عـــــــافــــــــــاك ابــــــــــــابــــا

واحد السيد هو ووليداته والزوجه دياله خرجاو يديرو واحد النزهة بالكتكات ديالهم وعلى غفله طلع ليهم واحد الراجل الشارف وبقى كياشر ليهم وقف الأب وسوله : اش باغي ؟ قال له : انا المال وباغي نطلع معاكم مراته قالت ليه ايوا خليه يطلع را محتاجين ليه معانا را هدا الفلوس والوليدات كيزاوقو في اباهم : عافاك أبابا عافاك ابابا قال ليه اباهم صافي اطلع ومشاو يكملوا طريقهم و عاود تاني كيوقفوهم واحد الجوج راجل ومره وهو يسولهم اش باغيين ؟ قالت المرا : انا السلطه وقال الراجل انا المنصب وباغيين نطلع معاكم الاب مابغاش قالت ليه مراته شكون اللي مابغاش المنصب والسلطه ؟ وهدوك وليداته كيغوتو : عافاك أبابا عافاك ابابا وهوما يطلعوا معاهم 00 كمل الراجل طريقه وعاود تاني يوقفه واحد الراجل الشارف وقف ليه الاب وقال ليه اش كون انت ؟ قال ليه : أنا العمل الصالح 00 وهو يقول ليه اطلع قالت ليه مراته : ماعندنا ماندير بيه دابا غادي يزاحمنا ويزيرنا 0والوليدات كيقولو لباهم عافاك ابابا عافاك ابابا 00من بعد 00 من بعد -كمل الأب طريقه وهو يوقف ليه واحد الراجل المخيف فوسط الطريق ومعاه واحد الفردي وقف الراجل بز منه سوله الأب اش كاين ؟ قاليه هداك الراجل الموخيف كتقلب ع واحد الراجل سميته العمل الصالح واش كاين معاكم ؟ جاوبه الأب : لا ماكاينش غير احنا عاد تلاقينا معاه وبغى يجي معانا غير احنا اللي مابغيناش نطلعه دابا نرجع نجيبه لك راه قريب لهنا 00 قال ليه الراجل الموخيف : صافي اهبط را النزهة ديالك اتسالت هبط الاب وبقى كيغوت : را عندي الدراري!! را عندي الزوجه !! را عندي الفلوس !! را عندي السلطه والمنصب !! أشنو صحب ليك راسك ؟ قال ليه هداك الراجل اللي كيخلع : هدا الشي كله مغينفعك00 الأب هو يتلافت للكتكات دياله ومايلقى غير مراته جلست فبلاصته وكتسوق الكتكات هازه كل شي معاها بقى كيعيط عليها احبسي احبسي وهي تشوف فيه وتقول له مايمكنش مشات وخلاته سول الأب هداك اللي كيخلع : اش كون انتا ؟ جاوبه : انــــــــا المـــوت !!!!!!!!

عرفتو شكون هداك الراجل اللي كيخلع راه هو الموت نيت 0000 النت قطع عندي قبل مانكمل القصه 0 ايوا تسالينا

مالكم كتتنحززو فيا ياك انا غير كاتب الموضوع !!

اش انا الي مافهمت والو ولا دارها بيا النعاس

شكون قتل شكون وشكون خرج وتغدى بالعدس

باين عليا انمشي ننعس دابا وغدا فاش نفيق نرجع نقرى لعل وعسى ههههه

__________________

ايوا مزيان مللي قلتي لعل وعسى وماقلتيش حاشا وكلا هههههههههه
عرفتي شنو راني كملت 24 ساعه هادي مانعستش وقيلا تا انا مخربق 00 ماكنظنش : (120):

ماتكون غير نتا ودوك البراهش ديالك امسيو اوكي
مزوج فالسر بلا ماتعلمنا المسخوط؟
اسيدي بصحتك وراحتك اوى خلي المدام تنفعك ها نتا مشى ليك كلشي
ودبا فك راسك مع ملك الموت
كان انسان طيب مسكين
اوى قصة زوينة ومعبرة مسيو اوكي ماعندي مانسالك
وخا نيت خربقتي شوية ولكن مابيهش شحال من مرة كنقول ليك هدر بلهجتك غيكون احسن ولكن والو
لا حياة لمن تنادي وها نتا جبتيها فراسك
دبا كاع الي دخل غيفهم في قصتك الي فهمتو انا
وهو انك نتا ومراتك وبراهشك ابطال القصة
ولكن السؤال الذي يضرب نفسه هو واش تا الميتين كيهدرو؟؟؟

__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا

ربي اغفر لي ذنبي فانه لا يغفر الذنوب الا انت

الصرااحه القصه معبره

الرجل الي قلتي في الاخير هو ملك الموت كيف قالت شوكولاطه حتى انا قريتها لباارح

ولكن مع الدوخه ديال نعااس ماقشبلت والو

قالوها ناس زمان ماينفعك غير عملك واشنو درتي للدار الاخره

اما المال و السلطه فكلهم فانييين

ايوة اسيدي ماعندي مانقول لك تبارك الله عليك

: (67):

وليتي برطال او حديدان تتعاودلينا فالخرافات ههههههههههه
ولكن تبارك الله عليك شارب هدرتنا , عرفتي انا فهمت كلشي وبقيت تنقول شنو هي داك الكتكات هههههههههههة
حتى الاخير عاد فهمت باللي تتهدرت على كات كات الطونوبيل

ايوا الدنيا ما دوم , كلشي كيمشي كيبقى غي اش درتي ابنادم

الله يحسن خاتمتنا السي اوكي توكي


ومرسي

__________________
.


الوقت الذي تستمتع باضاعته ، ليس وقتا ضائعا

tbarkalah 3alak 9issa mo2atera o wa9e3ya machkoor 3ala majhodak ljabar
tahyati lak

ههههههههههه مغربيه راني مللي كنت نكتب هدي القصه بالدارجه ديالكم كنت ضاربها فيقه 25ساعه وعينيا مغمضين ايوا كيفاش الى كنت مرتاح وفايق وعينيا محلولين غادي نهدر احسن منك - واخا انتي مغربيه ولئني ديما مبرزطه وشادك التخربيق
زوينه مللي درتي أبطال القصه الصغار البراهيش ديالي ههههههههههههه
ور ا الميتين كيهدرو مللي تيكونو بحالك بــــ 7 أرواح سولي راسك شحال من مره وقعتي من البالكون واش حال من مره اتشفرتي والموس ديال الشفاره داز فكرشك -ناري ع كرشه
قال ليك السوال اللي يضرب نفسه : تا واحد مايضرب نفسه من غيرك - حيت عزيز عليكي المدابزه و كتولي راشقه ليكي مللي تضربي راسك في الحيط عافك بالشويه على الحيوطه ههههههههههههه