|
ذكـريات اجمـل رحـلة للـمغـرب ( part 6 )
الذكريات الجميلة كـ سرب من الطيور لا يمكن القبض عليها ولكن يمكنك الاستمتاع بمرورها أمامك!! ومن اجمل ذكرياتي هي هذي الرحله اللي كانت اجمل رحلة للمغرب ولعدة اسباب راح اذكرها لكم بعفوية وبدون تعديل :34: بداية التخطيط للرحله اتفقنا 3 اشخاص للسفر للمغرب واستكشاف عدت مدن علما بأني سافرت مرتين للمغرب قبل هذي الرحله والمرتين كلهم كانوا في اكادير .. وبدون سهر وفله و وناسه الرحله كانت بتاريخ 16/2/2011 ولمدة 16 يـوم.. في عز ازمة الربيع العربي وقبل سقوط نظام حسني مبارك في مصر ومع بداية الاحتجاجات اللي كانت سلميه في سوريا والمدن اللي قررنا نزورها هي = المحمديه + مراكش + اغادير+ الجديده + كازا وتم زيارة كل هذي المدن ولله الحمد تفاصيل الرحله : طبعا الحجز كان على طيران الامارات وموعد الاقلاع الساعه 7 ونصف صباحـا .. وبعد رحله شاقه 8 ساعات في الجو وصلنا مطار محمد الخامس في كازا على الساعه 12 ونص الظهر تقريبا وبعد ما خلصنا الاجراءات الروتينيه في المطار توجهنا للبوابه الخروج وكان في انتظارنا بنتين .!! : (144): البنتين من المحمديه وكانت هذي المدينه هي وجهتنا الاولى في هذي الرحله ... طبعا البنتين من طرف صديقنا اللي معانا على اساس ان بينهم معرفه قديمه .. وانهم راح يكونوا مرشدين سياحيين لنا في المحمديه هههه قالوا راح نروح المحمديه بالقطار .. واتجهنا للمحطه اللي بالمطار وحجزنا خمس تذاكر في اي بي .. وماذكر بالضبط كم كان سعر التذكره تحرك القطار وبدينا نستمتع بالمناظر الخلابه والاجواء الخياليه .. علما ان الجو كاان باارد حيل خصوصا في هالتوقيت من السنه .. برد ياعمري برد .. المهم .. غيرنا القطار في محطة كازا وركبنا قطار ثاني .. وعند الوصول للمحمديه اخذنا تكسي كبير وآخر صغير .. واخذونا البنتين على منتجع يطل عالبحر في المحمديه اسمه قلعة المنصوريه اخذنا شاليه 3 غرف وصاله بسعر 800 درهم مغربي في الليله .. :showoff: يا بلاش وهذي صورة من البلكونه .. صورتها من تلفوني : https://im33.gulfup.com/P1vPR.jpg منتجع رااايق ويطل عالبحر واثاثه كويس نوعا ما .. وجمل مافيه موقعه الاستراتيجي .. عالبحر مباشره .. بس المشكله ان توقيت السفر للمحمديه غير مناسب ابد .. لان هالمدينه جوها احمل واحلى بالصيف .. وحنا رايحين في عز البرد يعني ما تلاقي احد برا .. حتى المنتجع كان خاويي على عروشه .. طول فترة اقامتي فيه ما لقيت ولا آدمي باستثناء البوابين واللي شغاليين داخل هههه المهم يا اخوان بعد ما حطينا اغراضنا في الشاليه اخذنا ارقام البنات و قالوا لنا اذا احتجتوا اي شي كلمونا .. ولا تتردون وحنا في الخدمه .. مرت الايام في المحمديه وكنا نشعر بالملل .. مافيه غير الكافيهات و المرجان والماكدو .. بس اللي عجبني ان الناس في المحمديه مسالمين وما يكلمونك ابد .. ولا يوجد فيها شحاتين ابدا ناس محترمين بصراحه وخدومين لـ ابعد الحدود .. علما بأن كنا نتمشى في شوارع المحمديه ومعانا البنتين يعني شكلنا ملفت للنظر .. ومع ذلك ولا اي شخص تعرض لنا او حتى عطانا نضرة عدم رضا هههه قضينا ليلتين في المحمديه .. الاماكن اللي زرناها .. الماكدو و المرجان و مطعم ايطالي خطير وتمشينا في شوارع المدنيه .. اللي عجبني فيها بساطة اهلها و جوها الخرافي ونصحيه اللي يبي يروح المحمديه يروح لها في الصيف .. ما تصلح ابد في البرد وفي الحلقه القادمه ان شاء الله راح اتكلم عن وجهتنا الثانيه .. مراكش الحمرااء وفي مراكش بدأ الاكشن الحقيقي .. سوالف وعلوم وقصص حب وغرام ههه والكثير .. تابعونا |
رد: ذكـريات اجمـل رحـلة للـمغـرب
يسعدني جداااااا
ان اكون اول المارين على تقريرك والمتوقع ان يكون الافضل لمشرفنا العزيز |
رد: ذكـريات اجمـل رحـلة للـمغـرب
ولـد حـرب .. وجودك هنا هو اللي اسعدني اكثر و اهلا فيك و
يشرفني مرورك يالغالي |
رد: ذكـريات اجمـل رحـلة للـمغـرب
يسعد مساءك يا صريح , يالواضح , يالشفاف ههههه عجل علينا بالاأكشن تراني احبه و قصص الغرام و الاشواق الحيه في برد مراكش . ههههههه تحياتي لك , قبل المتابعة . |
رد: ذكـريات اجمـل رحـلة للـمغـرب
وانا معاهم سجلني من المتابعين
بس أنتبه ترا الشباب هنا ما يحبون تطول عليهم : (493): تحياتي |
رد: ذكـريات اجمـل رحـلة للـمغـرب
اقتباس:
تعلمنا الشفافيه والوضوح من سعادة معاليكم الله يسعدكم ههه شكرا لك عزيزي |
رد: ذكـريات اجمـل رحـلة للـمغـرب
اقتباس:
ابشر طال عمرك ان شاء الله كل يوم حلقه مليئه بالاكشن والاحداث المثيره : (92): |
رد: ذكـريات اجمـل رحـلة للـمغـرب
شكرا عالتفاعل يا اخوان .. وخصوصا اللي اكتفوا بالمتابعه بصمت : (155):
في اليوم الثالث قررنا حزم الامتعه و التوجه الى مراكش الحمراءء .. شعبنا استجمام وراحه في المحمديه ونبي اجواء صاخبه لان جو الهدووء والاستجمام ابدا ما يستهويني .. دفعنا قيمة الايجار لمدة يومين .. و واخذنا تاكسي كبير متوجهين للمحطه .. تلاقينيا في المحطه مع البنتين اللي كانوا معانا في بداية وصولنا للمحمديه .. و وحده منهم قالت راح اعطيكم رقم شاب في مراكش راح يخلص ويضبط كل اموركم وكلمته وراح يستناكم في محطة مراكش .. ودعناهم و شكرانهم على حسن الضيافه والتعامل .. قصينا 3 تذاكر .. درجة اولى ... وبالغلط عند وصول القطار :whoopsy: ركبنا مع الدرجه السياحيه مع انه تذاكرنا درجة اولى .. الموظف قال لنا : تذاكركم درجة اولى ومكانكم هنا غلط .. والحل؟ قال باقي 20 دقيقه ونوصل لمحطة الثانيه وتقدرون تغيروون مكانكم ... وصلنا المحطه الثانيه .. تنزيل وركوب ركاااب .. وحنا معاهم نغير المكان .. قبل لا يتحرك القطار جت وحده :angel: يعني شي ما اقدر اوصفه لكم لانها تفوق الوصف ههههههههههههه وقعدت في الكبينه اللي جنب كبينتنا ... وللعلم كل كبينه فيها 6 اشخاص وحنا كبيتنا معانا 3 اشخاص كبار في السن وكل سوالهم عن السياسه وعن الربيع العربي وانا معاهم في المعمعه واصحابي الاثنين نايمين وانا لحالي وهم ثلاثه كل واحد يطلع لي بسالفه اللي مؤيد واللي معارض و اللي محايد ويتكلمون بامور سياسيه معقده لغاية ما صرت زي الاطرش في الزفه هههه وقررت الانسحاب واستأذنت منهم ورحت اتمشى بالممر .. واذا ابي ارى ذاك الغزال يمر بجانبي .. ولسان حالي يقول : سبى قـلـبـي غزالٌ قـد رمـانــــي ... بسهـمٍ فـي حَمـــاطةِ جُلْجُلانِ وغادرنـي برمْيَته جـــــريحًا ... أُعـانـي مـن كُلـومـي مـا أعـانــي عاد وش يعني جُلْجُلانِ لحد يسألني هههههه المهم لما مر جنبي انا لساني انربط .. ما اعرفت شـ قول.!! اكتفيت بابتسامه بريئه :angel: وضليت اراقب خطواته .. وكان متجه للمكان المخصص للتدخين .. قلت في خاطري يا ولد هذي فرصتك .. : (74): وانا امشي وامشي ورايح له .. وانا في طريقي احس انه الناس تشجعني : (458): ويقولون " لا يوقفف لا يوقف .. وتصفيييق وتصفيير وحماااس :thumbup: ههههههههههه واول ما وصلت .. لقيته واقف .. يفصفص في البلاك بيري .. : (65): وان شاء الله نكمل لكم في الحلقه القادمه اليوم المساء .. وراح اذكر الحوااار والمساجله الشعريه اللي دارت بيني وبينه هههه وتحياتي لكم |
رد: ذكـريات اجمـل رحـلة للـمغـرب
شف حركات تعليق وبكره اكمل واعذروني انشغلت ما فيه
رمضان على الابواب ، يعني عجل قبل نعقد الصوم : (726): اهم شي اهم شي ، الصراحه لانها رااااحه : (138): |
رد: ذكـريات اجمـل رحـلة للـمغـرب
ياخوي الله اني رايح الخدمه دابا هههه يعني ماهي حركات تعليق ولا هم يحزنون
المسا نكمل ان شاء الله وشكرا على مرورك |
| الساعة الآن 02:50 AM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط