رد: للأسف ايدينا أوكتا .. وفونا نفخ .. ( للنقاش .. )
اقتباس:
المشاركة الأصلية كتبت بواسطة Tourist
PAIN @
اشكرك على ردك ومتابعتك ..... المقارنات مع السائح الاجنبي لا تنتهي لاننا نصنف في نفس الفئة وهي سياح .... لا نمجد افعال السائح الاجنبي لانهم بالاخير قبل لا يكونون سياح كانوا مغتصبين الارض و مستعمرين و لا زالت اراضي من التراب المغربي تحت استعمارهم .... بس المصيبة اذا الشعب نفسه يمجد السائح الاجنبي ويرفع له القبعة ....
خليني اقولك عن حديث دار بيني و بين احد الضباط الي حاول يستفزني بكلامه في نقطة تفتيش في مراكش على الدوار الي ياخذك طريق كازا بس الحين تم ازالتها .... قالي بالحرف انتوا الخليجين تجون المغرب علشان السهر فقط .... ابتسمت واهو توقع ان ينرفزني بكلمته .... قلت له قانونك يسمح بالسهر و انت مطالب انك تحمي الناس الي يسهرون و انت مطالب بتطبيق القانون و حمايته الذي يقر و يسمح للسواح بالسهر .... وياريت لو تسمع هالكلمتين لسائح اسباني او فرنسي لان السهر جزء من اجازاتهم السنوية يا صاحبي .... عطاني مخالفة سرعة و الطريق مايسمح تمشي فيه اكثر من 40 .....
في مثل يقولك كلنا عارفين البير و غطاه ..... اكرر انا هنا لا اقصد اهانة جهاز الامن المغربي كاين الشرفاء و كاين المرتشين و الفاسدين .... ولكن الظواهر السلبية طغت وهذا شي مصرح به في جميع وسائل الاعلام و من تجارب شخصية
هلا فيك اخوي توريست واشكرك على رحابة صدرك ونقاشك الراقي معاي
بخصوص السائح الاجنبي انا رفضت مقارنته بالسائح الخليجي والعربي صحيح انه الجنسيه والعلاقات الدبلوماسيه
بين البلدان تلعب دور .. ولكن تبقى المسأله شخصيه .. والشخص المحترم راح يحترم الكل بغض النظر عن جنسيته
او لون بشرته .. وتبيها بصراحه من خلال اختلاطي مع شباب مغاربه لاحظت انهم ما يطيقون الاجانب ومعاملتهم
معاهم تعتمد عالمجامله والتطنيش .. وبالعكس يكنون كل الاحترام والتقدير للشعب الخليجي وبعمري
ماشفت مغربي اصيل .!! يمجد السائح الاجنبي ويفضله على الخليجي زي ما قلت انت
احنا مشكلتنا اقنعنا انفسنا بأن نحن سياح متخلفين .. ماعندنا حسن تدبير .. الغرب افضل منا ودايما نقارن بأنفسنا
بالغرب حتى في السفر ..
الشعب الخليجي يعاني من الكبت .. ضغوط الحياه .. عادات وتقاليد مالها علاقه بالشرع ..!!
يعني لدرجة انه في شباب يسافرون ولو دروا عنهم اهلهم والله ما خلوهم ..
شو تتوقع من شخص مكبوت يوصل للمغرب ويشوف كل هالمناظر ؟ راح يسوي اي شي عشان يستانس
وراح يكون حريص على انه سفرته ما تخترب حتى لو اضطر انه يدفع مبالغ في الطالعه والنازله بس اهم
شي الوناسه .. طبعا انا ضد هذا الشي ولكن بس حبيت اذكرك لك هذي النقطه ..
وبخصوص حديثك مع الضابط ياخوي خذها نصيحه .. اثنين لا تجادلهم ولا حتى تعطيهم مجال للحديث معاك
الشرطه وموظفين المطار خلك دوبلوماسي معاهم وحاول تجنب الحديث معاهم يعني انت قاعد تجادله
وتساله ويرد عليك شي طبيعي انه ما يخليك تمشي الا باكراميه ههه ..
ويااخوي اهل مكه ادرى بشعابها وانا قلت لك في ردي السابق المشكله الوحيده اللي يواجها السائح
هي الشرطه .. يعني شر لا بد منه وما تقدر تتجنبه حتى لو كنت في السليم .. مو شرط تدفع بس
توقع انه يعطلك نص ساعه خصوصا اذا مريت في تفتيش.. في النهايه يا خوي
كل واحد عقله في راسه وعارف خلاصه .. والباب اللي يجي منه الريح سده واستريح ... وافهم يا فهيم