عروض وحجز الفلل و الشقق

السيارات شركات تأجير السيارات

تقارير سياحية

الاستفسارات سؤال و جواب


إضافة رد
مزعوط جديد
المشاركات: 12
تاريخ التسجيل: May 2013
-خالد- غير متواجد حالياً  
قديم 2013-05-19, 04:54 PM
  المشاركه #1
Talking ----------- اول رحله للمغرب -----------

:yess:اهلن:yess: اهلن:yess:

يالله ان تحييني:D:D:D

D: <== هذا الفيس بتشوفونها كثير احبه

مادري ليش وانا اكتب احس اصابعي كنها باب حديد قديم تطلع اصوات الظاهر يبيلها تشحيمD: <=== مبطي ما كتب الولدD:D:

المهم الموضوع هذا كتبته في منتدى ثاني عام 2009 وحبيت اجدد الموضوع بسبب انه قررت اروح المغرب في شهر 6 بعد غياب 7 سنين

وحبيت اجدد الذكريات في احلى رحله بحياتي واطرح الموضوع من جديد وان شاءالله تنبسطون...D:

طبعا كيف بداء التخطيط لها والمشاكل الي واجهنها في المغرب كلها راح اشرحه لكم

(( لناطقين بغير النجديه تحميل ملف الترجمه اسفل الموضوعD:D:))

لالا امزح بترجم لكم D:D:

بدا ذي بدا <== من زمان ونا ودي اقولها واطلق اللغه العربيه التي بداخليD:D:

<== ترى ما يدري وش معنها بس اعجبتني :D

المهم بداية التخطيط كان فوق دكه:D ( دكه = منطقه تشبه البلكونه بس ارضيه ) <== بيروح المغرب ويخطط لها فوق دكه والله من زين التخطيط :D:D

في مزرعه عمي طبعا كانت عزيمه وجمعتني مع ولد خالتي الشرير واسمه بندر ومنها بداء التخطيط :D

<== ما يجتمعون ذولا الا وراهم مشاكل :D:D

طبعا كنا منسدحين اخر الليل في جو شاعري يتخلله اضواء النجوم المتلائلئه في كبد السماء:D

وخيوط دخان معسل توت يخرج من شفتاي وتداعب وجنتاي <=== الا والله براطم قال شفتاي قال:D

و بعض القطواه تدور علينا مادري شايفينا علبة تونه ولا افخاذ دجاج ..

المهم طبعا في الجو الشاعري هذا بدينا نسولف ونطلع مافي جعبتنا من كذب تعرفون السوالف الصدقيه خلص

قمنا نكذب على بعض يقالنا راعين رومنسيه و مناظرخلابه :D وانا اقوله الشروق احلى وهو يقولي الغروب احلى:D

وفجاءه جاء طاري المغرب حسيت انه ضربني كهرب لدرجة انه لو امسك لمبه ولعت ..

انا للحين ماينب عارف وش دخل المغرب في الشروق والغروب والدكه والقطاوه ؟

ما علينا المهم قالت له انا عندي هدف ولازم اسجله:D ااااقصد لازم احققه:D <== باين انه موب راعي كوره ابد :D:D

قالي ولد خالتي وش هدفك؟ قلت دبل كيك خخخخ :D:D <== بدت البثاره عاد

( البثاره = مالقيت لها ترجمه بالقاموس العربي شكل اصلها يونانيD: ) <== توهق ما يعرف كيف يترجمها وصرفهاD:

قلت له اني ابي اروح المغرب ابي اروح لديره الي كل الناس تتكلم عنها طبعا متى وكيف نروح المغرب

وعلى ايش بنروح باخره ولا طائره شراعيهD: اهم شي اني بروح لو اجيب خريطه وحطها في الارض ووقف فوق المغرب بس اروح.D:D:

بعدين جاء عمي فجاءه وهو الي يطلع السيف من غمده ويقولنا وجع وجع ثكلتكم امهاتكم تشيشون يا كلاب ....

وحنا ما تشوف الا غبارنا حتى القطاوه سبقنها من السرعه...

بعدين تفرقنا وبعد كم اسبوع نسيت الموضوع

وفي يوما جميل مشرق تسمع فيه زقزقة العصافير واشعة الشمس الذهبي تداعب وجنتاي <==== اتحدى اذا يعرف وش قاعد يقول :D

اتصل علي ولد خالتي قالي خالد ابشرك تراني حجزت على كازا:D

حسيت يوم قالها انه خنقتني العبره من والوناسه واخذت عيناي تذرف الدموع فرحا كني ام عروسه فرحانه ان بنتها بتتزوج

قالي حجزت انا وفهد:D <== وقتها حسيت اني مكامله لم يتم الرد عليها <== تشبيه قاتل:D

مرت لحظات صمت .... انتظر يقول انا وانت وفهد ...رجعت وقلت له انت ومين ؟:D

( قلت يمكن انه قال اسمي بس ما سمعت زين ) قال انا وفهد !!!

بعد كذى تاكدت ان اسمي مو موجود على قائمة المسافرين في متن الخطوط ؟؟

وقتها حسيت اني اي شي الا انسان ؟؟

قلت له بندر .. ضوء القمر .. دخان المعسل الي يداعب وجنتانا ... طيب ياخي عمي يوم يلحقنا بالعصى ؟؟ ما تذكرك بشي ذولي:ang:

قلت له لعنبو بليسك ولد خالتك جحدتني على طول وهذا وحنا قضينا لليله شاعريه تحت اضواء القمر لين لعب فينا النامس من كثر التقرص

حتى ان امي يوم شافتني تغطت عني تحسبني واحد ثاني والسبب النامس

( النامس = عباره عن ديناصور صغير مره:D يطير وتعض عضا مبرحا:D (الباعوض) ) <== لا بالله شرح لكم:D:D

قالي احجز انت من الرياض قلت معصي انت وجهك انت احجز لي :ang: .

تدري انه ممكن من الفرحه اقول لراعي الحجز ذهاب بدون عوده ما اقدر امسك نفسي:D

طبعا هو في الشرقيه وعلى باله اني بطلع لحالي بطياره من الرياض وهو بيطلع من الشرقيه :D

قايلكم ولد خالتي اشك انه يقرب لي:D عقب احداث المستشفيات الي صارت في السعوديه :D:D

اذكر مره كنت انتاول انا وخالتي قدحا من القهوه بنكهة الهيل :D في اخر انهار من على شرفت الصاله:D <== اما شرفه يبيلها :D

قلت لخالتي بقولك شي بخاطري:D .. انتم تاكدتو من بندر لا يكون غلطانين فيه مع واحد ثاني.؟؟:D:D

عائلتنا كلنا عيونا زرق وشعورنا شقر وبيض :D وولدك ذا قزم ودوب وسود و وشعره فلافل :D:D

بس الشهاده لله عيونه زرق كنه عيون قطط تنور اذا ضربها النور :D:D

:D<=== يقول احس اني خربت نسل ولد خالتي بتوصيف ذا خخخخخ :D

:ang:<== طبعا ما راح اقولكم ان خالتي سوت تحديد الكل وكل شي حولها صار يلحقني فناجيل ودلة القهوه وجوالها :D

المهم قلت له احجز لي انت وراسك كنه قنديل البحر :D. مانيب رايح لحالي لو تنقز لكازا وترجع

طبعا للحين باقي شهر على الرحله بس وكل الي سوينها اننا حجزنا على كازا تذاكر :D

وش بنسوي هناك وين بنسكن في المطار ولا بس بنختم جوازتنا اننا جينا المغرب ونرجع للحين مافي شي واضح :D

بعد كم يوم اتصل علي وقالي فيه مكتب يسوي حجوزات وسكن وكل ابو شي بس رح له وخذ منها 10 ايام سكن وتذاكر .

قلت له طيب وفعلا سويت كل الامور من حجوزات وكل شي وحجزت السكن وخذت الفوتشر

وانا البسمه من الوناسه ماخذه لفه على راسي كل من شفته اعطيه بسمه وضحكه

:D <== احس ان نفسي مفتوحه ذاك الوقت لكل شي :D

وكل يوم اصحى قبل اروح الجامعه اناظر التذاكر اسوي اعادة شحن لين تصير البطاريه ممتلئه :D:D

حسيت اني في اذك الوقت جبت احسن الدرجات في الجامعه لدرجه اني بغيت اصير عميد الجامعه:D

بعد كم يوم جاء اليوم الموعود .... الي هو يوم السفر جاء بندر وفهد لرياض :D <== بدى يذل ولد خالته

وتعشينا وتفاجائنا ان فهد ما عنده ولا بدله ويبي يروح بثوب طبعا قلت لبندر : انت قلت له بنروح المغرب ولا بنروح مضارب الباديه ؟

والله وناخذه لسبلاش ونركض ركض في العربيه كل شي نحطه من زواد العجله الي فينا تفاجائنا عند الكاشير

اننا ما جبنا له ولا جينز كل الي اخذنها تيشرتات :D تخيلو بس تيشيرت وسروال سنه في المغرب وقاعد يتمشى في الكرونيش:D <== ابو سروال وفنيله غزى المغرب :D

وبعدين رحنا البيت نجهز الشنطه حقته طبعا شنطتي لها شهر جاهزه حتى انه صار عليها غبار :D :D

وعلى طول ادق على ولد اختي اقوله تعال ودنا المطار

طبعا الرحله الساعه 5 الفجر وحنا من الساعه 12 في المطار :D <=== لا عاد يسافرون ذولي ابد :D

حتى ان حق البوردينق يقول عسى ماشر لو هي رحله لشرقيه ولا لجده كان ما جيتو الا قبل الاقلاع 5 دقايق :D

طبعا مطار الملك فهد اخذنها رايح جاي يقالنا نضيع وقت حتى اني صرت مع الشرطي اكتب المخالفات حقت السيارات:D واعلمه اقوله شف ذا ماوقف زين عطه مخالفه :D

جينا الساعه 3 ونص وكنا اول ناس طبعا وحاطين شناطنا عند المدخل بحكم انه ما كان فيه الا احنا حتى ان الطياره ما بعد طارت

الظاهر من المغرب الي بتاخذنا :D بس تعرفون شي تتمناه وفجاءه لقيته متحقق :D:D

خلصلنا امورنا كلها ورحنا عند البوابه ننتظر متى يقولون اقلطو لطياره :D وصلينا الفجر يوم خلصنا الا وهو يعلن عن موعد الرحله

وتوكلنا على الله وركبنا الطياره...:D



انتهاء الجزء الاول انتظرو الجزء الثاني واحداثه:D:D:D
رد مع اقتباس
 الصورة الرمزية ابو تولين
Directeur
المشاركات: 3,854
تاريخ التسجيل: Jun 2010
الدولة: مراكش
ابو تولين غير متواجد حالياً  
قديم 2013-05-19, 05:37 PM
  المشاركه #2
رد: ----------- اول رحله للمغرب -----------

ههههههههههههههههه حلو التقرير باين من كتابتك هذيك الايام اثار الزعطه


وياكثر الفيسات في موضوعك خفف منها شوي هههههه

متابعين
رد مع اقتباس
 الصورة الرمزية جنوبية
مزعوط ذهبي
المشاركات: 1,005
تاريخ التسجيل: Dec 2010
الدولة: عالمي الخاص
العمر: 29
جنوبية غير متواجد حالياً  
قديم 2013-05-19, 06:03 PM
  المشاركه #3
رد: ----------- اول رحله للمغرب -----------

اقتباس:
المشاركة الأصلية كتبت بواسطة -خالد- مشاهدة المشاركة
:yess:اهلن:yess:




وتعشينا وتفاجائنا ان فهد ما عنده ولا بدله ويبي يروح بثوب طبعا قلت لبندر : انت قلت له بنروح المغرب ولا بنروح مضارب الباديه ؟


وبعدين رحنا البيت نجهز الشنطه حقته طبعا شنطتي لها شهر جاهزه حتى انه صار عليها غبار :D :D




:D:D:D

ههههههههههههههههه


يسلمووووو التقرير حلو يا اللله كمل متابعك
: (777):
__________________
بمزاجي اضحك واندمج بالطيش مرآت
بس العقول الرآإآقيه احترمهـــــآ
مااحتآإآج اسلــوب متكـلف ولا اثبت وجودي بنكآإآت
طبعي بســـيط
وفيني ثقه امشيهآآ تحتويني واحتويهآآ


رد مع اقتباس

المشاركات: 2,180
تاريخ التسجيل: Feb 2012
الدولة: فُيُ ركُنيُ آلهآديُ
ADMNTK غير متواجد حالياً  
قديم 2013-05-19, 06:12 PM
  المشاركه #4
رد: ----------- اول رحله للمغرب -----------

مقدمه جميله وبدايه موفقه
وروحك المرحه اعطت للتقرير بعدآ آخر استمتعت بالسرد والوصف والتشبيه فـ ثنايا التقرير
سجلني من متابعينك ومازلت اطمع بالمزيد
تحياتي لك
__________________
رد مع اقتباس
 الصورة الرمزية مشعلووه

المشاركات: 3,127
تاريخ التسجيل: Apr 2013
الدولة: KSA
مشعلووه غير متواجد حالياً  
قديم 2013-05-19, 06:13 PM
  المشاركه #5
رد: ----------- اول رحله للمغرب -----------

ههههههههههههههههههههههههه هههههههههههههههههه



طبعا مطار الملك فهد اخذنها رايح جاي يقالنا نضيع وقت حتى اني صرت مع الشرطي اكتب المخالفات حقت السيارات واعلمه اقوله شف ذا ماوقف زين عطه مخالفه


اشكرك على التقرير الحلووووو ياحلووو
__________________
‏هلا بالصمت دام الصمت ما يجرح مشاعرنا.
رد مع اقتباس
مزعوط نشيط
المشاركات: 138
تاريخ التسجيل: Jun 2011
fasal2000 غير متواجد حالياً  
قديم 2013-05-20, 01:51 AM
  المشاركه #6
رد: ----------- اول رحله للمغرب -----------

ههههههههههههههه

143 فيس وايقونه بموضوعك

اعتقد انك بتدخل موسوعة جينيس للارقام القياسية

تروحون وترجعون بالسلامة
رد مع اقتباس
مزعوط جديد
المشاركات: 12
تاريخ التسجيل: May 2013
-خالد- غير متواجد حالياً  
قديم 2013-05-20, 11:44 AM
  المشاركه #7
رد: ----------- اول رحله للمغرب -----------

اقتباس:
المشاركة الأصلية كتبت بواسطة مصطي مشاهدة المشاركة
ههههههههههههههههه حلو التقرير باين من كتابتك هذيك الايام اثار الزعطه


وياكثر الفيسات في موضوعك خفف منها شوي هههههه

متابعين

:yess: اهلن :yess: اهلن :yess: مصطي

الله يحلي ايامك حبيبي ... اي زعطه الا منبرش يا رجال من الوناسه كني اسامه المولد :D


بعدين انا ما اقدر اعيش بدون فيسات احس انهم عيالي :D:D

الله يسلمك حبيبي على المرور وبشر بالي يسرك :D
رد مع اقتباس
مزعوط جديد
المشاركات: 12
تاريخ التسجيل: May 2013
-خالد- غير متواجد حالياً  
قديم 2013-05-20, 11:45 AM
  المشاركه #8
رد: ----------- اول رحله للمغرب -----------

اقتباس:
المشاركة الأصلية كتبت بواسطة جنوبية مشاهدة المشاركة
ههههههههههههههههه


يسلمووووو التقرير حلو يا اللله كمل متابعك
: (777):
:yess: اهلن :yess: اهلن :yess: جنوبيه

الله يسلمك ويسعدني تشريفك
رد مع اقتباس
مزعوط جديد
المشاركات: 12
تاريخ التسجيل: May 2013
-خالد- غير متواجد حالياً  
قديم 2013-05-20, 11:48 AM
  المشاركه #9
رد: ----------- اول رحله للمغرب -----------

اقتباس:
المشاركة الأصلية كتبت بواسطة ADMNTK مشاهدة المشاركة
مقدمه جميله وبدايه موفقه
وروحك المرحه اعطت للتقرير بعدآ آخر استمتعت بالسرد والوصف والتشبيه فـ ثنايا التقرير
سجلني من متابعينك ومازلت اطمع بالمزيد
تحياتي لك
هلا وغلا :yess: اسمك صعب بصراحه :D

تذكرني بواحد سمى بنته ميخلاواتيقاي ولو تساله تقوله وش معناه قالك نوع من انواع الورد :D:D:D

واخرتها تطلع بقاله في اندونيسيا :D:D

معليش اسف انبرشت عليك :D

تسلم حبيبي وان شاءالله تسرك التقارير الجايه

يشرفني مرورك
رد مع اقتباس
مزعوط جديد
المشاركات: 12
تاريخ التسجيل: May 2013
-خالد- غير متواجد حالياً  
قديم 2013-05-20, 11:49 AM
  المشاركه #10
رد: ----------- اول رحله للمغرب -----------

اقتباس:
المشاركة الأصلية كتبت بواسطة سمو الذات مشاهدة المشاركة
ههههههههههههههههههههههههه هههههههههههههههههه



طبعا مطار الملك فهد اخذنها رايح جاي يقالنا نضيع وقت حتى اني صرت مع الشرطي اكتب المخالفات حقت السيارات واعلمه اقوله شف ذا ماوقف زين عطه مخالفه


اشكرك على التقرير الحلووووو ياحلووو
:D هلا وغلا سمو الذات :D

تسلم حبيبي على تعليقك وان شاءالله الموضوع يعجبك :D

يشرفني مرورك
رد مع اقتباس
إضافة رد

الكلمات الدلالية (Tags)
اول, رحله, للمغرب


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are متاحة
Pingbacks are متاحة
Refbacks are متاحة


المواضيع المتشابهه
الموضوع كاتب الموضوع المنتدى مشاركات آخر مشاركة
اكتب تاريخ اخر رحله للمغرب وكم مره رحت للمغرب مكيناش والو والو الاستراحه 28 2017-04-26 02:05 AM
عندي رحله للمغرب ابي مشورتكم algareeb قسم الاسئلة و الاستفسارات عن المغرب 23 2014-08-03 04:56 AM
رحله للمغرب الحبيب مزعوط كازا المسافرون الى المغرب 11 2013-05-18 12:53 PM
رحله جماعيه للمغرب ولد حرب صاله عشاق المغرب العامة 71 2011-02-28 11:59 AM


الساعة الآن 02:57 AM



1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81