مزاعيط المغرب - السفر الى المغرب - ^^^مزعوط صغير تايه في مراكش^^^

- - ^^^مزعوط صغير تايه في مراكش^^^ (https://www.mza3et.com/morocco18543.html)

^^^مزعوط صغير تايه في مراكش^^^

السلام عليكم ورحمة الله وبركآته

اخواني المزاعيط أحب اهنيكم اول شي على هذا المنتدى الرآئع
اللي يهتم يجميع امور السفر للمغرب بصراحه وشفافيه
^صراحه ماتذكرت غير المنتديات الشاميه << أيام الجاهليه ههههههههههههه

المهم حبايبي أبي منكم خدمه بسيطه وماراح أطول في الكلام
لأني اعرف نفسي اذا مسكت خط على الكيبورد ماعاد اوقف

^^^ والزحمه اللي فوق هذي وش تسميها ههههههههههههههههه

الموضوع ومافيه أنا مسافر يوم الجمعه القادم 24 مايو الى مراكش الحمراء
وهذي أول مره صراحه لمراكش المره اللي راحت كانت لكازا وانبسطنا جددداً بس كان كل شي مرتب قبل مانوصل

المشكله حالياً ان باقي يومين على السفر ومارتبنا أي شي
^صحيح انها فغاره مننا لاكن كل واحد متكل على الثاني وأكتشفت أن الشباب فاغرين ماسوو شي
^(فغاره , فاغرين ) << تعني مفهيين ههههههههههههههههه

اللي يهمني واللي ابيكم تخدموني السكن فقط لآآآآغير
^باقي الامور بندبر حالنا ماعندنا مشكله

أنا سمعت وقريت كثير عن النخيل الدرقاوي وروز والمنتجعات هذي
والكلام عنها كثير ناس تمدح وناس تذم

وصراحه ودي اذا أحد يعرفلنا فيلا خاصه ماتتبع لأي منتجع وسعرها مناسب يكون أفضل
^لأن جونا ازعاج وصرقعه قايلكم متعودين على (معربا) الله يذكرها بالخير
واذا مآآآفي عاد وجهوني وين أفضل مكان أقدر آخذ فيه فيلا نظيفه ومرتبه ونآخذ راحتنا بدون قلق وبخاشيش على
الطلعه والنزله
^يهمني يكون 4 غرف نوم

معلومات (عددنا 4 اشخاص , وضعنا بيتوتيين ركود مانطلع من المطار للسكن ومن السكن للمطار , والرحله قصيره ماتتجاوز 4 أيام)
عشان كذا نبي ننبسط ونبي نعيش جو المزاعيط بدون أي تنكيد في الرحله,,,

^انتظر نصائحكم وآآآآسف جدداً على الاطاله بس صدقوني لا ارادي الموضوع هذا دايم اعاني منه ههههههههههههههه