشاركه #5
رد: سوالف رحلتي للرباط

اقتباس:
المشاركة الأصلية كتبت بواسطة مغربية والهوى خليجي مشاهدة المشاركة
حمد لله عالسلامة , ومنتظرين بقية التقرير
الله يسلم قلبك.. وباقي التقرير جاي قريباً بإذن الله
مزعوط جديد
المشاركات: 14
تاريخ التسجيل: Aug 2012
الودايه غير متواجد حالياً  
قديم 2012-08-29, 11:00 AM
  المشاركه #6
رد: سوالف رحلتي للرباط

اقتباس:
المشاركة الأصلية كتبت بواسطة ADMNTK مشاهدة المشاركة
تقرير من بدايته شيق وسردك للاحداث رائع ..واصل يالغالي
كلك ذوق يالغالي..
مزعوط جديد
المشاركات: 14
تاريخ التسجيل: Aug 2012
الودايه غير متواجد حالياً  
قديم 2012-08-29, 11:01 AM
  المشاركه #7
رد: سوالف رحلتي للرباط

اقتباس:
المشاركة الأصلية كتبت بواسطة الولهان مشاهدة المشاركة
اسلوب ولا اروع تسلم يالغالي سرد خفيف ومبسط
وجودك هو الرائع..
مزعوط نشيط
المشاركات: 53
تاريخ التسجيل: Jul 2011
الدولة: الدمام
Dammam غير متواجد حالياً  
قديم 2012-08-29, 01:16 PM
  المشاركه #8
رد: سوالف رحلتي للرباط

سرد رائع مبسط وجميل للأحداث

الف حمد الله على السلامه و واصل الله يعطيك العافية
 الصورة الرمزية mimi
مراقب
المشاركات: 10,324
تاريخ التسجيل: Jul 2011
إرسال رسالة عبر AIM إلى mimi
mimi غير متواجد حالياً  
قديم 2012-08-29, 04:10 PM
  المشاركه #9
رد: سوالف رحلتي للرباط

الحمد الله على سلامتك
تقرير حلو ما اشوف فيه لا ركاكة ولا شي بالعكس
واصل ونشا الله تكون فيه افادة
تحياتي
مزعوط نشيط
المشاركات: 104
تاريخ التسجيل: Dec 2011
سعدءءءء غير متواجد حالياً  
قديم 2012-08-30, 04:55 AM
  المشاركه #10
رد: سوالف رحلتي للرباط

متظر. التكمله متابعينك بعنف
موضوع مغلق

الكلمات الدلالية (Tags)
رحلتي, سوالف, للرباط


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
سوالف رحلتي ys45 الاستراحه 5 2018-01-26 05:12 AM
تقرير : رحلتي الاخيره الى اغادير الحبيبه ( نوفمبر - 2012 ) سوالف و قصص Bianconri_q8 ارشيف تقارير السفر الى المغرب 113 2016-10-01 10:18 PM
رحلتي يوم الخميس 17/1/2013 للرباط mjnoon قسم الاسئلة و الاستفسارات عن المغرب 4 2013-02-02 11:35 PM
سوالف ..........بنات رانا الاستراحه 12 2012-12-06 05:04 PM
رحلتي الاولى للرباط في سطور بوقوس الشرق الاوسط ارشيف تقارير السفر الى المغرب 33 2011-06-12 07:11 PM


الساعة الآن 02:10 PM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81