السلام عليكم ورحمه الله
هلا اخوي دحومي ونورت طنجه والمغرب عموما بس اسمحلي اخالفك الراي شوي
مشاركتك حلوه بس فيها هجوم على طنجه واللي يقرا موضوعك ماراح يفكر يطب طنجه يعني بتخرب السياحه عندنا بسبتك ههههههه
انت تقول من عيوب طنجه المطاعم وانا مره مستغربه من الجمله ذي انت من جدك تتكلم عن طنجه؟؟؟؟؟؟ طيب انت رحت مطعم بويرتو مارينا..؟؟ رحت مطعم الجوهره او كل المطاعم المحاطه فيها؟؟ رحت مطعم الميراج؟؟؟ رحت طليطله؟؟؟ رحت مطعم حصاد اليوم؟ رحت مطعم لوجي ؟؟؟؟ بجد مستغربه اصلا طنجه كلها مطاعم ومقاهي هههههه
وسمكنا طازج وتحتار وش تاكل وفين تاكل ايه صح نسيت مطعم طارق صحيح مو كلاس بس يااخي عليه اكل وسمك يجنن وزحمه بقوووووه هههههههه
اما بالنسبه للكرنيش يالبيه ياكرنيش طنجه فديته مالكم حظ فيه صدق ههههههه
طنجه فعلا تختلف عن اغادير ومراكش وكازا بس مانقول ماتصلح لسياحه ياخوي نقول مثلا تصلح لسياحه العوايل او تصلح لناس اللي تدور سياحه ومناظر وجمال المكان
اما بالنسبه للفنادق صحيح الاسعار اللي تقول عنها بس انا احبهم لقلبي الميراج لانه فوق بالجبل بعيد عن المدينه وله طابع خاص للي يحبون الروقان والرومانسيه
والموفنبيك بعد حلو وقريب من كل شي
عموما ياعزيزي نورت طنجه بس امانه لاتخرب السياحه وتقول انها ماتصلح ههههههههه
ايه صح بالنسبه لشيشه انت يمكن اول مره تجي ولا تدل الاماكن بس فيه مقاهي لشيشه صحيح ماراح تلقى فيها الا المغاربه بس تصلح مانقول انها شينه
او خذلك شيشه فوق في الجبل وريح راسك وعيش جوك
عاد انك جوك واضح انه صعب الله المستعان بس ههههه
تقبل مروري

الناس اذواق

ومشكور على الموضوع

كل واحد وتجربته

ومير ان الحميه تاخذني من جديد على طنجتي الغاليه وارجع واخالفك الراي وزي ماقالو المزاعيط الاختلاف بالراي ابد مايفسد للود قضيه الله يهديك يادحومي ذبان عاد بطليطله؟ الجوهره اقول احتما بس طليطله صعبه وبعدين الحين صار الذبان مشكله ؟ هههههههههههه
اما بالنسبه لشيشه اول شي الطنجاويين مو متولعين فيها الا نسبه قليله عشان كذا مالها اهميه وصحيح يبيلها رخصه وطالما مالها جماهير كثيره ماحد مهتم يطلع رخصتها
بس بجد اول مره اسمع احد جاه طنجه ولاحبها وهذا شي قاهرني
اما بانوراما فعلا تجنن وكافي جلستها مقابل البحر بس تخيل انت مقهى بهالجمال ويكون فيه شيشه؟؟ عز الله خرب ولا صار هادي ولا رومانسي ولاشي
انت جيتك لطنجه ماكانت مدروسه واتوقع زيارتك الاولى عشان كذا اخذت انظباع مو حلو عن البلد ماشاء الله راجع تقارير كل المزاعيط لطنجه كانت رحلات مدروسه وومنسقه وجدا ناجحه
وجابو لنا العلوم الطيبه اللي تسر الخاطر وترفع الراس عن طنجتنا الغاليه العاليه
وسامحني على الحميه بس شسوي طنجاويه قح هههههههه