رد: لماذا يتزوج الخليجيون المغربيات؟
موضوع حساس بزاف خويا كويتي اضافة الى هذا انه مكرر يمكن جوج مرات
وانا ماكنحملش نعلق على بحال هاد المواضيع
ولكن غنعلق تعليق بسيط ونمشي بحالي
خويا كويتي صاحب هاد الموضوع بآآآآآلغ بزآآآآآآآآآآآف فهادشي
حيت فين مامشيتي تلقى بنات يعاملو ازواجهم بحال الملك واكثر
سواء فالمغرب ولا بالكويت ولا بالسعودية ولا الجزائر ولا ولا
وغالبا هاد الزوجات تيكونو متدينات ومتربيات وعارفين حق الزوج ماله وما عليه
ولكن دبا اخويا ماكاين فرق مابين المغربيه ولا الخليجية حيت النت وصلت بزاف الايجابيات ديال المغربيات للخليجيات
وكذالك ايجابيات ديال الخليجيات للمغربيات
يعني دبا كل واحد استفد من الاخر والحمد لله
ولكن اخويا سمح لي نقول ليك واحد المقولة
الي مافيه خير لاهله مافيه خير لتا واحد
هاد الاخ صاحب القصة الي كيهدر هكذا على بنات بلادو غيجي شي نهار يقول نفس الكلام على هاد الزوجة المغربية ديالو
ماننكرش ان بنات بلادي تبارك الله عليهم يعرفو كيفاش يتعاملو مع ازواجهم
ولكن نفس الشيء بالخليج ايضا وهدشي ماكيختصر على جنسيه معينة
تا الاوروبيات كيعاملو ازواجهم معامله احسن مليون مرة
وكاينين تا بعض البنات مساكن مايعرفو كيفاش يعاملو راسهم ولآلناس الي حواليهم فكيفاش بغيتي يعرفو يعاملو الراجل؟
ولكن اخويا انا كنقول ان انجح زواج هو الزواج من بنت البلد مهما كانت غتكون احسن من اي جنسية اخرى
لاسباب عديدة منها اختلاف العادات وبعد المسافات الي هم اهم شيء
ويا حبذا لو اختفت مثل هاد المواضيع في كل المواقع لانها تثير الفتنة فقط
وكدير غير الصداع فين مامشيتي كتلقى بنات الجنسيات الاخرى كيحنززو فينا تقول قتلنا ليهم باهم
اوى امتى نرتاقيو ؟؟؟
اوى الله يجيبنا فالصواب
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت
التعديل الأخير تم بواسطة مغربية مغتربة ; 2012-11-24 الساعة 09:14 PM