انت مزعوط لمغرب !! ليش ما تملك سكن؟

يبيلها مبلغ وقده عشان تقدر تشتري شقه في مكان رقي و موتر زين و تفتح مشروع عشان يصير عندك مصدر دخل هناك بلاضافه

الى دخل ثابت من بلدك في هذي الحاله اقدر اقولك اوكي وضعك ماشي تمام

طيب واللي ناوي يسوي مشروع بالمغرب من يقدر يساعده ويعطيه المعلومات الكافية عن كامل الإجراءات منها تأجير المكان ورخصة المحل والعمالة الأجنبية الخ الخ الخ

تكفون اللي عنده معلومات يفيدني لو على الخاص وبكون له من الشاكرين

__________________

حياك الله مصطي
رأي خبير ما اقدر أقول شئ
المتزوج واللي يبغى يستقر هذا أكيد لازم يكون يملك سكن
بس انا سؤالي عن الشخص اللي يسافر للمغرب اكثر من اربع مرات في السنه وتكون فترة إقامته في المغرب في كل سفره فترة طويلة
وانا اتفق معك في وجود شخص ثقه يهتم بالسكن في غيابك أو حتى تقدر تتفق مع مكتب كراء يهتم فيها وياجرها في فترة اللي ما تكون موجود فيها

الموضوع رايع وفكره جيده


انا عندي شقه بمصر ومقفله طول السنه بدون فايده والاوضاوع مثل منتم عارفين

نصيحة فكر اكثر بشراء السكن في الخارج

حياك أخوي
وهذا رأيي أيضاً
لكن لابد من دراسة الأمر من جميع النواحي
شاكر مرورك وتفاعلك

ألف شكر لك اخي العزيز
حقيقة أثريت الموضوع وطرحت كل شئ بواقعية وتفصيل
أكرر شكري لك وكل عام وانت بخير

الحين صعب انك تتملك سكن بالمغرب خصوصا المدن السياحيه الكبرى .. الااسعااار ناااار .. يمكن اغلى او تعادل اسعار العقار في الخليج

يعني مثلا شقه في مراكش غرفتين وصاله في منتجع بــ 500 الف درهم اماراتي ويمكن اكثر ..

وشقه عباره عن استديو ( غرفه حمام ومطبخ ) في دبي في المدينه العالميه بـ 140 الف درهم اماراتي

__________________
i am a very private person, yet i am an open book
if you dont ask... i won't tell

حياك اخوي اوسكار
فعلا الاسعار اذا كانت بهذا الشكل صعبه جدا
لكن اتوقع هناك حل وهو تبعد عن المدن الكبيرة والسياحية
فكثير من الاوربيين يملكون في مدن وقرى بسيطه
كالمحمدية والصويرة وغيرها

لا انصح اطلاقا بشراء شقه في المغرب (( مع العلم عندي شقه تمليك في اغادير من سنة 2006 ))

حتى لو كنت متزوج اطلق شقه تكريها مفروش في حدود 4500 درهم بالشهر ولا صداع تبعات التمليك من سنديك وضرايب وفواتير وعساس وناهيك عن اسعار التعديل في الشقه لما يعرفوا انك اجنبي الاسعار تكون دوووبل حيث هيا مرتفعه اصلا 000

اكري شقه وريح بالك ولا مرمطة التمليك حتى لو فكرت في تاجيرها اثناء غيابك سوف يدمر الاثاث ومرمطة الحصول على المبالغ سواء من مكتب او سمسار لا والف لا لشراء عقار في المغرب ناهيك عن الضريبه المرتفعه سنويا حيث انه سكن تانوي وليس اساسي وبكذا ترتفع الضريبه 0000

العقار سعره مرتفع جدا مقارنة بالسعوديه ومدخوله جد متدني في الكراء 0000