اول روحة للمغرب وشكلها الاخيرة

راح ترجع غصبن عنك هههههه رغم كل السلبيات

اخوي خالد انت شكلك من الناس اللي ماينام فالطياره انا معك ان اسهر اذا زاد عن حده يعكر مزاجك وتقفل اخلاقك لكن الصبر زووووووين
لكن بالنسبه لصرف العمله انصحك ماتصرف من هنا ولاتصرف من المطار ديالهم افضل صراف مر علي يوجد في كازا في باب مراكش اسعاره ممتااااااازه يوجد في نهاية السوق اسمه والله ناسيه لكن اللي شغال فيه رجال ومعه بنته وانا لي اكثر من ست سنوات ما اصرف الا من عنده مع العلم اني مجرب الصرف هنا وفي مطارهم وفي البنوك عندهم
افضل صراف هذا

__________________

قريت موضوعك و بصراحه خويكم هو اللي دخلكم في هذي الدوامه

المغرب فيه استغلال و الكل يبي منك هذا الشئ صحيح لكن محد ياقدر ياخذ منك شئ غلط

ترتيب الرحله كان العامل المهم في نجاح رحلتكم

بالنسبه للمطار المضايقات هذي الكل يعاني منها لكن طالما وضعك في السليم خلك اذن من طين و اذن من عجين


الشئ الثاني انتو رحتوا مراكش واتوقع انكم سكنتو في النخيل بصفه عامه هذيك المنطقه اصبح وضعها لا يطاق بسبب الخرفان

و السواح اللي جو قبلكم و كان الافضل ان خويكم يختارلكم سكن بعنايه عشان ترتاحون

ايضا بما ان خويكم سبق و راح كان المفروض انكم تااجرون سيارة و انا اشوفها افضل من السائح او التكاسي


عل العمووم اذا قررت الذهاب للمغرب مره اخر اتمن انكم ترتبون رحلتكم بشكل سليم حتى لا تقع ضحيه استغلال

اما من ناحية احترام السائح الخليجي فما هناك احترام ولا تفكر احد بيحترم غير البخشيش و الاكراميات الا من رحم ربي


لا تخافون مو كل من قالكم شئ قلتوا خلاص ما عاد تقدر تاخذ حقك اذا تخلي احد يركب ظهرك فانت تستاهل

دام وضعك في السليم خلك صارم و بطلوا الطيبه اللي هم يعتبروها انك خرووف و يقدر ياخذ منك اللي يبغى


خلوكم صارمين ولا تضحكون مع السمساره و اصحاب التكاسي خذ مصلحتك و امشي و اتفق قبل كل شئ

اللي اوله شرط اخره نور و ان كثر كلام قله عيط على البوليس ما عندي مشكله و بتشوفه يتراجع

ههههههههههه الظاهر ان هذا اللي بيصير : (434):

__________________

BB :
[]

والله ياخوك حسب .. احيانا تحس ان قلبي ميت وانام ولا عندي في اطلق مطب هوائي .. واحيانا العكس تحس اني قلق وكأني اول مره اركب طيارة : (847):
وكنا رايحين مواصلين ومفرفرين في مطار دبي الين دخنا يقالنا بنام في الطيارة بس طلع العكس ... ويمكن هذا اللي وترنا شوي وخلانا نترفز من اي تصرف طائش << حلووووة طائش مدري شلون طلعت خخخخ :D


اما بخصوص الصرف اذا الله اراد وجيت بروح وبراسلك يابطل عشان تعطيني العنوان صح ... تقبل تحياتي

__________________

BB :
[]

هههههههههههههه

الله يسلمك و دمت بود

__________________

BB :
[]

ايه والله اما خوينا عرفت انه من جنبها وانا كنت اول المطبلين له ف الاستراحة و انه من رواد المغرب وانه مقطع الديره ويعرفها شارع شاااارع : (775):
طلع الضعيّف مايدري وين ربي حاطه ..

اما مسألة ان مشكلتنا طيبين ... ف المقولة تقول : ياغريب كن أديب مانبي نخربها والا محنا بقليلن شر ... والواحد رايح يبي يستجم ويبتعد عن المشاكل قد مايقدر .. لكن اذا احد غلط عليك عيني عينك هذيك الساعة الللللللعن والد والديه <<< اوووخص يا مراد هههههههههههههههه : (741):


عموما تشكرات ع النصائح وتحياتي لك

__________________

BB :
[]

صديقك اللي من جنبها ذكرني بأول سفرات مصر الله لا يعيدها كنت انزل في السنة مرتين واشخص على العيال واعطيهم رقم السواق واعطيهم نصايح وتعليمات ومن هالتشخيص اللي انت خابر بعد سنوات اكتشف انه يبيع فيني ويشتري حسبي الله عليه : (203):

__________________
سلطان

هههههههههههههههههههههه الله يرجك يابوسعود اجل تعرف رقم سواق وصاحب الشقة خلاااااااااااص وخررررو عنه مقطع مصر ههههههههههههههههه واللي يقهر تدخل المجلس بكل ثقه



ذكرتنا يالبييييه يامصر اوووم الدووونيا سقى الله ايامهااااااااا بس: (149):

__________________

BB :
[]