يعطيكم الف عافية يا مزاعيط على الموقع
بجد استفدت كثير كثير .. جالس اربع ايام اقرا فيه واخذ معلومات
حمستوني كثير فقررت وعزمت اني اسافر المغرب
كلمت ثنين من الشباب وقالوا قدااام دربك خضر.. طبعا كلنا ولا مره سافرنا للمغرب فوكلوني انا امير الرحله
السفره بتكون 10 ايام في اول شهر 5 حطيت ميزانية 15-20الف غير شامل التذكره
التذكره على الاتحاد بـ 2700 ريال دمام ـ ابوظبي - كازا ونفس طريق العودة انتظار ساعه في ابو ظبي
( هل يمديني امر سوق الحره لأشتري غرض سريع ولا ما بلحق؟)
عزمنا على مراكش 6 ايام وبعد التحري تم الحجز لدى الدرقاوي دوبليكس 3 غرف دورين وصالتين مع خادمة بـ 2800 درهم الليله
ودنا في اخر ثلاث ايام ناخذ فيلا في اي مدينة مجاورة وتكون فيلا وسيعة صدر وتكون مع ملحقاتها وعلومها زينه وامن وامان مثل ما يقولون انا كنت افكر بالرباط سمعت عن حي الرياض ومكان على البحر اسمه هرهوره اذا ماني غلطان بس للأسف محد افادني في هالموضوع ياريت لو تتكرمون وتساعدوني ...
رجاء اللي عنده نصيحه او اي ملاحظات على اي شي في منهج السفره يتكرم علينا ويفيدنا ارقام سواقين ارقام فيلل اي شي لأني والله اني على عماها قررت وعزمت وحجزت كل شي في اقل من اسبوع
عذرا على الاطاله ... تقبلوا مروري :)