|
أول مره + أستفسارات
السلام عليكم ورحمة الله وبركاتة
بصراحة أنا ما صارلي مسجل معكم الا أقل من اسبوع ولا عمري زرت المغرب قبل كذا ولما تصفحت المنتدى تحمست أني أسافر المغرب علماً أني من رواد شرق اسيا أستفساراتي 1- أنا بروح المغرب ولا أعرف كم بقعد يعني بقص تذكرة ذهاب بس ... وأستفساري بهالخصوص هل لما أوصل المغرب وانا ما معي تذكرة اياب هل بيسألني موظف الجوازات عن تذكرة الأياب مثل باقي الدول يعني لو ما معي تذكرة بيرجعني على أول رحلة راجعه وهالشي حصل معي في رحلة الى مانيلا رجعوني من المطار إلى ماليزيا لأن ما كان معي تذكرة عودة 2 - على حسب ما قريت بمواضيع الأعضاء النزول في مطار محمد الخامس في الدار البيضاء الي هي كازا .. وبعدها مراكش ... وبعدها أقادير يعني أقدر اسافر بينهم بالقطار خصوصاً اني ناوي أزور هالمدن الثلاثه 3- بحكم أني رايح وحداني وجوي سهر كم الميزانية المقترحة لكل يوم مع العلم أني حاط مبدئياً 2500 ريال يومي هل تكفي أو أزيدها مثلاً الى 3500 ريال باليوم شامله سكن وأكل وسهر يعني مصروف يومي كامل 4- بخصوص السكن هل أحجز عن طريق مواقع الحجز بوكنق او اقودا أو هناك مكاتب سياحيه وعندها اسعار أرخص 1-4 في كازا طبعاً فندق وبيني وبينكم هذي حليتها لأني بحجز في فندق حياة لمدة يومين 2-4 في مراكش أبي فندق نظيف ياليت الي عنده فكرة عن الفنادق يرشح لي فندق يكون ممتاز - وطبعاً بقعد في مراكش يومين 3-4 في أقادير وهي المدينة الي راح أطول فيها لأن حسب ما فهمت من تقارير الأعضاء أنها هي مدينة السهر أبي أفضل فندق 5- بالنسبة للفلوس هل اشيل المبلغ معي كاش أو أخليه في الصرافات خصوصاً ان عندي حسابات في ثلاث بنوك ولو أخذت المبلغ كاش بصراحة بيكون هم خصوصاً على حسب ما فهمت أن المغرب الأمان فيها لك عليه 6- أحتمال أطلع على تاريخ 1 ديسمبر هل المغرب برد يعني أعمل حسابي على ملابس شتويه وشاكر ومقدر لكم مقدماً |
رد: أول مره + أستفسارات
هلا اخوووي
انصحك احجز العودة بالوقت اللي تتوقع وهناك اذا راق لك الجو عدل الحجز من ناحية المصروف انت من تتحكم فيه لكن 2500 بزيادة بالتوفيق |
رد: أول مره + أستفسارات
امورك كلها تماام التماام ماراح يرجعونك عشان رحله العوده هذا اولا , ثانيا بالنسبه للسكن فاغادير بما انك وحداني وجوك سهر انا انصحك ففندق صحارى لانه قريب من اماكن السهر وهذا حجزه عن طريق المؤيد بالرياض بالنسبه لكازا مراكش فيه قطار .. لكن بين مراكش واغادير فيه باص . وبما ان ميزانيتك حلوه اشتري راحتك وروح بسياره لحالك المشوار كله 1200 درهم بالنسبه للفلوس انا اقترح انك تشيلها كاش وبيكون عندك سفتي بوكس فالفندق حطها فيه ولاتشيل همها اتمنى اني اكون اجبت على اغلب استفساراتك وسفره سعيده ^_^ |
رد: أول مره + أستفسارات
اقتباس:
|
رد: أول مره + أستفسارات
اقتباس:
وبالنسبة لفندق صحارى ياخوي أنا على حسب ما قريت أن تعاملهم تكرم زفت ولا فيه أحترام وغير كذا مو نظيف كغرف وأزعاج وبصراحة لو يقولون لي ببلاش ما سكنته على حسب ما قريت بأجماع من أغلب الأعضاء بالنسبة للمشوار الي تقصدة من المطار إلى اقادير 1200 درهم ؟؟ أو من مراكش إلى اقادير وشاكر ومقدر لك تجاوبك يا غالي |
رد: أول مره + أستفسارات
هلا اخوي..اول شي بالنسبه للتذكره اشوف انك تسوي حجز عوده بعيد بما انك ناوي تمدد او تتأخر اكثر وثاني شي بالنسبه لمصروفك وانت لحالك
مبالغ فيه معقوله شرق آسيا كذا...انا جيتها عاديه جدا من ناحية الصرف والمهم الصرف يخص كل شخص بس من 1500يوميا حلو كثير شامل كل شي وثاني شي واهم شي ولاتزعل او تتضايق لاتكون نيتك مبيته على السهر...........الخ منتب رايح لاس فيغاس ترى المغرب الحبيب بلد عربي ومسلم وفيه كل شي حلو والله وانصحك تخصص اول3 ايام لزيارة الاماكن السياحيه والطبيعه والله راح تنبسط كثير وبالمره تتعرف على المغرب الحقيقي واللي خلى كل العالم يجيه ويزوره...اما بالنسبه لتوزيع سفرتك والمدن فأنت توفقت كازا محطة الوصول تريح فيها كم يوم وراح تعجبك وبعدها مراكش حلوه وكل مدينه لها حلاوتها وجمالها بالمغرب الحبيب واغادير حلوه وهي من مراكش على اغادير فيه باصات وسياره طبعا...انا انصحك تاخذ سياره مع سائق في رحلتك كلها او اذا انت من النوع اللي يحب الهجوله واكتشاف شي جديد فالمغرب الحبيب خيار ومقصد حلو للجميع خذ لك سياره وعلى القارمن وفيه ناس كثير سوووها..اما بالنسبه لموضوع المصروف او الفلوس انصحك بالكاش بس طبعى تخلي مبالغ في حسابك البنكي للأحتياط تحسبى لاي طارئ طبعآ واذا حبيت اي مساعده انا حااضر وكلنا اخوان ومكملين لبعضنا البعض..تقبل مروري وتحياااتي |
رد: أول مره + أستفسارات
ماقصرو اللاحوان
1- الميزانيه كافيه 2- احجز عوده ومن هناك تقدر تغير لان وقت سفرك المسافرين قليل 3- يوجد قطار من كازا لمراكش لكن مراكش اكادير سباره 4 بما انك وحدك الفندق افضل اوشقه غرفه وصاله 5- شيل فلوس سعودي وبدل من هناك وخلي معك بطاقه احتياط 6 بيكون يميل الى البروده ســــــــــــــــــــــــ ـــــــــــــــــــــــــ ــــــــــــــــفره مووووووووووووفقه |
رد: أول مره + أستفسارات
أخي الكريم
من الأفضل شراء تذكرة ذهاب وعودة أرخص لك من الذهاب فقط ويفضل شراء تذكرة ( رفندبل ) يعني تذكرة مرجعة وبإمكانك تغيير الحجز في أي وقت مع دفع مبلغ بسيط تقريبآ من 150 الى 200 ريال عند تعديل الحجز بالنسبة لمبلغ 2500 ريال وبما انك أول مرة تسافر فهو مبلغ ممتاز جدآ وزيادة إنصحك تخلي مراكش للأخر عشان تكون قريب من كازا اذا نويت السفر لأن المسافه بينهم من ساعتين الا ساعتين ونص اطلع من كازا لأكادير بالطيارة أريح لك كثير وبتوفر عليك الوقت وبتريحك كثير والتذكرة بحدود 880 درهم تقريبآ وممكن تكون زادت شوي الآن لكن ممكن تأخذ التذكرة من بلدك مع تذكرتك الأصلية وبتكون أرخص لك بالنسبة للسكن في أكادير أنا مأنصحك تسكن في صحارى ابدآ فمع احترامي لمن يفضل السكن في هذا الفندق فهو فندق كئيب وكله مشاكل ومشهور بالابتزاز وخاصه للخليجيين ولايليق السكن فيه ابدآ من خلال تجارب شخصية أرشح لك فندق سوفتيل ولكنه غالي الثمن ايضآ بجواره فندق قصر الورود وهو فندق ممتاز جدآ وسعرة معقول ومريح واذا حاب جمعة الخليجيين ممكن تسكن في المارينا نظيف وممتاز وآمان بالتوفيق ورحلة سعيدة |
| الساعة الآن 02:04 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط