عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


موضوع مغلق
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2012-09-14, 10:26 PM
  المشاركه #1
Talking * مشارك *قربالة الدوار وهروب عائلة فتلة الزين ( الجزء الثالثـ )

رجعنا ياسيادي لقصة فتلت الزين
خليناها في مني ساق المقدم الخبار لرابحه وعلاقتها بعلال القلده و حلف بيمينو حتى يديها ليه من بعد ماتاكد انها انسيه ماشي جنيه كيف داع خبارها في الدوار

المهم ياسيادي المقدم شوكتو وقفات و ركب راسو الا يجيب خبارها

فهديك اليله مني تفارقت رابحه وعلال المقدم تبع رابحه بشويه كيتسلت كي الثعلب من وراها
حتى عرفها فين دخلات وبقا راسم ومخطط انه غادي يتزوجها لانه خونا في الله تزعط وجاتو نوبتو من فتنه تاع فتله الزين


المهم المقدم مانعس ماشافو ديك الليله بقا حال عينو كيتسنى الشمس طلع و الضو يبان ويدخل ينوي الزواج ويطلبها من اهلها
صبح صباح ومقدمنا غفلت عينو ونغفى تحت واحد شجره
فيقو غي صوت التراكتور تاع بو رابحه الى كان غادي بيه السوق
ابو رابحه شافو وهو يقوليه وا سي مقدم مالك ناعس تماك يكما غادي سوق


ناض المقدم مصدوم ومخلوه قال اربي كيف غيني غفلتني وداني نعاس وانا الى كنت عوال نبات عساس

المهم مشى قرب من بو فتلت الزين وهو يسولو قاليه واشي عندك شي بنت عه ماده يديها الحنه
بو الفتله ضربها بنكره قاليه مراتي عاقره كاين غي انا وهيا

قالو لمقدم مايمكنش انا شفتها البارح بيزارها الابيض دخلت باب دارك المهم بو رابحه ضرباتو الفيقه وعاق بلي الحادقه تاع بنتو كيتقيل بنصاصات الليل تطوطح في دوار
المهم دربها بنكره وقنع المقدم انه ماكين حتى مرا
وكملو طريقهم للسوق ولاكن المقدم مادخلتش ليه للمخ هاد الهضره

صمم انه يتجسس حتى يشوفها مره اخرى
المهم دات يام وجات الايام
والمقدم كل نهار يمشي يطلل ويشوف مايجبر غي يدو والريح

المقدم صورت رابحه مافارقت ليه بالو
كل ليله يفكر فيها حتى تغير حالو
وناس الدوار قالو مايكون غي شي عوينه وصابتو

المهم داعت خبارو في الدوار بالي المقدم المختار حالو مبقى يعجب الدوار
ولا غي سارح ومحتار ومايجيب خبار مايدي خبار
طاحت هيبتو في الدوار والناس بدات تستغل الفرصه ودير مابغات

واحد النهار بالصدفه وكان نهار السوق والمختار كيف عادتو ولا يبات تحت ديك شجره على الله وعسى تخرج ليه رابحه ويشوفها

ماعرفش انه راها مسكينه مربوطه ومنعوها من الخرجه حيت باها ساق خبارها

علال القلده حتى هو هزتو الزعطه قال ياربي هدي سيمانا ماجات ولا شفت ليها عفطه
بقى بالو مشغول على فتله الزين وعلال القلده مسكين ولا كي المهبول يدور في الدوار ويقول
فتيلتي يافتلت الزين تلفتي وخليتيني فريد

ناس الدوار على بالهم انه راها جنيه وغي كيشوفوه كيلقبوه بالمهبلو

في واحد النهار وهو سارح شاف المقدم حاير وماشي جاي تحت شجره فحال كيتسنى شي برا

في ديك الليله جا علال لقلده عند المقدم المختار وقالو آش غيرك على الدوار
قالو سبابي مرا دات لقليب والعقل وخلاتني محتار

قاليه علال القلده راني ذايق من نفس المرار وحبيبتي مابقيت شفتها لا ليالي ولا نهار وانا عايش محتار

المختار مارداش قاليه غي نسى الى انت عليها عوال ولله لا كانت ليك ولا شفتيها
علال القلده مارضات شنق عليه مافرقوهم غي في سيبيطار

جاو الجدارميه وفكو الجره

القيد ساق الخبار جاب المختار وعلال القلده قدامو قال ليهم مالكم اش واقع بينكم

حكى ليه المقدم الخبار كي شتو المقدم شكام مايقدر يلجم اللجام

القايد صيفط ستيدع لابو فتله الزين قاليه بغيتك تحضر في الحين

ابو فتلت الزين تخلع وقال يالطيف من فيها القايد القضيه حماضت
جمع شراوطو وهز قشو وهرب دا مراتو ورابحه وخواو الدوار
ومشاو انتقلو لدوار اخر مايعرفهم فيه حد

كيف الحياة في الدوار الجديد؟
واش غادي تلقى فتلت الزين حريتها ولا غادي تبقى محبوسه؟
صبرو عليا ههههههههههههههههههههههههه هههههه صافي باقي جزئ ونكمل ههههههههههههههه عرفتكم تعصبتو

التعديل الأخير تم بواسطة سلاوية الخاطر ; 2012-09-16 الساعة 11:32 AM
مزعوط قدير
المشاركات: 243
تاريخ التسجيل: Aug 2012
روبي الجنوب غير متواجد حالياً  
قديم 2012-09-14, 11:17 PM
  المشاركه #2
رد: قربالة الدوار وهروب عائلة فتلة الزين

أمرنا لله ها احنا كنتسناو كل مرة كتخلينا
واقفين عند نقطة ومتشوقين أكثر
لما ستسفر عليه النهاية
ياربي تكون نهاية زوينة وتكون فتلة
الزين من نصيب علال القلده
تسلمي حبيبتي الكازوية قصتك حلوة كثير ومشوقة
موقوف
المشاركات: 9,325
تاريخ التسجيل: Mar 2011
الدولة: بلاد الكفار
Nadosh غير متواجد حالياً  
قديم 2012-09-14, 11:27 PM
  المشاركه #3
رد: قربالة الدوار وهروب عائلة فتلة الزين

هههههههههههههههههههههه لهلا يخطيك الزين
راهادشي الى قدر عليه المخرج صبرو هههههههههههههههه

المشاركات: 3,196
تاريخ التسجيل: Jun 2012
الدولة: فين ما بغيت
الياقوت مغربي غير متواجد حالياً  
قديم 2012-09-15, 03:23 AM
  المشاركه #4
رد: قربالة الدوار وهروب عائلة فتلة الزين

اوااااااااه
خوييتهم الدواار قاااع
اويلي كانت غير بين علال القلدة و المقدم
فيين بغيتي توصليها
لبوشتى الكزااار و عب قادر مول الديطاي

سرحتي بينا يالكزاوية
يااااك

لكن اش المعموول تعلقنا
وراك وراك و الزمن طويييل
سيري على بركة الله
: (488):
__________________
 الصورة الرمزية سلاوية الخاطر

المشاركات: 12,690
تاريخ التسجيل: Mar 2012
الدولة: بينـ ضفتــي وادي أبي رقــراقــ
سلاوية الخاطر غير متواجد حالياً  
قديم 2012-09-16, 11:20 AM
  المشاركه #5
رد: قربالة الدوار وهروب عائلة فتلة الزين

نوضوها على فتلة الزين
كمــلي ارميمينـة حاحنا نتسناو ,
كل الحقوق محفوظة لكازاوية يمشي شي مخرج شفيفير يجي ويردو فلم

مطوليش
__________________
.


الوقت الذي تستمتع باضاعته ، ليس وقتا ضائعا
موضوع مغلق

الكلمات الدلالية (Tags)
الثالثـ, الجزء, الدوار, الزين, عائلة, فتلة, قربالة, مشارك, وهروب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
* مشارك *منتدى المزاعيط مجمع الحباب ( الجزء الرابع ) Nadosh الاستراحه 5 2012-09-16 04:42 PM
* مشارك * رابحه ام فتله الزين Nadosh الاستراحه 11 2012-09-09 01:53 PM
* مشارك *زيارة المزاعيط في دار العجزاء أفندينا الاستراحه 36 2012-09-03 08:39 PM
مشاهد مرعبة للشوارع التركية أثناء حدوث الزلزال وهروب الناس وإنهيار المباني عاشق تطوان واهلها الاستراحه 1 2011-11-21 03:20 AM
مشارك وزائر جديد الكميت قسم المواضيع المحذوفه و المكرره 2 2011-04-24 02:17 AM


الساعة الآن 03:42 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80