تقرير : رحلتي الاخيره الى اغادير الحبيبه ( نوفمبر - 2012 ) سوالف و قصص

[QUOTE=pilotsss;246845]والله بعض المواقف تعكر جو الشخص




هلا بالحبيب .. اي والله يالغالي بس على مين تلعبها .. حنا اهل اللعب و فاهمين كل هالامور

مقبول يالغالي بالعكس احب النقد اللاذع : (452):

__________________

هلا والله عزيزي .. هههههه شكلي هيجت المشاعر المدفونه اللي فيك شكرا على المتابعه

__________________

صباح الخير للجميع .. نكمل معكم اخر التقرير و سامحونا على الاخطاء مقدما ..

الحلقه الاخيره:

مرت الايااااااااااااااااااااا اام بسرعة البرق ( مش ممكن يا اغادير ) و صار اخر يوم بالسفره و بدت النفسيه تصير خايبه بالتدريج .. لكن الله يعوض المحبوب على بلواه !

اول ما قعدت من النوم العصر قعدت بالشقه زهقان و افكر شلون بقضي هاليوم اللي على اخره ب لبلادي الكويت .. قعدت بالشقه شربت لبن سنطرال ( اويلاه على لبن سنطرال بس ) فكيت الريق شوي

وراها قعدت اطقطق كرواسان عالخفيف .. وراها ولعت الشيشه و هذي بتكون الشيشه الاخيره في اغادير .. ولعت الفحم و قعدت بالبلكووووونه اخر قعده لي بالمارينا .. و قعدت سرحاااااان و افكر

شبسوي بالكويت الحين و متى الرده القادمه لاغادير .. و افكر و افكر و اناظر بالمرسى .. شوي ولا ال توه صاحبي من النوم و يجي يقعد وياي و يقولي شفيك شنو اللي شاغل بالك و اقوله والله ماكو

اريح شوي اخر يوم ( وانا اب باااااااااااااالي اشياء و اشياء خلها على الله بس ) قعدنا شوي وراها ودعته و مشى .. قام دق علي واحد من الربع ها وينك قلت بالشقه قال جايك .. و يجي يقعد وياي

وراها قالي والله بخاطري كبسة القلعه اليوم ختاميه .. قلت فووووقه ماخليها بخاطرك .. والله و نطلع و على القلعه و طول الطريج سوالف شبنسوي بالكويت و الاجواء هني مولعه .. لين وصلنا القلعه

و احلى كبستين و لبن على كيف كيفك .. تحس قاعدين ناكل والكل باااااله بعيد ماهو حول الثاني ابدا .. وراها حاسبنا و طلعنا عالكورنيش مشي الى المارينا .. وانا بالطريج و يدق علي ال اللي معاي

(القديم) و يقولي وينك انا بجيك .. انا هني قلت ببالي ما تسوى يجيني كلها كم ساعه و ماشي ما تسوى جيته .. قلت له جذي و قعد يعصب و يزعل و يسمعني كلام و انا و انا .. و بصراحه ال عزيز

و غالي علي بالزاف ( بصراحه اخو رجال ) زعل زعل ثقيل حيل و سكر الخط و مشيت انا و قالي صاحبي امش نقعد بسكاي شرايك قلت يالله و انا بصراحه متضايق اني زعلت ال ..

جلسنا بسكاي و انا متضايق انه ال فهمني غلط و اعيط عليه و افهمه السالفه و انه مو اللي في باله الموضوع .. طيبت خاطره و قلت له تعال خلاص ماردك .. قعدنا بسكاي عالبلكونه و صاحبي خربها

فتحها بحري على ابو اخر يوم هههههههههه جنن اللي قاعدين والله .. المهم طلعنا و رديت الشقه قعدت ويا صاحبي ولا يجون الشباب و نقعد سوالف خفيفه .. بعضهم بعد يومين يرد و و واحد مدد ورانا

اسبوع هههههههههههههههه ابوك يا اغادير بس .. شوي و يتصل ال و يقولي انا تحت و انزل و نصعد قعدنا شوي مع الربع وراها اتفقنا انا و 2 من الشباب ( اللي رادين بنفس الطياره ) على الساعه 3 الفجر

نكون تحت مع شناطنا والباص ناطرنا عن طريق صاحبي الطاكسي صديقي عبدالسلام .. مشو الشباب بعد الاتفاق قعدت انا و ال و قعد يشكيلي الحال زعلاااان و يبيني اطيب خاطره و انا بااااااااااالي

بعيد .. قعدنا نشوف فلم وراها ضبطللي شنطتي و ضبطت كل الامور بصراحه ال يحرجني ديما والله و بعدها ال فيه الجوع و نزلنا المطعم الفرنسي اللي تحت و جلسنا جلسة صراحه و كل واحد يفتح قلبه للثاني ( عزيز علي بالزاف ) طلب الاكل و خلصنا وراها ودعته عند سيارته

(لحظه وداااااااااااااااااعك اااااه يااااا لحظه ودااااعك ياهي صعبه بالحيــــــــــــــــل صعبه !! )



و تنزل الدمعه منه والله قطع قلبي بس شنسوي .. فمان الله يا مسافر عسى الله يسمح دروبك و يردك لي

بالسلامه !!




بعدها ادق على واحد من الشباب اللي فتحها بحري ها وينك .. قال بسكاي قلت جايك ( بصراحه مالي نفس اقعد بالشقه ) رحت سكاي والاوضاع مشعلله و اقعد سرحاااان و بالي بعيد و كل واحد يطيب

خاطر الثاني و يجيني ط.. قديم معرفه قديمه و يجي يسلم يقولي الحمدلله على السلامه هههههههههههههههههههه انا هني والله ضحكت وانا متكدر ( ما تحلى السفره الا اخر يوم !! )

و اقعد مع صاحبي بسكاي والط... زايدين بشكل كبير و شباب توهم واصلين و يا سلامي عليكم يالسعوديه و طاير من الفرحه ( وانا بقلبي اقوول اي طاير اي بطيخ يا عمي !! ) صارت الساعه 2 وربع

تقريبا وراها حاسبنا و طلعنا و نزلنا اغراضنا من الشقه و لحظة وداع نهائيه للشقه و انادي السكيوريتي ينزل جناطي .. نزلت تحت والباص موجود رحت الريسبشن خلصت اموري كلها و خذيت جوازي

و رحت للباص و يجون الشباب و انطلقنا الى مطار المسيره .. طوول الطريق لحظات وداع و بعض السوالف الجانبيه مع الربع عن نسبة نجاح الرحله و هالامور .. وصلنا المطار ضبطنا الامور كلها

و معانا قروب شباب كويتيين يمكن 8 .. فتحت البوابه قعدنا شوي ريحنا وراها ركبنا الطياره الى كازا .. وصلنا كازا و ترانزيت تقريبا 4 ساعات .. افترينا بمطار كازا وراها ريحنا في كافيه لين ما جا وقت الطياره

و كانت شبه فاضيه تقريبا .. اول ما اقلعنا ولا اشوف 4 كراسي اللي على يساري فاضين و انطلق و اخذ ال 4 كراسي و احلى نووووومه الى ان وصلنا تونس الخضراء ( ثاني مره بحياتي انام بالطياره )

وصلنا تونس و عمرت الطياره عالاخر من جميع الجنسيات المتجهين الى الدوحه و كل واحد و طريقه .. وصلنا دوجة الخير و ترانزيت ساعه و ربع تقريبا .. ريحنا شوي و احلى زقاره بقسم المدخنين و سوالف

خفيفه و ادق على صاحبي بالكويت اللي بيجينا المطار و اضبط معاه .. وراها رحنا للبوابه للكويت و ركبنا الطياره تقريبا 50 دقيقه و وصلنا الكويت .. ختمنا و اتسلمنا الجناط و كان المطار فاضي لانه وصولنا

الساعه 1 الفجر تقريبا .. طلعنا و على مطعم نايف والجوووووووووع واصل حده و احلى جكن فيليه بالبووووووووووري وراها طلعنا و وصلنا الربع بيوتهم و تميت انا مع صاحبي اللي جاينا المطار و رحنا

القهوه و رااااس شيشه ( راس حزن ) و اقعد اعطيه بعض علوم السفره وراها قفلت الساعه ماشوف قدامي ابدا .. وصلني بيتنا و وراها احلى شور و اقوى نوووووووووووووووووووووووم ه ..











و بنهاية التقرير اتقدم بجزيل الشكر لكل من تابع و شارك بالتقرير و والله انكم غالين علي بالزااااف بالزااااف

و شكر خاص لزميلي الكلاس pain على تثبيته للموضوع ..



و راح اذكر بعض الملاحظات:

يا اخوان انا بطبعي بالسفر روتيني بشكل كبير و تلاحظون بالتقرير روتين متقارب تقريبا .. والناس مختلفين باطباع السفر ..

وانا اعتذر منكم من اي كلمه ذكرتها ما اعجبتكم و اتمنى تسامحوني على القصور جميعا ..



تحياتي لكم

بو محمد

دايما النهاية حزينه معك يالمغرب
بس الحلقات ما تخلص ((مسلسل مكسيكي هههههههه
تقريرك جوعني للمغرب
مشكووور يالغالي

بيض الله قصور مهمنا قصور كفيت ووفيت : (210):

صلكوط الرباط و الولهان و باقي المتابعين .. كلمة شكر قليله بحقكم

تحياتي لكم

__________________

الله يعينك يا بومحمد الظاهر بالك وقلبك وكل حواسك للحين هناك
الله يصبرك يا أخوي .. السفره الجايه خل قلبك في الكويت و هههه

__________________
i am a very private person, yet i am an open book
if you dont ask... i won't tell

ماهو انت جبت لنا الجوع كل شوي ومطعم شكل هههههههه

الحمد لله على السلامه بو محمد وفعلا السفره ماتحلو الا في الاخير وقبل روحتك للمطار (( يحبسك حابس يخليك تفكر بالرجعه من اول ماتوصل لبلدك ))

اهههههههههههه يالمغرب

هلا والله بالحبيب .. مر شهر على السفره بس اشوه الحين طخينا شوي هههههه


والله كل مره احط قلبي بالثلاجه .. بس هالمره الضاهر ركب معاي الطياره هههه

__________________