|
16 يناير .. عجل علينا تكفى .. ( شوية إستفسارات )
السلام عليكم ورحمة الله وبركاته ..
مساء الخير للجميع .. رحلتي انا وصديقي للمغرب يوم 16 يناير والعوده 23 يناير .. وجهة السفر :- الرياض - كازا ... ومن كازا على مراكش بالسياره .. إستفساراتي بشكل عام ... 1- تنصحوني بتسجيل جوازاتنا في السفاره السعوديه ؟ وأين مقرها في المغرب وماهي إجراءات تسجيل الجواز ؟ 2- كم المسافه بالسياره من كازا لمراكش بالكيلو والساعه . وكم السعر المعتاد ؟ 3- إخترت شقق الميراماس للسكن وهي كما تقول لي مسؤؤلة الحجز بـ 1000 درهم أي 430 ريال سعودي . ( غرفتين وصاله وحمام وإنتم بكرامه ) .. هل السعر معقول ؟ والمكان آمن ( إحنا شابين لطيفين جميلين لذيذين خخخ بس إحنا جونا بالليل فله ( عصير + ) . هل تشوفون الميراميس آمنه لنا ؟ 4- السواق إتفقت مع شاب تعرفت عليه من إحدى مواقع التواصل الإجتماعي وقال لي يوميته مع البنزين (750 درهم ) أي ( 323 ريال سعودي ) هل تشوفون السعر معقول ؟ وهل ترون إننا بحاجه سائق يومي في مراكش خصوصا إن شقق ميراماس كما قالوا لي قريبه من كل شي ( كوفيها ومطاعم ومولات ) .. 5- الشغاله .. وش نظامها هناك ؟ معقوله مافيه مطاعم تقدم أكلات سعوديه ؟ يعني تشوفونها ضروره ؟ وكم يوميتها بالعاده ؟ 6- انا وضعت خطه ماليه مسبقه وابي تشاركوني ارئكم ... وهي كالتالي :- السكن لمدة 7 أيام ( 3150 ريال سعودي ) الأكل يوميا بمبلغ 300 ريال .. أي في 7 أيام ( 2100 ريال ) السهر والفله والتماشي بمجموع 17 الف ريال سعودي .. ( لمدة 7 أيام ) رأيكم بالميزانيه يهمني جدا .. وهل تتوقعوا 20 أو 25 ألف ريال كافيه لشخصين لمدة 7 أيام ؟! 7- بخصوص الجوازات .. لما نطلع ونروح ونجي وين أفضل مكان نحطها فيه ؟! 8- الأمور الماليه ( أنا مخطط إني أصرف كل يوم بيومه .. وش تنصحوني بخصوص الصرافات ؟ وكم المبلغ المسموح لي أحمله في شنطتي ؟ وهل الصرافات متوفره ؟ انا صرافتي راجحي وأهلي .. هل استطيع السحب منها بدون أي مشاكل وكم بياخذون على كل عملية سحب ؟ ( ياليت تفصلون لي بموضوع الإداره الماليه للرحله ) بخصوص الإنترنت ... انا إنسان مدمن إنترنت شقق الميراماس فيها نت ؟ والمقاهي هناك توفر إنترنت ؟ مجاني وإلا برسوم ؟ بخصوص الشريحه ... تنصحوني أشتري شريحه مغربيه ؟ وش الأفضل هناك من ناحية التغطيه ؟ ممتن لكم كثير سلفا ... مالي غنى عن نصايحكم حبايبي ... |
رد: 16 يناير .. عجل علينا تكفى .. ( شوية إستفسارات )
1 - الجوازات مو ضروري تسجلها ولو بتسجلها لازم تروح الرباط
2 - المسافة تقريبا ساعتين بالسيارة والسعر 1200 درهم او بالقطار اعتقد رخيص بس عمري ما جربته 3 - لا اسكن شقق وليس عندي علم فيها انا استاجر فيلا 3 غرف 2200 درهم بالدرقاوي 4 - السواق اقترح عليك تغيره لانه غير مجرب علي كلامك ويعتبر السعر غالي انا اخذ سيارة بسائق 500 درهم طول اليوم معاك والبنزين ما يصرف كثير لان مراكش صغيرة 5 - الميزانية ممتازة جدا لو ركزتو تكفي وتزيد اتوقع اعلى شي بتصرفون 3000 ريال *7 ايم = 21000 ريال وهو كافي بزيادة 6 - الجوازات غاليا يأخذونها عند السكن وهو الافضل عشان الخوف من الضياع 8- ماانصحك بالصرف من الصرافات خذ معاك نصف المبلغ كاش والباقي باي حساب عادي يسحب هناك لكن مافيه الا وفاء بنك يسحب 8000 درهم بالسحبة الواحدة لا تنسي العمولات 30 ريال تقريبا لكل سحبة صراف فالافضل تأخذ معاك 10 الاف ريال كاش وتغيرها هناك ولاتخاف اكيد بيكون فيه سفتي بوكس برقم سري تحتفظ فيه على اشياءك الخاصة ------- الانترنت متوفر باغلب الاماكن لكن شقق الميراميس ما ادري ولكن تأخذ لك شريحة شهر مفتوح 180 درهم وتريح راسك --------------- افضل لك شريحة مغريبة عندك انوي عروضها ممتازة وفيه اتصالات المغرب ايضا --------------------- تروح وترجع بالسلامه وانصحك حافظ على الصلاة بوقتها |
رد: 16 يناير .. عجل علينا تكفى .. ( شوية إستفسارات )
اقتباس:
|
رد: 16 يناير .. عجل علينا تكفى .. ( شوية إستفسارات )
fasal2000
كفيت ووفيت أخوي .. الله يسعدك دنيا وآخرهـ ... أهنجار خليجي أهلا بأخونا الكبير ... اقتباس:
اقتباس:
طيب وش رأيك بالبابليون ؟ اقتباس:
يعطيك الف عافيه أخوي .. كفيت ووفيت .. إضافه على إستفساراتي .. وش رأيكم بشقق البابليون ؟! أمان من ناحية الضيوف ؟ قربها من الخدمات ؟ أيهم أفضل البابليون أو ميراميس ؟! انا تقريبا إستبعدت منتجع النخيل لأني كما فهمت الأعضاء إنه برا المدينه وبعيد شوي عن الخدمات ؟! |
رد: 16 يناير .. عجل علينا تكفى .. ( شوية إستفسارات )
امورك طيبه يالغالي والميزانيه جيده نوعا ما .. لكن يومية السواق والسياره بالزاف صراحه !
|
رد: 16 يناير .. عجل علينا تكفى .. ( شوية إستفسارات )
اقتباس:
ومن كازا الى مراكش كم ؟ وهل تنصحنا إذا سكنا في بابليون بالإستغناء عن السائق ؟! الف شكر أخوي الغالي .. |
رد: 16 يناير .. عجل علينا تكفى .. ( شوية إستفسارات )
للرفع
|
رد: 16 يناير .. عجل علينا تكفى .. ( شوية إستفسارات )
الاخوان كفو ووفو
للتذكير فقط شوفلك سايق غير عن الي اتفقت معاه لانه غالي وفي نفس الوقت غير مضمون |
رد: 16 يناير .. عجل علينا تكفى .. ( شوية إستفسارات )
تركي 13
مزعوط دبي الله يجزاكم الف خير ياغالين ... فيه مقترح لسكن جديد الا وهو بريميوم بيلاج ؟! وش رأيكم فيه ؟ بحثت عنه لم أجد معلومات كافيه عنه ؟!! |
| الساعة الآن 09:03 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط