فلل في اغادير

عزتيلك

مزعوط جديد

المشاركات: 11

تاريخ التسجيل: Mar 2012

2013-03-22, 01:37 AM

المشاركه #1

فلل في اغادير

السلام عليكم ورحمه الله وبركاته
يا اخوان ابي سكن في اغادير فله او شاليه .
اشوف كل الاخوان ع اماديل وصحارى والمارينا

طيب ما فيه غيرها .. ؟؟

مستزعط

مزعوط جديد

المشاركات: 29

تاريخ التسجيل: Mar 2013

2013-03-26, 10:28 PM

المشاركه #2

رد: فلل في اغادير

مسيت بالخير

أخوي بعيد عن الفلسفه أبي أوضح لك نقطة تعرف المثل الي يقول ( خلك على قردك لا يجيك الي أقرد )
أنا بأعطيك أسامي فنادق و شاليهات بس الا الأن ما جربتها .......... انشاء الله في روحتي الجايه بأجربها و أفيد الأخوان فيها

أول شي راح اتكلم عن الفنادق الي ذكرتها بواقع تجربه

صحارى
له ميزه ما تحصلها بأي فندق في أغادير أو ممكن المغرب كما يقول البعض ........
1- ما راح تحتاج لسيارة كل شي قريب عندك, الفندق في فيه السهرات و البقاله و المطاعم وفيه محلات مسافة مشي توصل عنده مثل مطعم اسماعيل والمجمع الي عنده ,
لدرجة أعرف ناس يرحون لأغادير يدخلون الفندق ما يطلعون منه الا ع المطار .
2- من ناحية الأريحيه من ناحية الصوت ما راح تواجه فيه مشكله الا من ناحية انك يمكن ما راح تقدر تنام و دخول اصحابك من خارج الفندق معك فوق .

و الأن مع العيوب ............ هههههههههههههعععععععععععع ععععععخخخخخخخخخخخ
ترا هذي ضحكه شريره

1- ما تدخل معك الفندق العصيرات و نحوها الا من اول مره يعني المره الثانيه راح يوقفونك يقولون لك ممنوع ( طيب كأنهم يبيعونه في الفندق ) ما علينا .
2- التعامل من قبل الموظفين في الفندق سيء للغايه .
3- ازعاج ............ بعض الأحيان يمكن ما تقدر تنام .
4- البخشيش لا يوقف .
5- السيفتي بوكس روسومه خارج رسوم اجار الغرفه .
6- سعره غالي يعادل سعر سويت في الفنادق الثانيه .
7- بوابة الفندق قمة المعانه من قبل الأمن و اهل المساكين ..... بالعربي جمهره عند البوابه .

أماديل
مزاياه
1- نظيف , غرف ممتازه , شاطيء .
2- الموقع .
3- متوفر به السهرات و الخدمات .
4 - التعامل الراقي لارضاء الزوار .
باختصار فندق روعه

لكن يعيبه حاجتك للسياره

المارينا
الميزه
1- التعامل + الخدمة .
2-موقعه الهادي البعيد عن ضوضاء المدينه .
3- موقعه بالمارينا قريب من عندك الكورنيش , المطاعم , الكافيهات , الأسواق , تواجده بالمرسى , قربه من سكاي .......
4- تدخل معك كل ما يحلو لك من الأطعمه و المشروبات .
5- وجود المطبخ بجميع الغرف .
6-غرف مرتبه و ممتازه .
7- قد تستغني عن السياره لوجوده بالمارينا الرائع , أروع مناطق أغادير .

ندخل في العيوب :
1- ما يسمح لك تدخل اصحابك من خارج الفندق (شباب و ضيوفهم ) , فاذا بغيت تجي مع اخوياك للفندق اسكنوا في عماره وحده .
2- مسموح تدخل الضيوف بس بيوقون لك في سالفة الساعه 7 ص مايدخلون بعدها ضيوف اكثر من اي فندق ثاني .
3- البعد الأماكن المعني لها ... ( السهرات ) .

و أسفين أخوي ع الاطاله

والأن يشرفني أقدم لك اسامي بعض الفنادق و الشاليهات
لكن ترا ما لي ادنى فكره عنها بأعطيك الأسامي و الروابط :

1-فندق السوفيتيل
https://partners.splendia.com/en/hotel?hotel_id=47988&datestart=11/05/13&dateend=12/05/13&aftrackid=A741&aftrackmedia=ws-shopbots&utm_source=hotelscombined-com&utm_medium=partner-cpa&utm_campaign=generic&utm_content=t:ws-shopbots_s:&utm_term=g%3Ahotel_p%3A47988_t%3A0_f%3 A0&currency=SAR

أتلانتيك باليس
Agadir accommodation in Agadir. Discount Agadir accommodation Atlantic Palace

رويال أطلس
https://www.getaroom.com/hotels/roya...lscombined.com

ايبروستار فونتي بيتش
Booking.com: فندق Iberostar Founty Beach, أغادير, المغرب - 418 آراء النزلاء. احجز فندقك الآن!

ريد فيلا بلانتشي
&#8594 Hotel Riad Villa Blanche - Booking Hotel in Bay of Agadir - Agadir

و اخر واحد نظام فلل ..............

واسفين ع الاطاله أخوي و اعذرنا ع القصور و اتمنى اني أفدتك لو شي بسيط

ولد جدة

فلل في اغادير

المشاركات: 2,252

تاريخ التسجيل: Feb 2013

الدولة: السعودية

2013-03-27, 11:56 PM

المشاركه #3

رد: فلل في اغادير

الاخ مستزعط افادك بالمفيد
لكن من وجهة نظري المارينا افضل
يقول المثل وش حدك على المر الا الامر منه
تروح وترجع بالسلامه
تحياتي

التعديل الأخير تم بواسطة ولد جدة ; 2013-03-28 الساعة 12:00 AM

same

مزعوط مبتدء

المشاركات: 48

تاريخ التسجيل: Sep 2011

2013-03-28, 03:58 AM

المشاركه #4

رد: فلل في اغادير

الفلل في اغادير ماتصلح

أهنجار خليجي

مزعوط خبير

المشاركات: 6,943

تاريخ التسجيل: Feb 2011

2013-03-28, 12:27 PM

المشاركه #5

رد: فلل في اغادير

اخي الكريم

سياسة المسؤليين في اغادير

تجبر الخليجيين على الفنادق فقط

واذا مسكوك بمكان اخر سواء شقة او فيلا

دفعوك فليساتك واللبيب بالاشارة يفهموا

فلا تغامر على حساب نفسك

انت تسكن في فندق وما تسلم من شرهم

فتخيل ماسكينك بجريمة الله يلطف فينا وفيكم

__________________
اااه من قلبن جزوع نهيته ولا طاع ** يجوز لاجازت الشمس عن مطلعها

مراكش القلب يمك وفيك مطواع ** تزين فيك أحلام حياتي مع تطلعها

: (720):

المواضيع المتشابهه للموضوع: فلل في اغادير
الموضوع	آخر مشاركة
اغادير 18 نوفمبر في اغادير الحبيبة	2015-11-09 04:14 AM
كم يكفيني يوم في اغادير ؟؟؟ ياخبراء اغادير	2012-06-12 11:37 AM
اشارة لموضوع الاخ الغالي Bianconri_q8 " اغادير و يا طلابة اغادير .. تحلطم "	2012-05-17 08:29 PM
اغادير و يا طلابة اغادير .. تحلطم	2012-05-11 09:07 PM
للمسافرين الى اغادير ؟؟؟؟ الوقت المسموح بين الرحلة الدولية ورحلة اغادير كم ؟؟؟	2011-05-22 02:06 PM

عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب

فلل في اغادير

روابط سريعه

الذين يشاهدون محتوى الموضوع الآن : 1 ( الأعضاء 0 والزوار 1)