كلي امل فيكم .. لاتردوني خائب
كل عام وانتم بألف خير يامزاعيط المغرب
راح اطيل عليكم شوي بالموضوع فمن البداية .. سامحوني :) تعودت أرتب أمور سفري من بدري لذلك موعد السفره بإذن المولى بداية شهر يناير القادم عدد المزعوطين 2 المدة 14 يوم وللعلم قلبت المنتدى عرض وطول وفعلا وحقيقي استفدت كالعادة لكن زيادة حرص وبما أن الموضوع هنا راح استفيد منه بشكل مباشر واكيد للمتصفح فشكرا مقدما استفساراتي يا أعزائي : 1 - بخصوص تقسيم الرحلة راج تكون أول 5 أيام مراكش بعدها 5 أيام أغادير بعدها كازا ، فهل أحد عنده رأي يشاركني فيه بالتقسيم مع الأسباب ؟ 2 - في البداية كنت ناوي احجز ان داخلي بعدها قررت استأجر سيارة بسائق يستقبلني من المطار بعدها وينك يامراكش ، هل الخط بالسيارة أفضل أو اريح راسي واحجز ان داخلي ؟ 3 - بما أني زرت المغرب قبل فأتوقع مراكش تحتاج سواق لكن اقادير وكازا مو ضروري ، احتاج التصيحة هل يبقى معي السواق طول الرحلة او تفكيري صحيح ؟ 4 - أحتاج رقم سواق وطبعا يكون أمين وممتاز .. 5 - تقريبا كم يومية السواق بالسيارة ، علما أن السيارة تكون صغيره معقولة مجرد تقضي الغرض ؟ 6 - السكن في مراكش جربت النخيل ( لكن ليس الدرقاوي ) فيلا دبلكس كانت ممتازة لكن يعاب عليها البعد عن قلب المدينة ، والآن أحنا فقط 2 فافكر بالسكن بغير النخيل مثلا شقه بشارع كليز أو حتى مجمع ثاني افضل من النخيل حتى لو كان بعيد طالما تنصحوني فيه لو موجود ( علماً بأن حدودي بالسكن اليومي مايتجاوز 1200 ريال سعودي ) ، اختصارا لقصة الحياة هذي أعطوني رأيكم بالسكن في مراكش لشخصين بحدود السعر المذكور ويكون امان وجداااااا . 7 - بخصوص اماكن السهر أو المقاهي ارجوكم دلوني ، مثلا النرجس والياسمين حسب مافهمته من بعض المواضيع أنها أكل عليها الدهر مكان وزوار غير أني سبق وزرتهم قبل سنتين اعتقد ؟ 8 - بخصوص السكن في اغادير سبق لي وجربت أماديل وكان رائع إلى حد ماء ، لكن غيره اعتقد مافي خيار غير ( صحارى و المارينا ) انصحوني ودلوني وين احجز ؟ واللي اعرفه وشفته بعيني ان صحارى سيئ سيئ سيئ سيء جدا جدا جدا لكن بالتصفخ بالمنتدى شفت فيه تعديلات فهل تعدل ونظف أو لا ؟ والمارينا تعبت ارسى لي على بر موضوع يذكر فيه صاحبه أن الأمور سهله وموضوع يقول ممنوع فيه الضيوف وموضوع يقول بخشش ( اكره كلمة عندي ) ؟ 9 - بخصوص كازا سبق لي زيارتها وليس السكن فيها ولا حتى السهر لذلك أنصحوني مشكورين بالسكن المناسب والأماكن الواعره فعلا محتاج رايكم ومشورتكم في كل كبيرة وصغيرة ، نعم أنا زرت المغرب أكثر من مرة لكن ماخاب من استشار وكلكم خير وبركة ومانستغني بارائكم وملاحضاتكم شكرا لكم |
اقتباس:
محبك تش تش |
رد: كلي امل فيكم .. لاتردوني خائب
شكرا لاختياركم المغرب كوجهة سياحية،و ان نويتم زيارة كازا،فمرحبا بكم،
|
رد: كلي امل فيكم .. لاتردوني خائب
شكرا
|
رد: كلي امل فيكم .. لاتردوني خائب
الغالي تش تش
انت مش مش هههه بصراحه اسعدني اولا تواجدك بالموضوع وافرحني واثلج صدري ردك شكرا لك من القلب arim الف شكر لك بأذن الله سيتم التواصل معك بالقريب العاجل شكرا جزيلا ------------------ مازلت انتظر ( الآراء ) من بقية الخبراء :) |
رد: كلي امل فيكم .. لاتردوني خائب
1 - بخصوص تقسيم الرحلة راج تكون أول 5 أيام مراكش بعدها 5 أيام أغادير بعدها كازا ، فهل أحد عنده رأي يشاركني فيه بالتقسيم مع الأسباب ؟ مراكش عامره طول السنه عكس اغادير وكازا .. خصوصا هالوقت اقترح عليك مراكش 6 ايام .. اغادير 5 ايام .. وكازا 3 ايام بس تروح من المطار على مراكش وبعدين اغادير .. 2 - في البداية كنت ناوي احجز ان داخلي بعدها قررت استأجر سيارة بسائق يستقبلني من المطار بعدها وينك يامراكش ، هل الخط بالسيارة أفضل أو اريح راسي واحجز ان داخلي ؟ بالنسبه لي الخط بالسياره ممل ومتعب وخصوصا انك جاي من رحله طويله يبيلك 2 ونص من المطار لمراكش تقريبا انا افضل الطران . 3 - بما أني زرت المغرب قبل فأتوقع مراكش تحتاج سواق لكن اقادير وكازا مو ضروري ، احتاج التصيحة هل يبقى معي السواق طول الرحلة او تفكيري صحيح ؟ تحتاج سواق لان التكاسي نصابين .. يوديك بـ 100 ويرجعك بـ 100 يعني احسب لكل مشوار 200 درهم . والسياره ارخص و اوفر لك ولو ان البنزين غالي عندهم بس افضل لك بكثير من التكاسي ومن التعامل معاهم . 4 - أحتاج رقم سواق وطبعا يكون أمين وممتاز .. ما عندي رقم سواق انا اتعامل مع شركة جي بي ام وهم يوفرون لي السياره مع السواق. 5 - تقريبا كم يومية السواق بالسيارة ، علما أن السيارة تكون صغيره معقولة مجرد تقضي الغرض ؟ يومية السواق من الشركه اللي ذكرتها اعلاه 200 درهم والسياره الصغيره 350 درهم 6 - السكن في مراكش جربت النخيل ( لكن ليس الدرقاوي ) فيلا دبلكس كانت ممتازة لكن يعاب عليها البعد عن قلب المدينة ، والآن أحنا فقط 2 فافكر بالسكن بغير النخيل مثلا شقه بشارع كليز أو حتى مجمع ثاني افضل من النخيل حتى لو كان بعيد طالما تنصحوني فيه لو موجود ( علماً بأن حدودي بالسكن اليومي مايتجاوز 1200 ريال سعودي ) ، اختصارا لقصة الحياة هذي أعطوني رأيكم بالسكن في مراكش لشخصين بحدود السعر المذكور ويكون امان وجداااااا . 1200 ريال سعودي مبلغ كبير .. بما انكم شخصين يعني تحتاجون شقه غرفتين وصاله واحلى شقه في مراكش ما يتجاوز ايجارها اليومي 500 ريال سعودي.. عندك شقق ميرماس في قلب المدينه ومراكش بلازا وجاد سكن خلف في النخيل خلف الياسمين. 7 - بخصوص اماكن السهر أو المقاهي ارجوكم دلوني ، مثلا النرجس والياسمين حسب مافهمته من بعض المواضيع أنها أكل عليها الدهر مكان وزوار غير أني سبق وزرتهم قبل سنتين اعتقد ؟ الياسمين خايب والنرجس لا باس فيه .. الناس اذواق ويمكن يعجبك جوه .. عندك ديسكو تياترو و السو و سلفر وكلهم قراب من بعض في فندق السعدي . 8 - بخصوص السكن في اغادير سبق لي وجربت أماديل وكان رائع إلى حد ماء ، لكن غيره اعتقد مافي خيار غير ( صحارى و المارينا ) انصحوني ودلوني وين احجز ؟ واللي اعرفه وشفته بعيني ان صحارى سيئ سيئ سيئ سيء جدا جدا جدا لكن بالتصفخ بالمنتدى شفت فيه تعديلات فهل تعدل ونظف أو لا ؟ والمارينا تعبت ارسى لي على بر موضوع يذكر فيه صاحبه أن الأمور سهله وموضوع يقول ممنوع فيه الضيوف وموضوع يقول بخشش ( اكره كلمة عندي ) ؟ ما عندي خبره في اكادير بس الشباب يمدحون المرينا بشرط ان حجزك يكون عن طريق محمد عاطي . 9 - بخصوص كازا سبق لي زيارتها وليس السكن فيها ولا حتى السهر لذلك أنصحوني مشكورين بالسكن المناسب والأماكن الواعره انا زرتها مره وما عجبتني سكنت بفيلا بحي الليمون وسهرت في البلاك هاوس والفي آي بي بس. |
الساعة الآن 10:31 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط