. انا وشلون ابدله عن لحون ٍ حبلها ممدود ياليتك يا الطواري تعتزلها ما تغنيّها - ليا جرّيت صوتك قلت تكفى لا تجرّه زود يا عبدالله لحونك تبحث بنفسي خوافيها - تقول انّك على قلبي تصبّ الملح والبارود تذكّرني بجرّااااتك علوم ٍ كنت ناسيها - طرى لي من تناسى رفقة ٍ ما حاشها منقود قطع وصل الصداقه عقب ما شيّد مبانيها - رمى معنى الرفاقه لين ساقتها هبوب النود صحيب ٍ منصح ٍ له بأوّل الرفقه وتاليها - على سلم الوفاء صافيته وكل الرجال شهود ماجاه الا المعزّه والكرامه ما يراعيها تناسى عشرة ٍ بيضاء سفيره بالليال السود وهانت عنده وراحت .. ذهيبه في مساريها - طواه الشك وظنونه تقوده للقطيعه قود وانا صافي ضمير ورفقة الغالين حاميها - اصون العهد والخوّه ثمينه والثمن مردود ولا حطّيتها سلعه لبايعها وشاريها انا من فضل ربي حرّ ابن حرّ وعريب جدود تصافيني رجال ٍ تحسب حسابي واصافيها - ومن لا يحفظ المعروف ماله بالملامه فود تعدّاه المشاريه وَيَا حظّه ما اشتقى فيها - تروح الهقوه لبعض الرجال بطيبها وتعود تصيب تخيب .. وحقوق الرفاقه ما نخلّيها - دروب الارض واجد والخطيه دربها مسدود ولا عشنا نخمّ وجيه خلق الله ونخطيها يا كثر اللي خذوا من دمّ قلبي جوده المحمود وخلوّا له من الذكرى فصول ٍ ما يدانيها - نساني صاحب وهاجر حبيب ولا شكيت الكود ولوّ ان الحسافه فوق صدري تبسط يديها - معوّض خير يا قلبي عن الماضي وانا موجود اهدي...روعتك واعد نبضاتك واواسيها-
عزيز النفس مايرضى هوان ولا يخون عهود- حفظ مبداه ماينشد عن الناس ومباديها.