انا في حيرة واعرة

السلام عليكم ورحمة الله وبركاته اخواني انا قررت السفر للمغرب ولي اول مره طبعا وحداني زي العاده لانها هي الخيار الوحيد امامي ولا انا من رواد مصر ربي يرجعها بي السلامه المهم حجزت وتاكد الحجز على كازا ولكن بعد قراءة مواضيع كثيرة خوفني من كازا وقررت اتجه الى اقادير بس ماخفيكم الى الان متردد هل اذهب ولا الغي الحجز من كثر ماقريت عن المغرب من السالبيات والمشاكل والواحد رايح يرتاح مو رايح يدور المشاكل مع العلم اني احب الهدواء والطبيعه والوجه الحسن واكره الازعاج ابي من اهل الخبره والي رجع قريب من المغرب هل اذهب ولا اكنسل الرحله مع جزيل الشكر للجميع

روح واتوكل علي الله ادعس
بتندم علي كل سفره سافرتها لمصر وتركت اكادير

اذا اول سفره لك الله يعينك ..

لان حتى الي دايم يسافرون تصير لهم مواقف نص وتعكر صفو رحلتهم ..

رحلة موفقه

راح تحصل تعكير اول ماتنزل من المطار يغثونك مو باقي الا يدخلون بشنطتك بس عادي طاف

راح تصادف واحد يضحك بوجهك راح تقول في نفسك والله طيب يقترب منك اكثر ويسلم عليك ثم يقول ابي بخشيش سلمت عليك عطني بس عاااااادي عطهم طاف

مرة بالمطار طلبت قلم من شخص لابس بدله كاشخ قلت لو سمحت قلم قال طبعا تفضل

اخذت القلم بس اكتب اسمي ورديت قلمه قال خويا بخشيش قلت ليش قال عطيتك قلمي بصراحه زفيته قال العيد قرب عطني


يعني بتحصل ناس تبي تاكلك وتقول في نفسك شنو الوضع المزري

بس توصل فندقك يخف البخاشيش


عاد الامور الثانيه انت وحضك

انا اقول لك الكلام ما اخوفك ابيك توصل عندك خلفيه للوضع والمغرب ليس مثل مصر والإمارات او دول اخرى تحترم السائح الخليجي بالعكس مهمش هم ينظرون للسائح بنك متنقل عكس الأجنبي الأوربي مهم يفعل الافاعيل لا يتعرضون له يسرح يمرح ولا يطلبون منه بخشيش

__________________
G I N
! ! . . . ♥ . . . ! !

حيث انك بوحدك مالك الا اغادير ملمومه وكل شي بيجنبك بس اكد حجز السكن قبل ماتسافر

مشكور بس صدقني مصر غير يسرقك وانت تعرف وراضي بلد النكته ربي يرجعها بي السلامه

الف شكر وشكر خاص ربي يسعدك

الله يعين ومشكور بس كلامك يخوف هههههههه

كلامك سليم بس مالقت حجز بي اماديل ولا صحاري اخوي تنصحني بي شقه ولا خطر وحدي وهل الشقق زي دبي فيها تجوري اجط فيها الجواز والفلوس مع جزيل الشكر

المغرب مافيها شي يخوف ابد توكل على الله