|
حان الرحيل !!
السلام عليكم ...
ارحبوا يالذيابه انا عضو جديد واتشرف بالتسجيل معكم وان شاء الله نفيد ونستفيد < حركات منتديات حواء :D ----------- ياجماعة الخير وأخيرا قررت اروح المغرب ، انا انسان كثير السفر ولكن كنت دائما ابعد المغرب من الخيارات لا لشيء ، ولكن مماسمعت وقرات ورأيت حكمت على ان المغرب بلد يحتاج طقوس خاصة وترتيبات ليست كالعادة وماكنت احب لما اسافر للمغرب ويحدث شيء او مفاجأة غير سعيدة تخرب الصورة اللي رسمتها في مخيلتي لها ... بدون اطاله ارغب بشخص يكون متمكن جدا في المغرب وماشاء الله فيه هنا فطاحلة بحسب مارأيت ، ابي حد يساعدني في الترتيبات وخصوصا ان وقت السفرة قرب ( 5-5-2013 ) وللحين مارتبت بشكل كامل ... احنا ثلاثة اشخاص ، بيكون جدول الرحلة : اول يوم كازا - 4 ايام اغادير - 5 مراكش - اخر يوم كازا بخصوص كازا تم ترتيب السكن فيها وان شاء الله مافي صعوبات المشكلة كلها في اغادير ومراكش ، على كثر اللي قرأته دائما اقترب من اخذ القرار وبعدين يظهر عيب يخليني اكنسل القرار ، خلوني اخذها معكم بالترتيب : اغادير : ماكان عندي شروط في السكن الى ان عرفت ان معظمها غير امن ومعظمها لايسمح بالزوار ، وبالتالي صفيت على ثلاث اماكن ( اماديل - المارينا - صحارى ) - صحارى بحسب ماقرات وسمعت ان هالفندق بالضبط مثل فينيسيا بالبحرين ، ولا ينسكن بريال واحد والميزة الوحيدة فيه وجود افتر البارتي فيه وامان بالنسبة للزوار ، اما الغرف والتعامل كلها ماتنفع - المارينا كلن يمدحه مؤخرا ، بس مشكلته اسعاره مبالغ فيها خصوصا انها غير مبررة - باقي اماديل للي يعرف عنها ويفيدني عنها بالله ------------------------------- مراكش : الخيارات المتاحة حاليا ً : ( الدرقاوي - منتجع الزهور - جاد سكن ) - الدرقاوي ( سعره نوعا ما جيد بس يقولون كثرت مشاكله مؤخرا وبدت المضايقات ولا هو من ناحية الاسعار والامان جيد - الزهور ( امن وجديد ونظيف ومرتب بس مشاكله انه اولا بعيد وثانيا الخدمة بطيئة وثالثا ترتيبه غير جيد - جاد سكن ( ماعرف عنه شي بس كذا قريته وصرفته لكم :6b08cdd459: ) ابي معلومات ونصايح ياجماعة الخير عن اللي ذكرت لكم ، خصوصا ان احنا اول مره نروح الديرة هذي واحنا 3 سعوديين ، ( منهم واحد سعودي جدا جدا وهو اللي خايفين منه : ) الله يعطيكم العافية مقدما ً ومشكورين ماقصرتوا .................................................. ....................... |
رد: حان الرحيل !!
حياك الله يا غالي
ابشر بسعدك ما شاء الله عليك تقول ما عمرك جيت المغرب ههههههههههه ما خليت لنا شيئ نقوله لك اغادير مثل ما ذكرت اماديل يعتبر اسعارة نوعا ما زوينه واخونا محمد عاطي يفيدك فيها اكثر ------------- مراكش وصفتها صح الدرقاوي مشاكل البوابات والروز عيبة الخدمة سيئة وبطئية اما البعد فليست بالكثير وانا جاي يوم 6-5 والله محييك |
رد: حان الرحيل !!
مرحبا اخوي
انا قبل 5 ايام جيت من اغادير كنت بالمارينا انصحك فيه وبقوه خذو غرفتين وصالة وحمامين وغرفه لشخص الثالث بيطلع عليك اليوم 4300 درهم صح غالي بس يستاهل امان وتاخذ عزبتك وتطبخ وكل شي كانك في بيتك واطلالتها خيال الديره حلوه و ونيسه |
رد: حان الرحيل !!
اقتباس:
انا اشوف انك ماتروح اغادير اجلس بمراكش لان بتتعب من السفر كل شوي شايل الشنطة عندك مراكش فيها المناظر الخلابه سيتي فاطمة واجواااء خياليه ومطاعمهم حلووووه وتشوف ساحة الفناء ولاكن الله يعينك على الشحاذين ههههههه . انا لي اربع ايام راجع من مراكش وبالنسبه لجاد سكن ممتاز وامان بس لاترفع صوت الموسيقئ يعني وسط . واغادير غااليه كثيير والخيار طبعااا لك . |
رد: حان الرحيل !!
هلا اخوي..ابختصر عليك ولو انك ماشاء الله عليك من طرحك مبين عليك خبره ولو مارحت هههههههههههههههه..انا من رأي العضوchivass كل روحتك 11يوم نصيحة اخو
خلها مابين مراكش وكازا وريح بالك...واغادير شغالييييييييييييييييييين تحديات ومن يخسر اكثر هو اللي ينبسط اكثر فاهمين الشغله غلط وفيها استغلال ماله اول ولا تالي هالشي اقوله من كلام بعض الاعضاء لنا...وصدقني فيه بعض الشباب الله يهديهم ويصلحهم يكاسرون في تذاكرهم وفي سيارتهم وفي سكنهم واول ماتبدأ السهره ومابعد السهره تلقاه يدفع اللي ماوراه ودونه هههههههههههههه شوية تركيز مافيه كنترول مافيه...المهم عطيناك الزبده وبالتوفيق..تحياتي |
رد: حان الرحيل !!
اقتباس:
ترى انت بالخصوص سمعتك زي الجنية الدهب :D حيا الله ابو عبدالله اغادير والله ان مالي نفس عليها ، غاليه وصغيره وتجيب الهم ، بس ربعي مصممين قد مانقدر ان شا الله بحاول اننا مانطول فيها المهم يابوعبدالله دامك جاي بنفس التاريخ لازم نشوفك ، انت رجل مكسب الحقيقة |
رد: حان الرحيل !!
اقتباس:
حياك الله ياعسل صح كلامك السعر هو اللي لقيته سواء بالمؤيد او محمدعاطي نفس الشي مع انها غالية جدا بس اعتقد انها حتكون هي الخيار ..... شكلك من هواة الطبخ ماشاء الله :D الف شكر على الاضافة الرائعه ياغالي |
رد: حان الرحيل !!
اقتباس:
لو جات علي انا ؟ قسم بالله ما اروح لا اغادير ولا مراكش الا بس مرور الكرام ياخي المغرب انا بنظرتي هي قارة مو دولة ، بس المشكلة اللي معي : سعوديين جدا :D انا من ردود الاخوان قررت اسكن خلاص في جاد سكن ، وبكلم ابو عبدالله ان شاء الله وكل اللي قلته لي حطيته عندي بالملاحظات وبزورها ان شاء الله كلها الف شكر يابطل على الاضافة الجميلة |
رد: حان الرحيل !!
اقتباس:
الاخ الحبب zezuom كانك تقرا افكاري والله ، اكره شي عندي هالتحديات وهالجو اللي يخرب اي مكان بالعالم والله كنت اتمنى سفرتي كلها تكون بس مراكش وكازا ، وبالخصوص كازا اللي احس ان كلها اسرار تحتاج من يكتشفها .. كنت ابي سيارة وادور المغرب كلها ، كانت عندي كثير امنيات بس ولا شي منها تحقق ، احاول بهالاستفسارات الملم الباقي منها واحاول ماتخرب كلها ، اللي معي مصممين على اغادير وعلى الجو الخليجي ... . شكرا لك ، نصائحك محل اهتمام صدقني ... انت بطل |
رد: حان الرحيل !!
انا مع الاخ زيزووم
وانت ما شاء الله مذاكر كويس موفق برحلتك تروح وترجع بالسلامه تحياتي |
| الساعة الآن 06:48 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط