ياكرهي لوداع الاحبة
اخواتي واخواتي احم احم بغيت نقول اخواتي وخواني زعما اناثا وذكورا هههههههه
كيدايرين لباس عليكم؟ عواشركم مبروكة الله يدخل عليكم الشهر بالصحة والسلامة
قرب رمضان وقرب معه رحيلي وليت كندخل غير بالزز
حيت مانقدر نبعد على خوتي الله غالب ولكن وصلت لواحد الضيق من وقتي
لذالك ضروووري نخليكم ونقول ليكم باي باي بون كونتينوياسيون هههههههههه الا بروشين
اوى ماكرهت ندوز معكم رمضان وعارفة تا نتوما بغيتوني ندوز معكم رمضان
حيت محتاجين فقيه فرمضان ولكن سمحو لي مانقدر
حيت يوجد تا فالمغرب من يحتاج لي اكثر واكثر والديا الله يخليهم ليا ويجمعني بهم على خير
اسأل الله ان يخلي ليكم كل غالي اوى الخوت لي بغيت نقوول بلا هاد الفلسفة الزايدة هو اني بغيت نمشي وغنغيب عليكم شي شهرين ولا اكثر على حسب ظروفي
ويمكن نموت وتكون هذه اخر مرة تشوفوني فيها هههههههههههه
يالله كل واحد عصبني شي نهار ولا ضربني يطلب مني السماحة دبا ههههههه
ولامثلا اغتابني ولا نمم عليا ولا قال عني شي حاجة ماكيناش هههههههههه
صافي صافي سامحتكم سامحتكم مهما قلتو ومهما درتو الله يجعل ليكم كلشي حسنات
اخواتي كل وحدة باسمها الغزيولات الظريفات راكم كلكم دون مون كور تهلاو ليا فبعضياتكم
وتعاونو فهاد الشهر وحدة تعمل حريرة وحدة قهوة واتاي وحدة خبز معمر وحدة بغرير ومسمن وحدة فخاد دجاج اوى المهم تعاونو ههههههههه
ومايحتاج نوصيكم استغلو الفرصة فهاد الشهر الفضيل البنات
وسمحو لي الى شي نهار عصبتكم يا الفراشات الزوينات ههههههههههه
راني عارفة بعض المرات لساني كيطوال ولكن والله من حبي ليكم ولى شفتو لساني قصير عرفو اني غير كنهضر معكم بالزز هههههههههه
تيوفتي الغالية يشهد ربي ان على فراقك ما اقدر حيت كنتي ديما بجنبي
وكنتي المساندة الرسمية في كل المعارك ههههههههه
يشهد ربي اني دوزت معك اوقات خيالية كل شيء يجمعنا ههههههههه
واخواني الخايبين وتا الظرفين هههههههههههه كل واحد باسم حيت تبارك الله كثار هههههه
تهلاو فراسكم واستغلو هاد الشهر فطاعة الله
وسامحوني بزآآآآآآآآف تا نتوما الى شي نهار درت شي حاجة ماشي هي هاديك وتا نتوما شكرا ليكم بزاف انكم تحملتوني وتحملتو جنوني والاخوان الي تعصبت عليهم شي نهار ودخل الشيطان بينا كنطلب منهم يسامحوني كلهم بلا استثناء وانا راني سامحتهم من قلبي ونسيت كلشي
اوى غنتوحشكم بزآآآآآآآف حيت بالصح هذه داري الثانية ومرات نضحكو مرات نكونو جديين ومرات نتخاصمو هههههههه سنة الحياة طيب
والي غيخفف عليا توحيشكم هههههههههه هو اني غنقضي شهر كامل مع اهلي الغاليين
اوى دبا اي واحد بغى يصيفت شي حاجة لشي حد فالمغرب انا هنا ارا ليا كاش ههههههه
يعني لا اقبل اخذ شيء الا الاورو ههههههههههه والى بغيتو شي حاجة من بلادي الحبيب
امرو تدللو وانا نجب ليكم اوى شنو بغيتو؟ نادوش الغزيولة عارفاها بغات تراب بلادي انا غنجيب ليك شي خنشة عامرة بالتراب ههههههه
ونتا يا بوشعكوكة قبل مانمشي مايحتاج اوصيك الجائزة الاولى من نصيبي طبعا
ماشي مهم نشارك فالمسابقة هههههههه ولكن خصك تعرف اني لو كنت حاضرة فاكيييييد انا لي غنفوز اوى مانوصيك
اوى راني كنبغيكم كلكم خوتي تهلاو فراسكم
__________________
لو عرفت قدر نفسك عند الله ما أهنتها بالمعاصي
انما أبعدنا ابليس اذ لم يسجد لك وأنت في صلب أبيك
فوا عجبا كيف صالحته وتركتنا
ربي اغفر لي ذنبي فانه لا يغفر الذنوب الا انت
التعديل الأخير تم بواسطة مغربية مغتربة ; 2012-07-17 الساعة 02:15 PM