( فاس + الدار البيضاء + منتجع مازاكان )

باختصر عليكم و بدون مقدمات
الرحلة من 1 ابريل إلى 20 ابريل
عالخطوط السعودية : جده _ الدار البيضاء
سعر التذكره 1400 ريال شريتها وقت العرض. وصلت لكازا الساعه 6 مساء و كنت مرتب لتاكسي من المطار على فاس اخذت تقريبا 4 ساعات وصلت و حاجز بفندق بارسيلو افضل موقع في فاس

طبعا الرحله لحالي ، ودي ارفق صور بس للاسف ما عرفت ، المهم فاس مدينه لمحبين الاثار و الاسواق الشعبيه و بصراحه أهل مدينة فاس ناس مرتبين و راقيين و تعاملهم مريح ، الاماكن اللي تزورها المدينة القديمه هي منطقتين :

الاولى : مدخل بوجلود او بوجنود
محلات منوعه و مدرسة و مسجد بو عنانية تاريخيه و محلات دباغة جلود و عسل و مطاعم شعبية و (ببوش) (لحم مبخر) و غيرها كثير ، رحتلها اكثر من مره و جنبهم حديقة اسمها جنان السبيل تاريخيه مجدده

الثانية : عند جامعة القرويين
فيها اول جامعة في العالم هي جامعة القروييين تخرج منها علماء كثار منهم (ابن خلدون) هي عبارة عن جامع . و هذي النطقة تشوف فيها فن و ابداع في التصميم و الزخرفة ابداع في المباني ، و فيه محلات الفخار و التراث المغربي من أواني و ملابسو غيرها و فيها زاوية مؤسس مدينة فاس الادريسي و غيرها ، يوم الاحد عند مدخل هذي المنطقه يقام سوق لجميع انواع الطيور ، (يوم الجمعه اغلب المحلات مسكره هنا)

نجي لفاس الحديثة : هي عبارة عن شارع الحسن الثاني بدايته مقهى Paul معروف و نهايته مول برج فاس عادية جداً ، فيه مطعم و لاونج بفاس عجبني
إسمه La Maison Blanche زوين جداً بس حلاته يكون معك أحد .
بالنسبه لمحبين السهر أهربو ما تصلح

نسيت شي كل اللي قلته في النهار بعد المغرب يبدون يقفلون.
المناطق المجاوره لفاس كثيرة منها مكناس و افران بس للأسف ما زرتها رحت لمنطقة قريبة اسمها (مولاي يعقوب) فيها مياه كبريتيه (إذا بتروحون لها بتاكسي فيه منطقة معينه تاخذ منها التاكسي اللي يوديك لها تاخذ تاكسي لحالك بدون ركاب اضافيين لا تدفع اكثر من 200 درهم يوديك و يرجعك ادفعله 100 لما يوديك و لما يرجعك عطه الباقي) فيها قسمين حامة شعبية و حامة جديده بس نصيييحه اخ و سبقني فيها احد الأعضاء انتبهو من الشعبية روحو للجديده قول للسواق اللي معك الحامه الجديده بس و تراها يوم الاثنين تكون مقفله و على فكره في رمضان بيتوقف العمل فيها و بيبنون مبنى جديد بس حاطين حامة جديدة مؤقته ، تدخل يعطونك عدة أشياء تختار منها انا اخذت كل شي اللي هي :
1_بانيو لحالك لمدة 15 دقيقة تختار درجة الحرارة لان طبيعة المويه حاااره
2_مسبح عام
3_بخار
4_ يرشونك بموية بقوة ينفظ جسمك
5_ مساج
كل هذا 650 درهم بس لا تنسون الشورت اذا ما عندك تشتري من عندهم ب150.
بعد ما طلعت من عندهم دخلت للقرية اكلت طاجن مع اتاي ممتااااز و الحمدلله رحتلهم اكثر من مره

الله يسلمك فيتا محافظه بالنسبه للسهر الاماكن كلها فاضيه بس اخر الاسبوع وسط الاسبوع ما ابالغ لو قلت العاملين في المكان اكثر من اللي جايين يسهرون بس البلد ترتاح فيها

تقرير جميل مع انة مفصل بكذا رد مادري ليش
لكن تشكر علية
اهم شي الراحة النفسية ووناستك انت تصنعها مع اني ما افضل شمال المغرب كسياحة خاصة لي
تحيتي لك

الحمدلله على السلامة
ما شالله تقرير حلو بسيط و مفيد يستمتع القارئ و يقرأه و لا يشعر بالملل و لو كان مدعم بالصور يكون اروع و اروع
اهنيك على اسلوبك و منتظرين المزيد
تحياتي للجميع

__________________
لا تأسـفن لغـدر الـزمان لـطالمـا
رقـصـت عـلـى جـثـث الأســود كـلاب
لا تحسبن الكلاب تعلو برقصها
تظل الأسود أسود و الكلاب كلاب

هلا احمد صادق مفصل حاولت اخليه بواحد بس مب راضي ينزل اهم شي انه عجبك يعطيك العافية

الله يسلمك ابو عبدالله الصور موجوده بس ما عرفت انزلها للأسف ، ودي انه يكون بتقرير واحد مو مفصل بس يسعدني مرورك أشكرك
و باقي التقرير ما خلص

حمدلله على السلامه