الشايب يناديكم ياشباب اغادير
اخوكم شايبن معرعر <===طاعن بالسن
ايام الشباب رحت للمغرب حوالي 15 مرة ايام كانت اغادير شقق وفلل <====الشايب قام يبكي يوم ذكر حي سونابا وحي الشرف جوج المهم قررت ارجع على خشمي =(قرر العودة مرة اخرى) لمدة اسبوع كامل ولوحدي!! مالكم بالطويلة ياعيالي,, انا مسافر لباريس كم يوم ومنها على اغادير دايركت. وش الافضل اصرف يورو من الرياض واخذه للمغرب او اصرف دراهم من الرياض او من اغادير؟عطوني العلم ثانيا انا حجزت عن طريق ابوشيماء في المارينا غرفة وصالة ومطبخ؟ هل فية شقق مطلة على المارينا فقط او مطلة على المحيط<== خبركم الشويب يبي يمدد ركبة على اطلالة الاطلسي. عطوني رقم سايق امين وشقردي وراكد<==فعلا انك شايب عايب,وابيلي شغالة مرستكة تطبخ وتعطيني علاجي. تعبتكم ياشباب بس تحملوا العود |
رد: الشايب يناديكم ياشباب اغادير
ياشايبنا والله اني ادور خوي لي للمغرب واول مره اسافر لها بس كم اخذت الشقه غرفه وصاله كم السعر
|
رد: الشايب يناديكم ياشباب اغادير
يامرحبا يابوسعود تشرفني خوتك يالغالي
الشقة اخذتها 1500 درهم |
رد: الشايب يناديكم ياشباب اغادير
يا مليون هلابك يا جد
الديره ماهي على خبرك ايام المغازي والله لتقعد تهشم وتجر اللحون السامرية اختيار موفق انا اؤيدك عليه المارينا اما الصرف افضل لك اصرف يورو من السعودية تنفعك باوروبا وبالمغرب واذا طبيت هاك الديار امانتك امانه تسلم لي على كل من وطى فيها مير لا تنسى تقهوى في مراكش القهوة والمه قول تم |
رد: الشايب يناديكم ياشباب اغادير
لاهنت ياشايبنا سعر الشقه مناسب تروح وترجع بسلامه
|
رد: الشايب يناديكم ياشباب اغادير
اهنجار والله انك شقردي يالذيب
الله ذكرتني يوم كان الريال باكثر من ثلاثة دراهم مراكش زوينه بالحيل للشيبان بس مسكت معي اغادير <=== مسوي نفسه شباب <=== أيه هين!! نفسي اجلس على المحيط وامارس اليوقا<===تخيل الشايب |
رد: الشايب يناديكم ياشباب اغادير
هلا اخوي سعود
متى بتكون باغادير؟؟ |
رد: الشايب يناديكم ياشباب اغادير
سوالفك زينه وتراني على حدك ياليت من يخاويك بس انت قريب رحلتك ونا بتاخر يالله شهر
|
رد: الشايب يناديكم ياشباب اغادير
ابي سواق امين يالربع
|
رد: الشايب يناديكم ياشباب اغادير
تروح وترجع بالسلامه يازميلي الشايب ( الشارف ) بس مو هــــارف ههههههههههه
انا جوي رباطي ولا لي باجواء مراكش وغادير هذي مخليها لعيالي الشباب |
الساعة الآن 01:10 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط