|
مكتوب مقدر .. ( مشوره )
السلام عليكم ورحمة الله وبركاته .. كل شي مكتوب بأمر الله سبحانه .. كنت مخطط الرحله للمغرب 16 يناير يعني غدا ان شاء الله .. صاحبي ورفيقي في السفر صار عليه حادث وهو الحمد لله سليم معافى وغادر المستشفى ولله الحمد بس مايقدر يسافر لأن صاحبه الي كان معه لسى بالمستشفى وهو بعد الحمد لله صحته سليمه بس مجرد كسر في اليد ( رغم ان السياره راحت فيها ولو تشوفون السياره ماتصدقون كيف نجوا من الحادث سبحان حافظنا وحافظهم ) صديقي مايقدر يسافر .. مو حلوه يسافر وصاحبه لسى ماطلع من المستشفى رغم إستقرار حالته بس مو حلوه .. السفر بيكون صافي علي انا فقط .. انا لأول مره اضطر للسفر لوحدي وما أحب أسافر لوحدي لو بالسعوديه فكيف بخارج السعوديه .. وش تنصحوني ( ماخاب من استشار ) تعلقت بالسفر كثير وبداخلي صراع يقول سافر وآخر يقول السفره لوحدك شينه .. اخواني الي سبقوني بالسفر لوحدهم .. وش رأيكم ؟ السفر مفردا للمغرب زين والا شين ؟ كل الي بخاطركم قولوه .. ترا النفسيه ضايقه وربي :( الحمد لله الي حفظ فهد وصديقه والله يكفينا من ما تخبيه لنا الأقدار .. شكراا سلفا .. |
رد: مكتوب مقدر .. ( مشوره )
اخوي انا بكرى ماشي بلحالي تبي نتخاوى انا اول مره امشي المغرب حياك على الخطوط المغربيه
|
رد: مكتوب مقدر .. ( مشوره )
الله يشفي صاحبك و اللي معاه و يقومهم بالسلامه يارب ..
درب السلامه يارب .. خذ لك لفه على صالات المدن اللي ناوي تتجه لها و كل المعلومات اللي تبيها متوفره باذن الله .. تحياتي لك |
رد: مكتوب مقدر .. ( مشوره )
اول شي الف الحمدلله على سلامت خويك فهد ورفيقه وانشالله يقوم بالسلاامه..ومن الناحيه الثانيه اذا نفسيتك ماهيب زينه وتقدر تدفع ظريبة تغيير الحجز
سوها وتوكل على الله وبالمره خويك فهد يروح معاك واعتقد الظريبه ماهي غاليه او اذا كانت التذاكر من النوع اللي ماتقدر تغيره فتوكل على الله واذا انت اول سفره لك انصحك باغادير لانك لاتحتاج لاروحات ولا جايات واجد وكل شي حولك وحوليك من فنادق ومقاهي واماكن سهر...........الخ وشف العضو ابوجس وغيره على نفس الرحله او في الطياره صيح بصوت عالي من فيكم من منتدى مزاعيط المغرب ههههههههههههههههه ااكيد بينقز 7 او 10 هههههه وبكذا بتلقى لك خوي سفر..تقبل مروري وتحيااتي وبالتوفيق |
رد: مكتوب مقدر .. ( مشوره )
الله يشفيهم والحمدلله على سلامتهم ولعل فالامر خيره ماتدري يمكن الله مانعهم من شي اكبر من كذا وبالنسبة لك انسدح على السرير وبعدها بتمل من الديره كلها وبتقرر على الروحه يعني روح ومثل ماذكرو لك الاخوان تلطم ولا يردك الا مطار محمد الخامس نصره الله هههههههههههههه باتوفيق |
رد: مكتوب مقدر .. ( مشوره )
سلامات في الحديد ولا في العبيد اجلها حتىيطيب خويك وعسى في ذلك خير
|
رد: مكتوب مقدر .. ( مشوره )
اول شي معليش الحمد لله على سلامات خويك فهد وخويه الله يقاومه بالسلامه والله يجعل ماجاه تكفير ذنوب ويرده عن شر وأهنئ المشرف الزاحفzezuom على أسلوبه وروحه الحلوه اجل منتدى مزعيط بالطياره ههههههههههههههههههه.
|
رد: مكتوب مقدر .. ( مشوره )
الحمد لله على السلامه
|
رد: مكتوب مقدر .. ( مشوره )
احيانا السفر الوحداني احلى تكون ملك نفسك
|
رد: مكتوب مقدر .. ( مشوره )
الله يجزاكم خير ..
قررت السفر وحيدا ولاوحيد من كان الله معه ... شكرا ياغالين .. |
| الساعة الآن 12:03 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط