رد: هل سئمت من سوء المعاملة في المغرب ؟ .. موضوع للنقاش
اقتباس:
حتى المتسولين المتواجدين في المرافق السياحيه وخاصه عين ذياب و بالقرب من التوين سنتر كازا بلانكا و في الرباط وايضا قليز في مراكش
تجدهم يصرون على ان تعطيهم مبلغ من المال باي طريقه و ان لم تفعل تجده غالبا يسب وييسخط عليك
هذي الفئه تشحت من الكل .. سواءا خليجي او عربي او مغربي وهذا الشي شفته بعيني
اي شحات في العالم يهمه يجمع فلوس من اي شخص بغض النظر عن جنسيته وشكله .
اقتباس:
اذا ما المشكله ما هو الفرق ولماذا تولدت هذه السلبيه لدى العاملين من اخواننا المغاربه في القطاع السياحي ؟
باختصار
:السبب اغلبنا قاعدين نتعامل مع ناس غير مهنيين .. اغلبهم سماسره وغير مرخصين
واغلبهم لم يكمل دراسته وما عنده اسم شركة او رخصه يخاف على سمعتها .. اهم
شي عنده الكسب السريع.. ولو حبيت تقارن شوف كلام الاعضاء كلهم عن الموظفه غزلان في شركة
جي بي ام لتأجير السيارات .. للحين ما شفت ولا عضو اشتكى منها او من سوء تعاملها ومن الخدمات
اللي توفرها .. والشي الثاني موضوع الاخ محمد عاطي مع موظفيين المرينا وفصلهم
من الخدمه بعد تقدم احد اعضاء المنتدى بشكوى رسميه عليهم...
طبعا تستثني بعض الفنادق و اماكن السهر اللي يشتكون منها الاعضاء بشكل دايم في المنتدى.
الفلوس تغير النفوس .. اي تاجر او صاحب عقار في بدايته راح يحاول يكسب زباين
بأي طريقه وبعد ما يتمكن ويصير معروف تلقاه تدريجيا يرفع اسعاره .. ومعاملته تتغير
وبدل ما يكون هو المحتاج .. يصير الزبون هو اللي محتاج له .. والسبب بأن كل شخص
يدل الثاني على نفس الاقامه كان مافي غيرها في المغرب .. شي طبيعي انه معاملته تتغير.
همسه :
ولا زال مسلسل السائح الاوروبي Vs السائح الخليجي مستمر في كل موضوع يطرح للنقاش عن
معاملة السائح الخليجي
لو كان فيه اجنبي في المنتدى يفهم عربي ويقرا كلام بعض الاعضاء راح يستغرب ويقول معقوله انا كذا ؟ههههه