|
استفسار بخصوص استاجر سيارة + طريق كازا - مراكش
السلام عليكم
صباح الخيرررر واللي يجون بالمساء اقول لهم مساء الخيررر يا الربع قاصدكم ابي تفيدوني باول سفرة لي للمغرب وزي ما يقولون بالمغرب لاتستغرب رحلتي الاسبوع اللي بيجي الثلاثاء من الرياض - جدة - كازا ومن ثم إلى مراكش الحمراء ومن هناك بنكون في منتجع النخيل - الدرقاوي وعشان الانتقال لمراكش احتاج سيارة وابي اعرف من اللي سبق وقد استاجر سيارة من المطار كم اسعارهم وايش الاحسن وايش اللي اركز عليه وادقق عليه وانتبه منه وياليت تفيدوني بالتفاصيل كامله والانسب وباخذ السيارة خمس ايام وكلها بكون في مراكش وكذلك الطريق من كازا إلى مراكش ومن ثم منتجع النخيل .. كيف الطريق وهل هو واضح او يحتاج وصف او سؤال .. وكل تفاصيل الطريق ومخاطره ويعني بكون بكازا ع الساعه 5 العصر ولكم كل تحياتي و |
هلابك أخوي .. بالنسبه لموضوع السياره عندك موضوع بلادي اكتب فيه الي تبي وان شاء الله بتلقى الي يسرّك .. هذا رابط الموضوع ..
https://www.mza3et.com/morocco609.html وبخصوص الطريق .. مجرد ماتطلع من مطار كازا راح تجيك اللوحات الإرشاديه لطريق مراكش .. اتبعها .. وأول ماتدخل مراكش راح يجيك دوار كبير اتبع اللوحات الإرشاديه الي تودي الى حدائق النخيل .. وراح توصل للدرقاوي .. الطريق واضح ولا فيه أي تعقيدات .. |
مثل ماتفضل مشرفنا الحبيب اللبيب رابح المسالة بسيطة وكل شي واضح
وشوف اخونا بلادي اذا صلح لك والا علمنا عشان ندلك على ناس ثانين |
اقتباس:
وعليكم السلام ورحمة الله وبركاتة,,, اقتباس:
مساء الورد والسرور,,,وحياك الله معنا في منتديات مزاعيط المغرب,,, اقتباس:
عزيزي,,,قد أستئجرت سيارة بالمغرب أكثر من مرة,,,وبعطيك النصائح من واقع تجربة,,, أولا جواز سفرك لا تسلمه لأي مكتب تأجير حتى لو طلبة منك,,,قله تبي صورة من الجواز والا بسلامتك,,,واذا شفتة أصر أكرشة وعطة ظهرك ورح لمكتب غيرة,,,أهم شي الجواز ماتعطية لو يحلم,,,مع العلم ان بعض المكاتب بيفتح لك التجوري ((الخزانة)) وبيوريك ناس حاطه جوازاتها من باب علشان تطمئن وتسوي زيهم,,,لكن إرفض هالشي وقلة ياتبي صورة والا رح لغيرة,,, ثانيا لازم تكون معك رخصة سعودية علشان يأجرونك السيارة,,,وتقدر تحط خويك معك سائق اضافي بورقة التأجير,,, ثالثا أغلب مكاتب التأجير اللي بالمطار يطلب منك مبلغ تأمين,,,سواء عن طريق بطاقة الماستر كارد ويحجزون المبلغ منها ولما ترجع السيارة يرجعون لك الورقة,,,أو عن طريق الكاش ويعطونك ايصال علية لما ترجع يرجعونه لك,,,والمبلغ المعروف عندهم 5000 درهم,,, رابعا السيارات بالمغرب جميعها مؤمنة,,,واحرص ان المكتب يشرح لك ماهو مترتب عليك في حال وقوع حادث لا سمح له,,,,حيث أن كل شركة تامين لها قوانين خاصة بها,,,على سبيل المثال بعض الحوادث اذا كنت انت المخطىء تدفع 30% من قيمة المبلغ وشركة التأمين تدفع الباقي,,,وسمعت ان فيه لديهم شركات تأمين شامل,,,لذلك احرص ان تسأل مكتب التأجير عنها,,, خامساً أحرص ان تجري فحص سريع على السيارة بالنظر الى الشكل الخارجي,,,سواء من صدمات أو خدوش تسجل قبل في ورقة رسمية لدى المكتب قبل استلامك للسيارة,,, سادساً الكيلو متر مفتوح وليس مقيد بأميال معينة باليوم,,,يعني تمش فيها ان شاء الله لو تصفك في اليوم 1000 ميل السعر هو هو,,,سعر البنزين لديهم غالي جدا,,,يصل تعبئة فل الى 500 درهم مغربي,,, سابعاً انتبة للسرعة المحددة,,,واحرص على ربط حزام الامان,,,واحرص قبل أي نقطة تفتيش ان تهديء السرعة الى 40 كلم كما هو موضح باللوحة قبل التفتيش,,,تفاديا للمخالفات,,,وللعلم مادامك خليجي طلع 100 الدرهم وحطها بيد العسكري ومش امورك,,, هذا اللي عندي بخصوص النقاط اللي تهتم فيها,,,,وبالنسبة للطريق من كازا الى مراكش,,,هو طريق سريع وجديد ومسارين للذهاب وبينهم حاجز ومسارين للراجعين,,,وتعريفة الطريق 60 درهم تدفعها بالكاونتر حق الطريق,,,والطريق واضح ولا فيه اي مشاكل,,,الا بتستمتع بالقيادة فيه وبالنسبة للسيارة المناسبة,,,انا دايم اخذ سيارة رينو لوقان,,,سيارة عملية وحجمها كويس ومناسب مثل حجم الكورلا,,وسعرها من 350 الى 450 درهم باليوم وللمعلومية ترى الدفع فوري قبل استلامك للسيارة,,,وكانك تبي تمدد تتصل عليهم قبلها بيوم وتخبرهم بالهشي,,,ولما ترجع تسلمها تسدد لهم,,, وعندك العضو بلادي منزل عروض بقسم العروض,,,وعندك العضوة بنكي قلوز سبق واخذنا منها سيارة من دون ماندفع فلوس التأمين ((5000 درهم)),,,واذا ماحصلت عندهم كلمني واشوف لك غيرهم,,, أي إستفسار أنا حاظر,,,, تحياتي وأشواقي,,, |
يعطيكم العافيه اخواني
لو ما عليكم امررر ما فيه اكثر من خيار للمقارنه بين العروض ؟؟؟ |
اقتباس:
|
اخوي احمد
يعطيك العوافي وماقصرت وصل الرقم لاهنت |
ياحبيلك يا نجم دايم مبدع شكرااااا
|
[SIZE="5"][COLOR="DarkRed"][CENTER]
[B] عزيزي,,,قد أستئجرت سيارة بالمغرب أكثر من مرة,,,وبعطيك النصائح من واقع تجربة,,, أولا جواز سفرك لا تسلمه لأي مكتب تأجير حتى لو طلبة منك,,,قله تبي صورة من الجواز والا بسلامتك,,,واذا شفتة أصر أكرشة وعطة ظهرك ورح لمكتب غيرة,,,أهم شي الجواز ماتعطية لو يحلم,,,مع العلم ان بعض المكاتب بيفتح لك التجوري ((الخزانة)) وبيوريك ناس حاطه جوازاتها من باب علشان تطمئن وتسوي زيهم,,,لكن إرفض هالشي وقلة ياتبي صورة والا رح لغيرة,,, هههههههههههههههه المؤمن لايلدغ من جحره مرتين ولا ابو ناصر كل ماذكرت سالفتكم انت وشعبلا فقعت ضحك. معلومات مهمه لكل واحد يبي يستاجر سياره |
كلامكم اخواني عين العقل ولله لكن بعض الاخوان مرغم ايش يعمل لكن بطاقة الفيزا تغني عن رهن الجواز |
| الساعة الآن 02:04 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط