تقرير : رحلتي الاخيره الى اغادير الحبيبه ( نوفمبر - 2012 ) سوالف و قصص

مساء الخير للجميع .. تحيه لكم جميعا

قبل لا ابدي حبيت اذكر كم نقطه .. انا شخصيا وقفت اكتب تقارير بالرحلات الاخيره .. خصوصا انه كلها في اغادير و تقريبا الروتين واحد و يتغير باوقات معينه فقط يعني .. لكن بصراحه المنتدى هذا له فضل كبير

علي من خلال اعضاءه زملائي في منتدى سابق و زملائي حاليا في المنتدى بصراحه اكن لهم كل احترام و تقدير لهم معزه خاصه بقلبي .. الاخ رابح والاخ اهنجار بوعبدالله و غيرهم اسف اذا ما ذكرت

اسامي و سامحوني .. عموما التقرير بيصير على شكل حلقات و مدة رحلتي اسبوعين في اغادير الحبيبه .. الحلقه الاولى بخليها بداية التخطيط للسفره و السوالف اللي تصير قبل السفره و هالامور ..

راح اكتب التقرير على الراحه و ما راح ادووووس حيل و اوعدكم اني اكمل الحلقات ولا راح اعلقكم معاي ان شاء الله .. كل يوم او يومين حلقه لانه توني صارلي اسبوعين راجع و على ما نشغل الذاكره و

نتذكر المواقف والسوالف اللي تصير .. عموما راح ابدي بالحلقه الاولى بعد قليل ترقبونا ..


اخوكم بو محمد

__________________

اول المتااااابعين يا بومحمد

هههههه

أرسلت بواسطة GT-I9300

ننتظرك على احر من الجمر

مساء الخير للجميع

الحلقه الاولى:

التخطيط للسفر:

بعد ما رديت من رحلتي الاخيره باخر شهر ابريل مرضت مرض شديد و طحت بالمستشفى لمدة 3 اسابيع و علاج و كانت النفسيه جدا تعبانه ولكن الحمدلله عدت الامور على خير و خرجنا بالسلامه من

المستشفى و فترة نقاهه في البيت بالمناسبه اشكر كل من سأل عني خلال هالفتره و اخوي بو عبدالله اهنجار خليجي ما قصر معاي و كان يزورني دايما و كتب موضوع عني بصراحه احرجني والله

المهم بدت فترة التخطيط للسفر خلال شهر اغسطس كنا نجلس بالشيشه مع الربع و سوالف ها متى السفره الجايه و انا من عقب اللي مريت فيه صراحه يبيلي سفره اروق فيها .. بعد عدة جلسات

و مشاورات اتفقنا نسافر اغادير اسبوعين و كان عددنا الاجمالي 4 اشخاص .. و كلنا راعين ديره و حافظينها دار دار زنقه زنقه .. المهم اتفقنا السفر يكون ورا عيد الاضحى بعشر ايام بالتحديد تاريخ 6 نوفمبر

اتفقنا على كل الامور و تدرون صاحبكم ملهوووف على الديره قمنا انا و واحد من الشباب و حجزنا على القطريه ورا شهر رمضان و لقينا السعر وااااعر بالزاف بسعر 132 دينار ! صدق او لا تصدق

المهم حجزنا و بلغنا الشباب و كل واحد ضبط اموره و حجز وراها حجزنا الداخلي و كل الامور مشت تمام و تمر الايام و قبل السفره باسبوعين ولا واحد من الربع ايضا مخضرم مغرب يقولي شكلي بسافر

بوقتكم .. قلت له حياك يالغالي قال انا معاي صاحبي بس صاحبي جاي وراي بيومين .. المهم مرت الايام و يوميا نقعد بالقهوه و هالسواليف الطيبه على انغام شيشة السلوم و ننطر متى السفره

صارت وقت السفره قبلها طبعا ضبطنا كل الامور للسفره من خلال الاتصال بالاخ محمد عاطي و طبعا رابح ما قصر معاي بهالموضوع و حجزنا 4 شقق غرفه و جلسه الا انا كانت غرفه و صاله لانه اتفقنا

تكون جلسات السمر والفله عندي بالشقه .. ضبطنا اللابتوب تم لغم اللابتوب باكثر من 70 قبقا ( فجرني ) و ليزر و جنطة الشيشه و المعسل و هالامور .. رحنا المطار و حطينا الجناط و خذينا البوردنج

و على صالة الانتظار طبعا الاتفاق كان انا ن احنا 2 فقط لكن طرنا و احنا 3 طبعا وراها يوصلون 2 الباقيين واحد يوصل بنفس اليوم بليل والثاني ورانا بيومين .. طرنا وصلنا الدوحه بسلام و على السوق

نشتري لوازم السفر المطلوبه و نخلص على طيارة كازا و ندخل الطياره و نحط اغراضنا و نقعد سوالف بعدها اللي نام واللي شاف فلم واللي يحوس بالطياره طبعا نزلنا ساعه ترانزيت بتونس الخضراء

.. قبل لا نوصل بساعه ضبطنا اوراق الدخول وصلنا مطار كازا ودعنا صاحبنا لانه كان ماخذها بتذكره وحده فا يروح على صالة الرحلات الداخليه و احنا ندخل كازا نختم و ناخذ الجناط و اشوه انها وصلنا مبكرا

الساعه 8 والرحله الساعه 10:20 نزلنا سوينا جيك ان على المغربيه ولا يقول في وزن زايد وليييه شنسوي قالنا خلصوني و اخلصكم .. امرنا لله شنسوي طبعا كان مفروض ندفع 600 درهم وزن لكن خلصنا

اب 200 درهم و وراها على صالة الانتظار و نقابل صاحبنا عند باب انتظار الطياره .. كوفي و سوالف و على الطياره و كان بس في 2 شباب كويتيين و 3 شباب سعوديين .. ركبنا الطياره على اغادير الحبيبه

وصلنا الساعه 11:15 صباحا خلصنا امورنا و ادق على عبدالرحيم السواق اللي متفق وياه و استقبلنا و سوالف وياه من زمان عنه شقردي هالولد معرفة واحد من الربع من 8 سنين ايام ما كان يشتغل

بكرم .. والحين الله فتح عليه و عنده مكتب تأجير سيارات المهم ركبنا السياره و هذي اول مره ما نمر امام التفتيش اللي بره المطار بحكم انه عبدالرحيم عنده المكتب و يعرفونه فا محد يتجرء يكلمه .. واحنا

بالسياره سوالف معاه و قلنا له ودنا نصرف فلوس و رحنا عند صراف عنده كشك في فندق اتعامل معاه من زمان و صرفنا الفلوس كامله و ضبطنا امورنا و على المارينا يا عبدالرحيم .. وصلنا المرينا طبعا

بحكم اني معرفة في المارينا من المدير مستر حميد الى موظفين الريسبشن سلام و قبلات و عناق حار .. خذينا الشقق ديالنا و كل واحد ضبط اموره و اتفقنا نمشي للقلعه ناكل هالكبسه الطيبه والله

و نروح المؤيد و هات يا مصطفى كبسة لحم ( اويلاه عليها من كبسه بس ) و وراها قلنا نمشي لمرجان نشتري اغراضنا و نضبط امورنا .. مشينا لمرجان تقضينا و شرينا حوايجنا المطلوبه طبعا كل واحد

عربانه بروحه و له اغراضه المهم طلعت اغراضي بحدود 700 درهم .. طبعا معانا تاكسي اتعامل وياه من 5 سفرات اسمه عبدالسلام هالولد قمه بالاخلاق و عزيز جدا علي .. طبعا خلال تسوقنا في مرجان

صاحبي الرابع اللي كان كان جاي على الاماراتيه صاحب عبدالرحيم كان قايلي بوصل على الساعه 8 بليل و فجاه و انا اتمشى بمرجان ولا الاقيه بوجهي هههههههه شالسالفه يالعمده ( لقبه عمدة اغادير )

ولا يقعد يتشرهه و يقولي انا قايلك اوصل الساعه اربع و انت مضيع المهم قلت له الحمدلله انك وصلت هذا اهم شي ,,

خذينا حوايجنا و على المارينا

نريح شوي و اضبط الولعه و اضبط الشيشه بالبلكونه و هالمنظر اللي يرد الروووووووح اطلالة على مرسى مارينا اغادير و اضبط اغراض الديجي والشغل كله .. و اقعد اروق راس يسحب راس لين صارت

الساعه 10 و نص و اتصل على سيمو الحيوان ديال موخيطو ضبط لنا طاوله ( بهاليوم انا عازم الشباب على السهره ) خلصت الامور و رحت خذيت شاور و ضبطت الامور و اكشخ لا تكشخ رووووح يا بو حموود

و يمرني ال الشقه و معاه بسيارته على موخيطو و توه بده يعمر و نقعد و نتذكر سوالف السفرات اللي قبل و سوالف شوي و الشباب مشرفين العمده و صاحبي .. و نقعد سوالف و الشباب يراقبون الوضع

طبعا العمده و صاحبي جالسين يراقبون الاوضاع و يفرزون من خبرتهم شوي ( افرزني ) و نقعد وراها يشرف صاحبي الاول مع ال دياله و نقعد هجوله و ضحك و ي الوقت و كان الوضع بصراحه جيد

نوعا ما .. مافي زحمه شباب وايد و طار الوقت صارت الساعه 3 و احاسب و و راها متفقين نكمل السهره بالوكر في شهرزاد .. و طلعنا على شهرزاد و هاااات يا سلام و ضحك مع البوديقارديه و نضبط

الطاوله طبعا الاسعار تغيرت مو اللي خبركم و صارت الطاولات اللي فيهم كنبات لازم جوج عصير .. طبعا بما انه معرفه قديمه معاهم ضبطنا الامور بعصير واحد بطاوله كنبات .. جلسنا سهرنا سهره حلوه

في صحارى و الوضع حلو مافي ذيك الزحمه بصراحه استغربت من الوضع .. قعدنا والشباب كل واحد يحوس و يدور و جيمي و رشيد مولعين الوضع بالاغاني الحلوه والكل مبسوط على الاخر

صارت الساعه 6 الا ربع و حاسبت و يالله فمان الله نشوفكم على خير ( فؤاد - الفيلالي - يحيى و باقي الخمه ) و نمشي و تعرفون الطرارين و عفستهم لازم يعفسونك اخر السهره ينرفزونك ..

و نمشي على المارينا و يالله يالربع حياكم عندي و اضبط الامور كلها و يجون الشباب و نقعد لي الساعه 9 الكل مبسوط على انغام الشاب خالد سي لا في و قو اوباما ( اغنية السفره ) و و ماجد المهندس و عبدالمجيد و راشد ..

وراها استأذنو الشباب و مشو وراها كليت لي شي خفيف و احلى نوووووووومه




نهاية الحلقة الاولى و ترقبونا بالحلقه الثانيه باليوم الثاني في اغادير الحبيبه


تحياتي لكم و سامحونا على القصور

__________________

والله اسلوب مبدع واصل طال عمرك

؛



فيه مشآعر تجيك بأوقات متفرقه بالسفر
تشتاق لها بعنف ، وطوآريهآ مآ تغيب !!


شعور التضبط قبل السفره !
شعور الوصول للمغرب وأستنشآق هوآء الأطلسي !
شعور يجيك بعد الوصول لمكان السكن !
شعور أول سهره !
شعور وصول اصدقآئك المتأخرين للمغرب !


رغم كثآفة السفر . تبقى هالمشآعر رآسخه بالفكر .،


تقرير جميل ، وسوآلف أجمل ،
لآتطيـل علينآ تكملة تقريرك .. شكراً لك

سجلني متابع لك في الصفوف الاولى ياعالمي

__________________
[متيم بالعالمي للابد

وصلنا انك تعبان يا الغالي وحمدلله ع السلامه اكيد هذي من اثار الزعطه هههه

بدايه موفقه يا الغالي و اذا عندك صور لا تبخل علينا

سجلني متابع


اخوك مصطي

هههههه اسلوب وروعه يا حليلك والله مت ضحك يو وصلت للسطر(الساعه 10 و نص و اتصل على سيمو الحيوان ديال موخيطو ضبط لنا طاوله )ياخوي تراني تعلقت اياك توقف ترا اجيك للكويت واخليك تعطني العلوم لايف سجلني متابعك بقوه تسلم يالغالي: (490):

في انتظار التقرير كامل