خـلــك عـلــى زلات ربـعــك شـمـالـي
و خلك علـى فعـل الجمايـل جنوبـي
وخـلـك حبـيـب الله عـزيـز الجـلالـي
رب الـمـشـارق والـفـلـك و الـغـروبـي
وخـلـك عـلـى طـاعـة ولـيـك مـوالـي
وخل المعاصي ترى منـت مغصوبـي
وخلك حريص علـى كسـب الحلالـي
وخــلــك لــزلاتــك ســريــع تـتـوبــي
وخلك علـى الشـدات صبـر الجمالـي
الصـبـر مـفـتـاح الـفــرج يامحـبـوبـي
وخـلـك مــع الـخـلان منـسـاح بـالــي
وخلـك بـشـوش للنشـامـى عجـوبـي
وخلـك علـى جـارك حبيـب و حـالـي
الجار مـن ضمـن الوصايـا محسوبـي
وخـلـك وســـط لاتـدعــي بالكـمـالـي
وأترك عيـوب النـاس عنـدك عيوبـي
وخلك علـى كسـب النواميـس غالـي
واحـذر شواذيـب القفـى و الكذوبـي
وخـلـك شـمـوخ لـلـشـرف بالـعـوالـي
وارفــع جنـابـك عــن ردي الـدروبــي
وخلـك إليـا جــاء للسـوالـف مجـالـي
سولـف سوالـف طاهـريـن الجيـوبـي
.