مزاعيط المغرب - السفر الى المغرب

- - استفسار عن مراكش (https://www.mza3et.com/morocco18987.html)

استفسار عن مراكش

السلام عليكم

اخواني الكرام انا حاجز للمغرب بتاريخ 27 اغسطس وحنى شخصين وعندي كذا استفسار عن مراكش ياليت تفيدوني لاني اول مره اروح للمغرب

انا راح اجلس في مراكش 7 ايام ومحتار في السكن ابغى شي امان لنا وبقدر الامكان ابتعد عن الاكراميات والغثا

من اقتراحات الي حطيتها روزقاردن / جاد سكن ايهم افضل من ناحيه الامان والسعر المناسب وياليت تعطوني سلبيات وايجابيات

وهل الافضل استاجر سياره من مطار كازا واروح مراكش ولا افضل اكون مع سواق وسلامتكم وانتظر ارائكم لاني احتاجها

تحياتي لكم

رد: استفسار عن مراكش

هلابك ياخوي .. ورحله سعيده مقدماً ..

بالنسبه لخيارات السكن أرشح لك الروز قاردن أفضل بما انه منتجع بإدارة موحده ..

والسيارة تحتاجها جداً في مراكش .. وعندك خيارين اذا انت بالك طويل وراكد استأجر من مطار كازا وسقها انت ..

واذا بالك مو طويل وتبي تريح راسك للاخر .. استأجر سيارة مع سواق يكون ساكن في مراكش ..

وبالتوفيق ..

رد: استفسار عن مراكش

اخوي مشكور على مشاركتك ولاكن لو استاجرت سياره الخوف اتعرض لكثير من المضايقات من الدرك وانت ادرى مني واعلم وش الراي وهل سعر سياره مع سواق يفرق كثير عن انا الي اسوق وثاني شي روزقاردن هل فيه مضايقات للزوار او لا

رد: استفسار عن مراكش

بالنسبه اذا انت الي تسوق التزم بالسرعه المحدده وحزام الامان ولا يركب معك احد بالسياره .. وماعليك ..

وبالنسبه للزوار بالروز قاردن امورك بالسليم ..

رد: استفسار عن مراكش

وفيت وكفيت اخوي ولاكن جاد سكن هل جربته قبل ؟ لاني سمعت عنه انه نظام شقق وامان ؟ وهل عندك خلفيه عن اسعارهم علشان اكون بالصوره لاني من مسافرين شرق اسيا ولاعندي خلفيه واجده عن غلا اسعار المغرب الحبيب

رد: استفسار عن مراكش

جاد سكن شقق وكل مجموعه عند سمسار .. بالنسبه للاسعار بالضبط لا والله ماعندي اسعارهم بالضبط ..

سكنت فيه زمان وكان وضعه كويس .. والعساسين على حسب المزاج .. مدري اذا تغير السيستم او لا ..

رد: استفسار عن مراكش

الروز قاردن حلو منتجع مغلق وفيه خصوصية وامان عالي صحيح الاسعار عالية نوعاً ما لكن يستاهل
واذا كنت لوحدك انصحك بشقق جاد بتوفر عليك كثير وبرضو حلوه وامان والسياره تحتاجها في مراكش مع السواق ولا تهتم بالدرك دامك في السليم هم يبحثون عن كل ما يحلق بالسماء
مشكلة الروز وجاد انها بعيده شوي عن صخب المدينه مثل منطقة قليز مع ان فيها شقق حلوه لكن الامان فيها الله العالم به

ونصيحتي لك تأكد واسأل عن كل شي لا توافق على كل شي على طوول واذا جيت بتسكن يفضل انك تدفع كل يوم بيومه لان يمكن ما يجوز لك الوضع وتبي تغير وساعتها بتدخل في مشاكل لين تسترجع فلوسك اذا دفعت كامل المبلغ.

واذا تبي نصيحة مني دامك لحالك واول مره

روح اغادير واسكن باطلاس مارينا وامووورك كلــــــــــــــــــها بتكون في السليم

رد: استفسار عن مراكش

يعطيكم الصحة

ايهما افضل السكن في الدرقاوي او الروزقاردن، من جميع النواحي

شكرا

رد: استفسار عن مراكش

الله يعينك على الحر

بالنسبه للسكن خابر لك سكن بنص المدينة ومافيه اي اكراميات بس برسله لك بالخاص