قصه غريبه حصلت لصديق في كازا

هذا واحد من الزملاء أسمه خالد سافر لكازا وطلب مني الشقه حقتي طبعاً هو أول مره يسافر للمغرب عطيناه التعليمات والاماكن الي يروح لها وبلغنا الخدامه والسواق ينتظرونه في المطار طبعاً اخونا وصل للمطار ولما طلع من الصاله كان بصحبته واحد تعرف عليه في الطياره حملوا الشنط واتجهوا للشقه كلمتني الخادمه وقالت انهم شخصين كلمته وش السالفه من الي جاء معك قال هذا واحد زيي ما يعرف احد واول مره يجي المغرب قلنا اوكيه المهم انبسطوا وكل شي تحتاجونه بلغوا السواق يجيبه لكم الى الان وكل شي طبيعي اليوم الرابع قام الشخص الي تعرف عليه خالد في الطياره وطلع مع الطير حقه الساعه السابعه والنصف صباحاً لما سالته الخادمه وين رايح قال قريب وبنرجع المهم ساعتين ولا اخونا جايب معه كيس فيه اغراض وعلى طول دخل غرفته وجلس شوي وطلع مره ثانيه خارج الشقه ورجع مره ثانيه لما صارت الساعه التاسعه مساءً إلا الشرطه على الباب من حسن الحظ انا الشقه ما فيها طيور فتحت الخدامه الباب دخلوا ثلاثه وهات ياتفتيش حصلوا الكيس تعتقدوا وش حصلوا فيه.... حصلوا حشيش المهم اخذوا صديقي خالد ورفيقه والخدامه على القسم وتحقيق وبهذله اتصل علي خالد على الجوال وبلغني السالفه كلمت واحد من المغاربه الي اعرفهم وماقصر الله يجزاه خير والحمد لله انتهت السالفه ... نرجع لبداية القصه كيف وين حصل الحشيش هذا اخونا لما راحوا للمرجان عشان يشتروا اغراض تعرف على طير هناك اخذ رقمه واتصل عليه وعزمه في الشقه بعد السواليف طلب الطير انه يدخن حشيش دخلوا الغرفه وهناك تم الاتفاق ان بكره الصباح نروح لواحد يبيع حشيش ونشتري منه كميه تكفي السفره كلها وصديقي خالد ياغافل لك الله مايدري عن شي لما راحوا للشخص الي يبيع الحشيش واشتروا منه كانت الشرطه تراقب المروج او متفقين معه ما ادري بس كيف راقبوه لين رجع للشقه واعرفوا الشقه في اي طابق وكم رقمها هذا سؤال يحتاج إجابه .... على العموم انا بلغت صديقي خالد انه يعطيه شناطه ويطلعه من الشقه.... الفايده من القصه هذي الي قلتها لكم مو للتسليه ولكن عشان الواحد ينتبه من الشخص الي جاي معه وخصوصاً اذا تعرف عليه في الطياره انت ماتعرفه بس مجرد سوالف طريق كيف حكمت عليه انه انسان نظيف