رد: توي راجع من مراكش .. سرقات .. درك .. مغامرات .. ادخل للاستفاده
الحلقة الثانيه
طبعا زي ما قلت لكم انتقلنا من فلة قرية النخيل الى شقة في جليز كان السواق رتبها لنا من امس و كانت في عماير اسمها ميرافلورز
و هي تجي خلف عماير ميراماس المشبوهه على حد قولهم .. لان الشرطة السياحيه مسنتره برا و قازين الداخل و الخارج
و عارفين جنسيات السكان كلهم و الابتزاز شغال زي المنشار .. المهم الشقه ب 1400 لليوم الواحد و هي غرفتين و صاله و حمامين
اجلكم الله .. ديكورها حلو و غرفها زينه بس مطبخها تعبان و مكركب كانها لعبت فيه كلاب .. كلمنا الحارس قال و لا يهمكم باضبط
لكم كل شي لكن هيهات .. جاب لي لمبتين لتقوية نور الصاله و كاسين للشاهي و حط رجله و راح .. قلنا مو مشكله الوضع عادي
ومو مهم احنا بنجي للشقة ننام بس و باقي الوقت برا .. كان قريب منا كل شي بما فيها محلات السهر و المقاهي و المساج و خلافه
طلعنا على العصريه نلفلف و تكينا في مقهى الف ليله و ليله و الحقيقه حلو00
و رحنا نتعشى في مطعم مقابل ميراماس و كان فيه شباب سعوديين معانا بس في الحقيقه ما حبينا نحتك فيهم لانهم 6 اشخاص
و شكلهم مضبطين امورهم مع بعضهم فخليناهم على راحتهم .. بعد العشا رجعنا للمقهى لان خويي يشيش اما انا فحالتي حاله ..
لا ايش و لا ادخن و لا اشرب ابدا .. حدي براد شاهي احمر و يمقن ااي مغربي و ما اكمله ..
مناك انطلقنا للسهره للياسمين اللي يجي عند النخيل و دخلنا واذا بنا في محل كانه مطعم .. الطاولات ملصقه في بعض
و نفسيات الويتريه مش حلوه ابدا و السعر مبالغ فيه حوالي 1700 او 2000 على ما اذكر .. المهم دبروا لنا طاوله على جنب وكان موقعها
سيء فقلت لصاحبي اخرج من هنا المكان ذا ما يناسبني .. اهل المحل ما فكروا حتى يسألونا ليش .. السبب ان المكان مليان ع الاخر
و شكله لسا جايين ناس لان بعض الطاولات محجوزه .. بس طلعنا و مناك على الديوان عشان السهره و بدون عشا المره ذي
و طلبنا طاوله بالطلبات بس من دون مشروب و خلافه .. وكانت فعلا السهره حلوه و المكان كان عامر بالزاف و فله و انواع الرقص المختلط
دفعنا مبلغ بسيط في حدود 400 درهم و سرينا
.. نمنا و قمنا على العصريه ثم بدأنا في اللقاءات .. و يا عيني على هيك لقاءات .. بس طبعي انا
وخويي كل واحد يرتب بطريقته و لوحده و هذي لها فوائد كبيره و تعطي الراحه لكل واحد منا .. تبي تطول تبي تشيش تبي تتعشى
تبي تستهبل تبي تطلع تبي تنزل بس تكون انتو لوحدكم و ما تضايق خويك ولا يضايقك .. لانه لمن جانا صاحبنا الثالث
تغيرت الامور شوي و دخلنا في اللخبطه .. بعد اللقاءات الجميله حجز لنا السواق في النرجس و قلنا نخليها الليله هناك و جينا ع ال 12
بالضبط و هم لسا ما فتحوا و دخلنا و كانت الطاوله ب 1600 بس كلها طلبات لانا ما نشرب عصير .. طبعا كان فيه ضيف
معزوم معانا لكن لسوء او خلوني اقول لقلة فهم صاحبي باللهجه المغربيه ما عرف يوصف لهم احنا فين و كيف لابسين وراحت علينا
الليله و حنا ننتظر و في اخر الليل صار فيه تداخل مع بعض الناس و بالصدفه طلعوا هم .. اصلا صاحبي ما قابلهم من قبل و لا يعرف
اشكالهم .. كملنا السهره وخذ يا وناسه و رقص و فله و بعدها سرينا
الحين شوفوا المشكله .. وصلنا للشقق و حنا واقفين في الشارع و الضيوف واقفين و رانا .. نزلنا و رحت انا للحارس و قلت له افتح
الباب الرئيسي و هذي 100 درهم .. رفض ان ياخذ الفلوس و فتح لي و لصاحبي و سكر ورانا و اختفى .. في نفس الوقت كان فيه شخصين
واقفين في باب العماره المقابله و قاعدين يكنسون ويطالعوننا وشكيت فيهم وعرفت انهم شرطه سياحيه .. طبعا خربت الشغله و بدأت
الحوسه .. صاحبي مصر على الضيوف يطلعون و انا اقول له اتركهم لان السواق حقنا مشى و قال تروا الشرطه راحوا للضيوف و دار بينهم
حديث و اخذوا منهم اكراميه و لكنهم راحوا و ركبوا في سياره و ينتظرون في الزاويه .. فالحل ان يروحون الضيوف لمدة نص ساعه
و بعدين يرجعون و بيدخلهم لحارس ..
دفعوا 200 درهم للعساسه .. اووووووووم الحاله .. وخذ و هات و الحارس يدق علينا باب الشقه .. قسما بالله وقف قلبي .. فتحنا طبعا
وقال لنا عاي بيدخلون لكن يروحون و يلفون شوي و يرجعون و حاضر ادخلهم .. وراح منا و اختفى هو و السواق و قفلوا جوالاتهم و قعدنا بها
طيب اش السواة .. خويي متحمس و اعصابه شاده شوي وقال انا بانزل لهم .. حاولت امنعه لكن على خبركم .. العلوم صارت في اتجاه آخر
الان .. يعني ما عاد يفكر بعقله .. نزل و غاب عني 20 دقيقه .. وانا على اعصبي و شوي و هو يكلمني و يقول انزل لي انا تحت في البدروم
و مضيع ما ادري كيف اجي للشقه .. يا لهوي .. وش هالشغله .. نزلت لاني انا الخبير بالطرقات و المداخل و المخارج و المفاجأة انا الضيوف
معه في البدروم .. البطل دخلهم من الباب الخلفي للعماره .. بالصدفه كان مفتوح و لا عنده ابن امه .. قلت يالله شويه شويه الى ان وصلنا
الشقه .. بس والله الاعصاب كانت متشنجه .. بعدين كلمنا السواق وقال تروا العساسين طالع نازل مع الشارع فانتبهوا .. قلت له خلاص
الضيوف راحوا و احنا بننام .. . وبعدها قلت لصاحبي
انسى انا نجيب احد هنا نهائيا و بكره بنطلع ما فيها كلام .. انتهى النهار كالعاده بس كنت حريص على ايجاد سكن مناسب و فعلا توفقنا
في فله في نخيل الدرقاوي بس مالها علاقه بالبوابات .. هي تجي في قصر القولف Golf palace و قريبه من النرجس و القولف و المطام والفندق
اللي هناك و فعلا فله رائعه بمعنى الكلمه .. شي محترم من جميع النواحي .. حجزنا و دفعنا و رجعنا للشقه و خلينا ذيك الليله راحه لجميع الفرق
نمنا و صحينا بدري رحنا افطرنا في المقهى
طلعنا من الشقه و رحنا للفله في القولف بالاس .. وخوينا الثالث جاي من الرياض .. ارسلنا له سياره وبنفس السعر 1100 و الفله الجديده ب 4200
و ضبطنا الكبسه لبعض الناس اللي قابلناهم اليوم وطلبوا منا الكبسه .. وصل خينا و جوا بعده الناس .. اخذوا تاكسي الى عند باب القولف
لكن لانهم لم ينسقوا معي في كيفية الوصول دخلوا مشيا على الارجل و سألهم السيكيورتي وانواع التلخيق .. اللي تقول للمطعم و الي تقول
للصاله الرياضيه و لخبطه .. بس قرروا انهم يدخلون و خلاهم و قابلتهم و السيكيورتي يمشي جنبنا بس سفهته و لا طالعته اصلا .. و على الفله
و احلى كبسه .. لكن كنا محتاجين الى شخص ثالث .. بس ما تيسرت اموره ..
و ع الصبح صحينا لان الناس اللي معانا وراهم شغل و لازم يروحون .. المهم هنا ما كان فيا اتفاق بيينا وبينهم .. وقسما بالله ما طلبوا منا ولا شي
بس قالوا لنا عادي حنا اهم شي عندنا الفله و الكبسه و السهره الحلوه .. راحوا
ورجعنا ننام و بعدها انطلقنا للقاءلا الحلوه اللي نسويها يوميا ي بعض المقاهي .. اكمل في الحلقه القادمه .. الى اللقاء
التعديل الأخير تم بواسطة روداني ; 2013-03-03 الساعة 03:56 PM