اضحك مع المغاربه كاااااااااااااااااااااااك

ابوعظيمات

المشاركات: 750

تاريخ التسجيل: May 2011

الدولة: ورزازت

2012-09-26, 08:14 AM

المشاركه #1

اضحك مع المغاربه كاااااااااااااااااااااااك

جوج رجال تلاقاو ف القهوة.

الأول سول التاني: مجوج؟

قال ليه: اه، مجوج بمرا.

قال ليه لاخور: علاش عمرك شفتي شي واحد مجوج براجل

قال ليه: اه

قال ليه لاخور: شكون؟

قال ليه: ختي
------------------------------------
واحد المكلخ مشى يشري صباط.

سولو مول المحل: شحال كتلبس ف رجليك؟

قال ليه المكلخ: جوج فردات
----------------------------------
واحد الراجل سرفق ولدو، قال ليه: ياك قلت ليك فيقني مع الربعة، راه الستة هادي

قال ليه ولدو: والله إيلا جيت نفيقك ولكن لقيتك ناعس
--------------------------------------------
هادا واحد مكلخ عندو شي فلوس وبغى يخبيهم

ناض حفر حفرة ف الجردة، خباهم تما، ودار فوق الحفرة بلاكة كتب فيها: هنا ما كاينينش الفلوس

شوية جا خوه، بانت ليه البلاكة، جبد الفلوس خداهم، ودار بلاكة كتب فيها: راه ماشي خوك اللي خدا ليك الفلوس
-----------------------------------------
واحد مكلخ دخل واحد المحل ديال التحف، وهرس واحد الڤاز

مول المحل كعى، قال ليه: أشنو درتي؟ راه هادا من القرن التامن عشر

قال ليه المكلخ: أووووف تخلعت، يسحابلي واش جديد
-----------------------------------------
واحد البنت مشات لواحد المكتبة، وسولت مولاها : عندك شي كارت بوسطال فيها "إلى حبي الوحيد"؟

قال ليها: عندي.

قالت ليه: عطيني شي سبعة
---------------------------------------
هادو جوج بنات وحدة زوينة ووحدة خايبة تقدموا لشركة بطلب باش تكون وحدة فيهم سكرتيرة

مشاو لعند المدير وقال ليهم: أنا ما كيهمنيش الجمال، أنا كتهمني الكفاءة. غنسول كل وحدة فيكم سؤال باش نشوف شكون اللي تستاهل الخدمة.

سول البنت الزوينة: ماهي بلد المليون شهيد؟

قالت ليه: الجزائر.

قال ليها: ممتاز.

و هو يسول الخايبة: ما هي أسماء المليون شهيد؟
-----------------------------

هادا واحد عيطات ليه مرتو، قالت ليه: ألو

هو ما بغاش يهدر معاها دار راسو ما كيسمعهاش، وقال ليها: ألو؟

قالت ليه: ألو!

عاود قال ليها: ألو؟

قالت ليه: حلف بالله أنك ما كتسمعنيش

قال ليها: واحق الله
-------------------------------

واحد الراجل كيموت وبغا يقول لولادو شي حكمة

ناض جمعهم كاملين وقال ليهم كل واحد يجيب معاه عصا

من بعد قال ليهم كل واحد يهرس العصا ديالو، وكلهم هرسوهم

قال ليهم كل واحد يشد ربعة د العصيان ويهرسهم، حتى واحد ما قدرش إلا الكبير فيهم.

قال ليه شد عشرة د العصيان وهرسهم. الولد الكبير هرسهم حتى هوما

قال ليه شد عشرين عصا وهرسهم. الولد الكبير هرسهم بخطرة

شاف الراجل ف ولادو وهو يقول ليهم: ما حد معاكم هاد البهيمة، ما تخافوا من حتى حاجة

----------------------------------------

__________________
يلومني فيك يالمغرب
من لاعذرنا ولا شافك
جاهل ومسكين مستغرب
محروم من روعه اطيافك

مغربية مغتربة

اضحك مع المغاربه كاااااااااااااااااااااااك

المشاركات: 4,880

تاريخ التسجيل: May 2011

الدولة: الجنة ان شاء الله

2012-09-26, 02:24 PM

المشاركه #2

رد: اضحك مع المغاربه كاااااااااااااااااااااااك

هههههههههههههههههههه نكت زوييييييينة بزاف
وكتضحك ولكن يا هاد المسخوط مالك؟ اش واقع ليك؟
وقيلة عندك بروبليم فعينك هههههههههههههه
حيت كتبتي الموضوع جوج خطرات

__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا

ربي اغفر لي ذنبي فانه لا يغفر الذنوب الا انت

ابوعظيمات

المشاركات: 750

تاريخ التسجيل: May 2011

الدولة: ورزازت

2012-09-26, 03:02 PM

المشاركه #3

رد: اضحك مع المغاربه كاااااااااااااااااااااااك

ياهلا فيك مغربيه والزوين بالزاف مشاركتك

ونا ولله الحمد ماوقع لي والوووالوووو والوووو

ماغير المسخوط النت هو الي يخربق معي

وسلامتك

__________________
يلومني فيك يالمغرب
من لاعذرنا ولا شافك
جاهل ومسكين مستغرب
محروم من روعه اطيافك

سلاوية الخاطر

اضحك مع المغاربه كاااااااااااااااااااااااك

المشاركات: 12,579

تاريخ التسجيل: Mar 2012

الدولة: بينـ ضفتــي وادي أبي رقــراقــ

2012-09-26, 06:00 PM

المشاركه #4

رد: اضحك مع المغاربه كاااااااااااااااااااااااك

هههههههههه , نكتــ زوينة , هاهو ثاني حرف الهــا هارب وانا تابعاه هههههه

ايوا حنا حاطين على المكلخــين والصقراميين وانتوما حاطين على المحششين

تسلم المعظم

__________________
.

الوقت الذي تستمتع باضاعته ، ليس وقتا ضائعا

mimi

مراقب

المشاركات: 10,223

تاريخ التسجيل: Jul 2011

2012-09-26, 08:55 PM

المشاركه #5

رد: اضحك مع المغاربه كاااااااااااااااااااااااك

اقتباس:

واحد المكلخ مشى يشري صباط.

سولو مول المحل: شحال كتلبس ف رجليك؟

قال ليه المكلخ: جوج فردات

ههههههههههههههههههههه
زوينة تكلاخ راكبو من راسو لساسو
تسلم بو عضيــــــــــــــمات

رحال دائم

مزعوط نشيط

المشاركات: 57

تاريخ التسجيل: Jun 2011

2012-09-27, 02:58 PM

المشاركه #6

رد: اضحك مع المغاربه كاااااااااااااااااااااااك

اما حقت المليون شهيد حه وحقت البهيمه خلتيني ادحج في المجلس من الضحك الله يقطع ابليسك اااااااااااااااه ياعظيماتي

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

المواضيع المتشابهه للموضوع: اضحك مع المغاربه كاااااااااااااااااااااااك
الموضوع	آخر مشاركة
اضحك الدنيا تضحكلك	2012-04-16 09:44 PM
اضحك من قلب	2012-03-28 12:57 AM
اضحك ومولاها ربي	2011-07-15 12:12 AM
اضحك مع سعيد	2011-06-03 02:43 AM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

اضحك مع المغاربه كاااااااااااااااااااااااك

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)