[blink]شطحة...[/blink]
يوم رجعت من المغرب وأشيك على إيميلي,,,وألقى هالايميل وفية هالمقطع وقلت خلني أشوفة,,,ويوم شفتة!!! وأفقع ضحك
,,,وقلت خلني أنزلة لكم هنا,,,
بصراحة مأدري وش يحسون فية!!! خاصة هذا اللي على اليمين اللي لابس بدلة رياضة كأنها بدلة مدرب المنتخب ناصر الجوهر,,, عايش جوة لحاله وعلية رقص مو رقص!!! الا متفلت كأنة جالس يطاق مع واحد!! يعني لو انه في البلاك هاوس ويرقص كذا كان طير العالم وجلس يبقس فيهم وخلهم يفقعون من البست!!! والا الثاني اللي لابس وزرة وحاط الشماغ على الكتف!!! موسع الصدر ولاهمة احد وطاق الابتسامة ومبسوط ويرقص!!!يعني اغنية حقت رقص غربي وجايني ابو الشباب ولابس لي الوزرة ويشكشك كأنها أغنية عدنية أو شعبية!!!بس والله يعجبني مطنش ام العالم وبصراحة هذا غطى على حقين الفلبين والا لا ياشعبولا,,,,ولا يفوتكم مايكل عدن اللي في النص ولابس اسود وقاص كابوريا اللي يسوي 66 حركة في الثانية!!! بصراحة الولد موهوب وهذا وهو يرقص على أغنية SLOW ويسوي هالحركات والمطامر!!! أجل لو أغنية راب ورجة وش بيسوي!!! ولايفوتكم اللي لابس قميص كم طويل لونة اسود واصفر!!! اللي يطلع في وقت دقيقة وخمس ثواني 1:05 !!! بصراحة ضبط حركة BREAK DANCE اللي يسويها باليدين كأن قدامة قزاز!!! يعني ضبط الحركة مو مشكلة نهنيك عليها بس في الاخير تخربها وترجع للرقص الشعبي وتهز صدرك وبعدها تقلبها هرولة على البست!!! مايصير ياخوك خربت المود وحست الدنيا!!!
بصراحة شطحت فيكم شوي,,,بس والله عجبني المقطع وقلنا ننزله لعيونكم,,,ولاتلومونهم ترى المقطع قديم في عام 1996 يعني توهم في ثورة الرقص الغربي,,,,
[blink]نكمل,,,[/blink]
يوم الأربعاء 23/6/2010 م
وصلت المطار الساعة السابعة مساء بتوقيت المغرب,,,وكان مطار الملك محمد الخامس باين عليه التحديثات والتجديد الطارئ,,,وكان باين علية الترتيبات بشكل أفضل وأحسن من أول,,,وذهبت للجوازات للتختيم والدخول,,,وجا دوري عند الكاونتر وكانت علية وحدة اضاهر برتبة عريف أو وكيل رقيب لان مبين عليها صغيرة,,,والحمد لله مشت الأمور ولا قامت تتطر أو تتمسكن,,,إلا وش حليلها توزع ابتسامات
,,,
عديت تختيم الدخول,,,ورحت للمدقق حق الجواز,,,وقام يطر ومن هالكلام,,,وكالعاده التصريفة المعهودة ((ماكينش والو,,,مامعي الا كريدت كارد)) ,,,الولد أصابه اليئس ومشاني,,,وأنزل من عند الدرج متجه لإستلام العفش,,,والا يجونك حقين العربيات يلاحقونك ويتخاطفونك كأنهم مهبل!!! وانت جالس تتنحش منهم على قولة واحد من الشباب كأنك في ألعاب الحصن!!! المهم واخذ لي عربية من نفسي وهم فهموها ودروى انم اروي رجاء,,,وأصلا كانت الطيارة مليانة وراحو لغيري,,,وكالعادة خذ لك نص ساعة الى ساعة لطعة على بال مايجيبون الشنط من الطيارة ويحطونها حبة حبة على السير,,,ولازالو على هالمشكلة من زمان وهي بطئ جلب العفش من الطائرة ووضعها على السير,,,ولاندري الى متى يامغرب على هالحال!!!
المهم بعد بطت الكبد في استلام العفش,,,اخير وصلت شناطي واخذها واروح للجمارك وكان فية ضابط يوزع الناس على العسكر كل مسافر يوجهه الضابط على عسكري معين,,,ومن قرادة الحظ طحت على واحد ملامحة وجه فقر وأقشر ولا قد شاف خير وعلية شنب طالع كنة قطو في حي الجرادية!!! وماصدق خبر اني جيت عندة وحطيت الشنطة قدامة وقالي عطني الجواز,,,واعطية الجواز وفية 100 درهم,,, لاني كنت مابية يشوف الاغراض اللي في الشنطة ويجلس يحوس فيها,,,وهو تقول جايتة من الله وقال لي (( سير خويا,,, مرحبا بيك)) ,,,
اخذت العفش وطلعت من الجمارك,,, وكنت وقتها على اتصال مع الاخت بنكي قلوز وتقول وينك,,,وخبرتها اني بصرف فلوس وبشحن الشريحة المغربية اللي معي وبعدها بكلمها,,, المهم اتجهت لمكاتب الصرافة وكان مزحومة شوي,,,وأصف سرى وجاء دوري وصرفت وكان سعر الصرف وقتها الريال = 2,34 درهم,,,وياشباب نصيحة عليكم بالصرف من المطار ثم المطار ثم المطار لانه هو أفضل تسعيرة فية وأفضل من وسط البلد أو البنوك الاخرى في المدن,,,وهذا من واقع تجربة من سفراتي دايم سبحان الله سعر الصرف في المطار أفضل من وسط البلد,,,
أخذت فلوسي ومريت مكتب اتصالات المغرب وأشحن ب 200 درهم,,,واكلم بنكي قلوز واوعدها,,,قابلتها وجلست معها بالمكتب شوي وعطتني الوصف حق الشقة اللي حاجزتها لي في ورقة,,,والبنت كانت في قمة الاخلاق والأدب,,,أخذت الورقة منها وودعتها وكان عندها شغل ذاك اليوم,,,وقتها كان فية واحد ناشب لي من بعد ماصرفت الفلوس الا بيخدمني والولد شباب ومبين علية ولد حلال ومحتاج للشغل فقلت له خلاص امسك العربية ودف شناطي وودني للاتصالات بشحن,,,ووداني للتصالات وبعدها واعد الاخت بنكي قلوز ووداني للمكان اللي قابلتها فية,,,وسبحان الله ذاك الولد ارحمة ليش مأدري!!! من الله سبحانة,,,
طلعنا من عند بنكي قلوز وكان نيتي من قبل ماجي المغرب اني اركب القطار واتجه لوسط كازا,,,بس شفت نفسي تعبان وقدامي بهذلة من قص تذكرة وانتظار وركوب القطار وبعدها تاكسي قلت ياولد ماتسوى,,,الله لايردة من ريال ما يخدمك,,,قلت باخذ تاكسي من المطار ودعسة وحدة للشقة,,,واسئل الولد اللي معي عن التكاسي وقال لي بجيب لك واحد من عندي يوديك ووقتها جالس أصور أجزاء من المطار
مكتب الخطوط المغربية الملكية بالمطار
صور ارجاء المطار
صالة الرحلات الداخلية وخصوصا للي رايحين لأغادير
بعدها اللي معي جاب لي واحد معة سيارة خاصة مو تاكسي,,,واتفقت معة على السعر بقيمة 250 درهم,,,ورحنا لسيارتة وركب الولد الاغراض والشنط وعطيتة اكراميتة 100 درهم,,,وجلس يتشكر وانبسط وقال لي (( لو تبي شي بكازا سجل عندك رقمي انا اخدمك من الى)) وعطاني رقمة والح علي ان اكلمة واقابلة بكازا وانا اقول له ((يصير خير)) وقال لي (( أي أحد من أصحابك يجي للمغرب عطة رقمي وانا اخدمة)) هي الشيطان بداء يلعب براسي
,,,وأفكر أنشبة في شعبولا بكرة وقلت له ((أنا صاحبي بكرة بيجي على الخطوط القطرية بكرة الصبح بخليه يكلمك او مايوصل)),,,المسكين ماصدق وقال (( عطني رقمة)) قلت له (( هو بيعيط عليك)),,,المهم ركبت السيارة وودعت الولد,,,وكانت السيارة بيجو موديلها في التسعينات صغيرة ومرتبة,,,
حركنا بالسيارة,,,والسواق وقفوة الشرطة مرتين وحنا في منطقة المطار,,,علشانة سيارتة خاصة وعرف وان اللي معة خليجي,,,وحبو يقعدون له وعطئ العسكري 20 درهم ونفس الشي المرة الثانية يوم وقفوة عطاهم 20 درهم,,,المهم طلعنا من المطار بصعوبة,,,وهذي صور للطرق في منطقة المطار,,,
بعدها طلعنا من المطار بسلام,,,وبدىء كذا الواحد يرتاح ويشوف هالخضار والطبيعة,,,وأفتح النافذة حقت السيارة وأشم الهواء الاطلسي العليل اللي يشرح الصدر ويشق الصدر شق من زينة
,,,,يالله قسم بالله هالهواء يرد الروح وينسيك عناء السفر ومغثتة,,,وهذي صور من الطريق الى كازا وخضار هالاشجار والطبيعة الزينة والهواء العليل
ومامدى اللمبي ينبسط ويشعلل مع هالاجواء الحلوة والا هالسواق قال بوقف وبعبي بنزين!!! المهم وقفنا بمحطة افريقيا اللي بعد المطار مباشرة وكانت السعاة وقتها 8:30 مساء مع ان الجو يوحي انه بالعصر!!! وهذي صور من المحطة اللي وقفنا فيها
بعد ماعبئ سيارتة بنزين,,,حركنا وكان الهواء والطريق والجو عال العال
^
^
^
مين الشاطر اللي يجيب لي إسم الفندق كامل؟
وهنا السواق جالس يقول لي انة يتمنى يوم من الايام انه يشتري هالبيجو اللي قدامنا وانها حلم حياتة,,,وجالس يتمنى انة يجي هاليوم اللي يشتريها فية,,,وفي اللحظة هذي ضاق صدري ورحمتة,,,وتحمدت ربي على النعمة اللي حنا فيها,,,
[/CENTER]
^
^
^
هاه,,,مين يعرف هالمبنى؟
هنا سوق مرجان بدئ يطل علينا,,,ومثل مانتم عارفين ان الوقت متأخر ولاعاد يمدينا نأخذ العصيرات لانها تسكر من الساعة سبع فقلت خلها بكرى نروح من بدري ,,,
وهذا مقطع صغير وأنا لسا داخل كازا والاجواء كانت عليلة
المهم دخلنا لكازا,,,ودخلنا شوارعها وضواحيها ومرينا شارع أنفا,,,وابو الشباب السواق جلس يحوس ويدوس ولا عرف وين الشقة فية فقع كبدي!!! وراح ووقف تاكسي وقاله امش وحنا وراك,,, والتاكسي مشينا وراة حتى طحنا في شارع الزيراوي ووقف جنب المعهد اللاسيوطي وحاسبة السواق,,,وجالسنا ندور حول المعهد ندور العمارة ولا لقيناها,,, حتى اتصلت بالاخت بنكي قلوز وخليتها تكلم السواق الدلخ وتفهمه صح وبالاخير وبعد مشورة ودلاخة السواق حصلنا العمارة,,, نزلت الاغراض وخليت العساس يدخل الشنط في الشقة,,,وحاسبت السواق وعطيتة 250 درهم,,,وقام يطر ويشحذ ويتحلطم ويقول ((أنا عطيت العسكر حقين المطار 40 درهم,,,والتاكسي اللي وصلنا 20 درهم,,,والسيارة عبيتها بنزين 200 درهم )),,, قلت له (( مو مشكلتي!!! أنا إتفقت معك على هالسعر,,,أما مشاكلك مع الشرطة أنا مالي دخل وانت تتحمل تبعاتها,,,أما التاكسي أنت اللي تتحمل لانك قايل لي في المطار انك تعرف المكان مزيان)) ,,, والولد ناشب وجلس يتشكى ويشكي الحال,,,في الاخير زودتة 20 درهم وقلت له ((هذا اللي عندي والمفروض اني ماعطيك اياها)) ,,, المهم يئس وبالاخير راح,,,طبعا العمارة تقع في الزيراوي بجوار معهد اللاسيوطي للغة الفرنسية وهذي صور من العمارة من برى
إسم الأقامة اللاسيوطي على إسم المعهد
[/CENTER]
والعمارة جنبها محل لبيع الدبابات للي يبي يشتري ويهايط بكازا
مدخل العمارة
طبعا نظام باب العمارة سيكروتي الكتروني,,, يعني اذا تسكر الباب مستحيل احد يقدر يدخل من برى,,, الا اذا معه مفتاح للعمارة,,, او أنت ياصاحب الشقة مثلا زارك ضيف تفتح له عن طريق جهاز مزود بكاميرا رقمية موجود بشقتك بمجرد مشاهدتك له عن طريق الجهاز تضغط له الزر لينفتح الباب له,,,وع ذلك يوجد عساس للعمارة لزيادة الاحتياطات الأمنية للسكان,,,
وهذي صورة لأنصانصير العمارة
دخلت العمارة ورقيت للدور السادس,,,وكلمتني صاحبة الشقة بالجوال واسمها رحمة وكانت جيدة في التعامل والتفاهم,,,واتفقت أخذ الشقة منها يومين للتجربة حتى نتأكد من وضعها,,,اتفقت اخذ منها اول يوم الاربعاء بقيمة 1000 درهم لاني لحالي,,,والخميس بيجي شعبولا وحسبتها 1300 درهم للخميس مع الخدامة,,,وكان وقتها العساس اسمه محمد جنبي في الشقة وقالت لي سلمه فلوس الشقة وعطيته الفلوس,,,أكيد بعض الاعضاء بيستغرب من السعر وبيقول غالي,,,لكن حبيت أوضح لهم أني جاي في عز الصيف والزحمات ومن الصعب تحصل شقة الا بالبهذلة,,,طبعا الشقه عبارة عن دورين,,,الدور الأول صالة ومطبخ وحمام صغير أعزكم الله,,,والدور الثاني غرفتين نوم وحمام كبير مع بانيو كبير,,, وهذي صور للشقة,,,
صور الصالة
[blink]يتبع,,,,[/blink]
للتسجيل اضغط هـنـا
08-09-2010, 07:29 PM
العرض العادي
المواضيع المتشابهه للموضوع: تــقــريــر ســفــرتــنــا إلى كــازا 2010!!! 
