عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


اهداء الى الغالي مخيـــطووو

إضافة رد
الـدوكالي
موقوف
المشاركات: 4,190
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2013-01-04, 02:21 AM
  المشاركه #1
Thumbs up اهداء الى الغالي مخيـــطووو

بسم الله الرحمن الرحيم


السلام عليكم ورحمة الله وبركاته


اهداء خاص الى الغالي ابو محمد (( مخيــــطوووو )

يامرحبا حييت يا حوران
يامرحبا بك يالرفيق الشقاوي

الدار يامخيطووو لها اشكال والوان
فيها جمال الغيد ماهوب ياوي

لاجيت للمغرب تضمك بالاحضان
اترك بلاد النيل والشام مامن تساوي

يكفيك عبدالله وزايد وسلطان
كبار الرجال اللي ترد الدعاوي

مصيافهم في وسط كازا وتطوان
دارن وهبها الله سحرن سماوي

قلبي غدن به ياالذويبي له ازمان
من اول سنة تسعين قلبي هواوي

مزعوط انا بالزاف بالحيل ولهان
دايم وقلبي في هواها رجاوي

اجمع حصيلي ثم سافرت عجلان
غاوي ومن مثلي على الدرب غاوي

اروح للمغرب وانا البوك مليان
وارجع وبوكي يشهد الله خاوي

ولانيب متحسف ولانيب ندمان
هذي طرات العمر لاصرت هاوي

ويابو محمد لاصرت للدار شفقان
حنا مثل شرواك دايم نخاوي

اصبر لنا فالوعد قدام عودة علشان
نسكن انا وياك جنب العطاوي

وسلامتكم



==
رد مع اقتباس
روداني
مزعوط خبير
المشاركات: 1,856
تاريخ التسجيل: Apr 2012
الدولة: جده
روداني غير متواجد حالياً  
قديم 2013-01-04, 02:30 AM
  المشاركه #2
رد: اهداء الى الغالي مخيـــطووو

صح لسانك اخي خالد

وابيات جميله ويستاهل مخيطووو راعي الاوله
رد مع اقتباس
 الصورة الرمزية mimi
mimi
مراقب
المشاركات: 10,223
تاريخ التسجيل: Jul 2011
mimi غير متواجد حالياً  
قديم 2013-01-04, 02:47 AM
  المشاركه #3
رد: اهداء الى الغالي مخيـــطووو

ايش هاد المواهب كلها تياترو معندي منسالك : (451):

صح لسانك يا شاعرنا والله يديم المحبة بينكم يستاهل مخيطو

عجبني هاد الجزء

اروح للمغرب وانا البوك مليان
وارجع وبوكي يشهد الله خاوي

ولانيب متحسف ولانيب ندمان
هذي طرات العمر لاصرت هاوي


اهم شي انك مو متحسف ربي يعوض عليك: (90): وترجع مرة تاني
رد مع اقتباس
الـدوكالي
موقوف
المشاركات: 4,190
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2013-01-05, 08:21 PM
  المشاركه #4
Thumbs up رد: اهداء الى الغالي مخيـــطووو

اقتباس:
المشاركة الأصلية كتبت بواسطة روداني مشاهدة المشاركة
صح لسانك اخي خالد

وابيات جميله ويستاهل مخيطووو راعي الاوله

صح بدنك طال عمررررك نعم يستاهل اخوي مخيطوووو وهو راعي الاوله ويكفي انه حبيب الكل


اشكرك روداني على حضورك الكريم ... تحياتي لك ودمت بود
رد مع اقتباس
الـدوكالي
موقوف
المشاركات: 4,190
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2013-01-05, 08:51 PM
  المشاركه #5
Smile رد: اهداء الى الغالي مخيـــطووو

اقتباس:
المشاركة الأصلية كتبت بواسطة mimi مشاهدة المشاركة
ايش هاد المواهب كلها تياترو معندي منسالك : (451):


صح لسانك يا شاعرنا والله يديم المحبة بينكم يستاهل مخيطو

عجبني هاد الجزء

اروح للمغرب وانا البوك مليان
وارجع وبوكي يشهد الله
خاوي

ولانيب متحسف ولانيب ندمان
هذي طرات العمر لاصرت هاوي


اهم شي انك مو متحسف ربي يعوض عليك: (90): وترجع مرة تاني
اهلين ميمي صح بدنك طال عمرك يستاهل مخيطووو واكثر واشكرك على حضورك وتواجداك المميز الذي اضاف رونق ونكهة

تحياتي لكي ..... ودمتي بووووود
رد مع اقتباس
 الصورة الرمزية سلاوية الخاطر
سلاوية الخاطر

اهداء الى الغالي مخيـــطووو

المشاركات: 12,579
تاريخ التسجيل: Mar 2012
الدولة: بينـ ضفتــي وادي أبي رقــراقــ
سلاوية الخاطر غير متواجد حالياً  
قديم 2013-01-06, 12:29 AM
  المشاركه #6
رد: اهداء الى الغالي مخيـــطووو

الله يعينك فين وصلتك الزعطة
تستاهل المغرب ويستاهل مخيطو
,,

المشاعر الصادقه دائما توصـل بسهولة

صح لسانكـ تياترو

والله يديم المحبة بينكم

__________________
.


الوقت الذي تستمتع باضاعته ، ليس وقتا ضائعا
رد مع اقتباس
مخيطووو

اهداء الى الغالي مخيـــطووو

المشاركات: 1,924
تاريخ التسجيل: Jan 2011
الدولة: في عين خلي
مخيطووو غير متواجد حالياً  
قديم 2013-01-06, 10:27 AM
  المشاركه #7
رد: اهداء الى الغالي مخيـــطووو

مايبرد واهج الشوق وشعور الهيام
غير سرداً تطوي البعد بالسرعه طوي

بديها من خلف ماهوب مثله من امام
مستوي في حال .. وبحال ماهو مستوي

خشمها عبرود طلقه .. وموخرها بهام
رافعه راعيه بأشارة ٍ ماتنغوي

لابدو دعاء السفر .. واعلنو ربط الحزام
ورشادات الامن لو ترتطم والا تهوي

واستلمها واحد ٍ خبرته عشرين عام
كبتن ٍ بالله وبكتابه إيمانه قوي

مسلم ٍ عنده خبر بالحلال وبالحرام
جابله ربي على الدين وسلوكه سوي

وصعدت مثل اشقر ٍ فوق جول الصيد حام
لمراوحها مع الجو لجه وحدوي

مثل مايدوي صدى صوت رعاد الغمام
صوتها صداه عبر الفضا يدوي دوي

صنعة اللي ماعرفوا لاصلاة ولاصيام
شعب ٍ أكثرهم ماهو عارف ٍ منهو ذوي

بالنهار لياتعلت كبر فرخ الحمام
دونها الاف المسافات تزويها زوي

وان تغطلس بينك وبين رؤيتها الظلام
كن في روس اجنحتها مشاهيب بدوي

دوبهم دكو عن دلاله الربع الحشام
تحتها من وقدة السمر جمر ٍ مجثوي

دايم وربعه على جلسة ٍ عنده حيام
ابلج ٍ لين جنابه لربعه وحموي

مالي الا هي .. لياجا للاشواق أحتدام
وقامت الذكرى على القلب تكويني كوي

لي شهر وشوي عيني محاربها المنام
ودي احضر جوازي وادورلي خوي (تياترو)

بيني وبينه مسافات وحدود ونظام
واحد ٍ فرقاه شاويتن فوادي شوي

بس ابا ازوره مثل مايزارون الكرام
لين عيني من قباله وشوفه ترتوي
لو بغيت اصبر .. واكابر .. واقول اني تمام
ذيب حبه بين جرد المحاديب يعوي

كان مالي في دروب الهوا شف ومرام
لين شفته .. واشهد انه هواة المهتوي

ياسلام الله على السلهمه والابتسام
وياسلام الله على اللي مابيله مطروي

كن مالله حط في منطقة خصره عظام
وكن غيره ماحتوى مثل ماهو محتوي

لاقعد ماوده يقوم .. ولياقام قام
تلوي اعناق البشر قومته يمه لوي

تقل بين اعلا الجسم واسفل الجسم انقسام
شي من جسمه مرتب وشي ٍ فوضوي

استلمني في جبروته اشر استلام
لين طيّح معنويات راس المعنوي

الغرام ليابطش فيك ملعون الرسام
مايعرف هذا قبيلي .. وهذاك خلوي






إهداء إلى اخوي تياترو واللي كتبته كثير في حقي وانت تستحق ان الشخص يصعد مراحل لكي يصل الى قامتك الشامخة تحياتي لك وللأخوة الاعضاء الذين ردوا وتستاهلون الطيب وعز الله انكم اخجلتوني .. عسى الله يوفقكم .

التعديل الأخير تم بواسطة مخيطووو ; 2013-01-06 الساعة 10:29 AM
الـدوكالي
موقوف
المشاركات: 4,190
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2013-01-06, 08:25 PM
  المشاركه #8
رد: اهداء الى الغالي مخيـــطووو

اهلين اخوي وصديقي مخيطووو اشكرك على كلامك الجميل اللا مستغرب من شخص مثلك كبير بقامته وهامته


لك مني كل التحايا القلبيه فديتك يابو محمد ...... شكري وتقديري لشخصك الكريم
رد مع اقتباس
الـدوكالي
موقوف
المشاركات: 4,190
تاريخ التسجيل: Sep 2011
الدولة: في قلوب المزاعيط
الـدوكالي غير متواجد حالياً  
قديم 2013-01-10, 06:33 PM
  المشاركه #9
Thumbs up رد: اهداء الى الغالي مخيـــطووو

اقتباس:
المشاركة الأصلية كتبت بواسطة سلاوية الخاطر مشاهدة المشاركة
الله يعينك فين وصلتك الزعطة
تستاهل المغرب ويستاهل مخيطو
,,

المشاعر الصادقه دائما توصـل بسهولة

صح لسانكـ تياترو

والله يديم المحبة بينكم
الله يسلمك سلاوووية الخاطر صح بدنك اللهم امين الله يديم المحبة بين الجميع

اشكرك على مرورك العطر والجميل ..... تحياتي لكي ودمت بوووووود
رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

الانتقال السريع

المواضيع المتشابهه للموضوع: اهداء الى الغالي مخيـــطووو
الموضوع آخر مشاركة
تجربتي مع الغالي ابو منيرة ،، 2017-04-22 10:44 PM
شكر وتقدير للعضو الغالي الدوكالي... 2011-12-29 11:34 PM
الغالي والثمين من المغرب 2011-10-01 02:16 AM
اهداء للعضو الغالي العربي باطمة... 2011-05-27 03:40 PM


الساعة الآن 11:46 AM