  |
    |
للتسجيل اضغط هـنـا
| |||||||
 |
| | LinkBack | أدوات الموضوع | طريقة عرض الموضوع |
|
رقم المشاركة : ( 1 )
08-04-2010, 06:06 PM
| |||||||||||
| |||||||||||
 تــقــريــر ســفــرتــنــا إلى كــازا 2010!!! أعضاء الرحلة ((اللمبي)) ((شعبولا)) بداية الفكرة,,, وذلك أثناء عودتنا من الفلبين الله لايعيدها من رحلة وماعنيتة هناك من أشياء تضيق الصدر وتكدر الخاطر وعلى قولة أخونا شعبولا (( لقد وقعنا في كمين!!)) حيث أننا لم نجد ذلك الاسترخاء والاستجمام المنشود إليه!!! وبعد عودتي للعمل منهكاًً متحسراً غير سعيد من إجازتي السابقة,,,وكنت حاط في بالي من قبل بأن أذهب للمغرب في الربيع أو أقصى حد قبل إجازة الحج,,,لكن مع اول ايام العمل وطواف اسبوع من الدوام إكتشفت إن غليلي لم يشفى!!! ولابد من الذهاب بأسرع وقت ممكن!!! وقلت مالنا إلا الصيف,,مع العلم أني اكره السفر في الصيف لكن الشكوى لله كله من رحلة الفلبين المشئومة,,,وبديت أخطط وأفكر وابحث في التواريخ المناسبة للسفر,,,وكذلك مع العمل شد وجذب بخصوص الاجازة وكانو رافضين بخصوص اني توني راجع من الفلبين!!! عموما أنا طنشتهم وحجزت على تاريخ 30/6 ميلادي والعودة في 12/7 على درجة الاعمال على متن الخطوط السعودية,,,وكان ذلك الوقت مررت بمرض عصيب وهو صداع قوي في الرأس,,,كان يسبب لي الألم شديدة لدرجة انه يقومني من النوم ويجعلني اصرخ بصوت مرتفع!!! وذهبت للمستشفى واتضح انه صداع نصفي شقيق,,,وعطوني علاج ولم يجيب أي نتيجة,,,وكلمت العضو وقلت له الموضوع والرجال ماقصر كلم لي وحدة طبيبة شعبية عندهم في حائل وتزهلت لي بالعلاج وأرسلة لي أبو داحم مع واحد كداد (( اللي يوصل بالسيارة من مدينة لمدينة )) ووصلني العلاج,,, وشاكر لابو داحم وقفتة معي وماقصر وبيض الله وجهه,,, المهم,,,ذيك الايام جلست أبحث عن سكن وخصوصا انني حددت وجهتي للدار البيضاء,,,واكلم هذي وذيك واكلم فلان وعلان,,,والكل يعطيك سعر اللي غالي واللي يقولك عامر واللي يقولك مافية مكيف واللي يقولك اجي بعدين نتفاهم إلخ.... وكلمت الأخت وماقصرت معي وقالت خل الشقة علي ووعدتني بأنها بتضبطني,,, العمل وافقو على إجازتي بعد عناء ومغثة,,,اتصلت على الخطوط السعودية لتعديل الحجز,,,وبعد عناء طويل مسك الخط وردو والله يعينا عليهم!!! كلمتهم وقدمت حجزي إلى تاريخ 23/6 يوم الاربعاء والعودة نفس ماهي كانت علية. تلك الايام وخصوصا قبل السفر الى المغرب كان هناك تواصل كبير مع الاعضاء,,,وكان هناك عضو إسمة اللي يقول بيصير مطرب,,,حيث تم بيني وبينة خلاف كبير على الهاتف قبل مايسافر هو بيومين,,,وللعلم ترى هالعضو ليس بصاحبي ولا بزميل لي مجرد اني ساعدتة في شقة وعطيتة بعض الاماكن اللي يقدر يعزف فيها وقلت له اذا كنت هناك بضبطك,,,لكن بعد ماكلمني وكان يوم سبت وكان هو بيسافر الاثنين حدث بيني وبينة خلاف ولا لي فية أي علاقة والله يستر علية,,, بقى على رحلتي خمسة ايام,,,وأنا أنتظر الرحلة بنار من الشوق ,,, وجاني إتصال يوم الاحد الساعة 3 الفجر قبل الرحلة بأربع أيام من الأخ شعبولا,,, شعبولا : (( نايم!!! )) اللمبي : (( في أحد يدق ذا الوقت وش تبي!!! )) شعبولا : (( نايم والا لا!!! )) اللمبي : (( ياخي منسدح كنت بنام!!! عسى ماشر وش عندك!!! )) شعبولا : (( ياخي جلست أقلب في الخطوط ولقيت كذا رحلة وحدة على الجمعة ووحدة الاحد )) اللمبي : (( رحلة على وين!!)) شعبولا : (( على المغرب!!! بصراحة مانبسطت ياخي !!! مافليتها صح!!! كله منك ومن الفلبين !!! ونفسي أخاويك كان ماعندك مانع!!!)) اللمبي : (( عزيز وغالي والله,,, بس انت يبي لك اجازة من العمل ويبي لك تقص التذاكر ترى مو خبط لزق)) شعبولا : (( انا بواصل وبروح للعمل وبرفع اجازتي والعصر بروح الخطوط وبحجز )) اللمبي : (( طيب,,,علمني وش يصير عليك,,,علشان أضبط شقة لشخصين )) شعبولا : (( خلاص أبشر بكرة أعلمك )) اللمبي : (( يلة تصبح على خير,,,باي)) شعبولا : (( باي)) نمت وصحيت من بكرة,,, ويكلمني شعبولا ويقول الاجازة على وشك انها تتوقع وتمشي الامور,,,ويقول انه حجز على الخطوط القطرية على يوم الاربعاء 23 / 6 وبيوصل الخميس الصبح الساعة 10 الصباح والعودة الجمعة بعدها بعشرة ايام,,, كلمت الاخت وقلت لها نبي شقة لشخصين وقلت ولايهمك انتا اجي ومايكون خاطرك الا طيب,,,وبصراحة ياجماعة والشهادة لله البنت شقردية وتنحط على الجرح يبرى,,, وكذلك كلمتها بخصوص السيارة وتسلمها لشعبولا يوم الخميس,,,وتم الاتفاق معها على سيارة رينو سيمبل بقيمة 400 درهم باليوم من دون بطاقة ماستركارد تأمين او فلوس موديل 2009,,, جلست أنتظر الرحلة على احر من الجمر,,,مع العلم ان رحلتي صباح الاربعاء الساعة 9:40 صباحا متجه الى مدينة جدة لتحميل ركاب ثم على الدار البيضاء,,,وقبل الذهاب بيوم كنت على الفراش أحاول النوم على الأقل ل 3 ساعات لأخذ راحة قبل السفر,,,لكن هاجس المغرب وعشقي له يوقظني,,,واتقلب على الفراش حوالي الساعتين ولم ياتني النوم إطلاقاً,,, قلت خلني أتصفح الأنترنت,,,وجلست مواصل حتى الصبح أفطرت ثم قفلت الشنط ولبست,, وصحيت أخوي ليأخذني لمطار الملك خالد الدولي وكانت الساعة حينها السابعة صباحا,,, وفي الطريق تم الاتصال بشعبولا قال لي صحني للدوام,,, وصلت المطار في تمام الساعة السابعة والنصف,, ودعت أخي الصغير بالأحضان وأنا في بالي أبي الفكة بس,,, إتجهت إلى كاونتر درجة رجال الأعمال ومعي عفشي وتم شحن الأغراض وقص البوردينق وهذي صورة من البوردينق [url=http://www.mza3et.com/up/uploads/images/mza3et.com-af49d8732b.jpg]  [/urlسعر التذكرة ذهاباً من الرياض إلى الدار البيضاء وإياباً بقيمة 6115 ريال على درجة رجال الأعمال,,, وكانو الاخوان على كاونتر السياحي زحمة شديدة وكان خلفي في الدور إثنين جايين مع بعض واعمارهم تقريبا فوق الثلاثين وكانو يحاولون يستعطفون الموظف لانهم على درجة السياحي ويبون الفكة من الزحمة,,,ورفض الموظف بشدة وحاولو يقنعونة ورفض مرة ثانية,,, وقالو له (( المفروض يكون فية كاونتر خاص بالسعوديين ولدول مجلس التعاون وتعامل أفضل وأسرع)) ومن هالكلام المعسول,,,ولازال الموظف رافض,,,وقفلت معهم وقال واحد منهم لخوية (( ياخي ذا نفسة خايسة!!!)),,,الموظف سمعة ورد علية بصوت عالي (( تراني سمعتك وش تقول لخويك,,, لكن ترى بإمكاني ألحين أكلم المشرف يمنعكم من ركوب الطيارة أنت وياة إذا إستمريتو في قلة الأدب!!!)) ,,, المهم الشباب قمطو العافية وفقعو للسياحية,,, بعد مأخذت البوردينق,,وإتجهت للجوازات وانتظرت شخص من اجل تسهيل مهمة خروجي والفضل يعود للأخ شعبولا,,,ماقصر وكلم واحد من اخوياة وتزهل لي,,,وشكرا لك عزيزي من اعماق قلبي,,,وخلاص مرة ثانية بخليها ترانزيت مـأبغى أصير على أعصابي كل مرة,,,المهم دخلنا وختمنا الجوازات,, وهذي صور لمطار الملك خالد الدولي قال حماية مستهلك قال!!! مسار الرحلة وبعدها إتجهت لصالة الخدمة الذهبية وكانت فاضية,,, وجلست أتقهوى وأشرب عصير أنتظر الرحلة,,,وهذي صور منها ومثل مانتم شايفين الصالة كانت فاضية واول واحد دخلتها انا وجلست اقرى مجلات واشرب عصير وقهوة شوي كذا ويدخلون ناس في الصالة من طقة (( الله يحييك!!)) و (( طال عمرك)) اللي خربو علينا البلد بإسلوبهم!!! وبعدها بلحضات تم النداء على رحلتنا لصعود الطائرة,,, قمت واتجهت للبوابة وصعدت الطائرة,,, وبعد صعودي وجدت مقعدي بجوار فتاة مغربية أية في الجمال وكانت طاقة العباية وحجاب شغل دلع وخشمها فوق  !!! ضاعت علومي وقلت لو بجلس جنبها مستحيل أنام!!! وأنتم عارفين أني مواصل من أمس ولا نمت وكنت ناوي اخلي الرحلة كلها نوم!!! قلت خلني بجلس بمقعد ثاني وإذا جا راعية الشكوى لله نرجع لمقعدنا,,, المهم جلست ولا جاء أحد وكانت الطائرة متجهة لجدة لأخذ ركاب,,,اقلعت الطائرة وخذ لك دعس نوم ومشاخر من قوة التعب لدرجة اني ماحسيت ان الطائرة نزلت بجدة!!!بدئ الركاب يتوافدون إلينا بالصعود وكنت جالس بالمقعد حتى جاء صاحبة وكان شامي المهم الطيارة امتلت واضطريت اني ارجع لمقعدي الأصلي,,,البنت إرتاعت وطارت عيونها يوم جيت!!! ((خويكم منحوس ومقرود نفس الوقت)),,,وقلت لها(( ترى هذا مكاني وبالأول يوم جيت هنا دورت مكان فاضي علشان ماضيقك,,,لكن الناس جت الحين ولازم ارجع لمقعدي)) المهم هزت رأسها بغرور وكبرياء,,,وجلست جنبها ولاهمتني ودعست نوم والطيارة توها ماطارت,,,وصار فية خلل فني لمدة ثلاث ساعات والطيارة ماطارت!!! ومحسوبكم نايم,,وكملت نومتي حتى بقى على الوصول ساعتين,,,صحتني البنت وقالت (( ترى قربنا نوصل خويا,,,ولازم تعبي الاوراق)) قالت (( أعبي وليش مأعبي كم باقي ونوصل)) ,,, قالت (( تقريبا ساعتين او ساعة ونص )) ,,, قلت (( يوة تونا بدري شوي)),,, قالت (( أخويا أنا ابغى اسير للتواليت)) ,,, قلت (( طيب )),,, صارت مصحيتني تبي تطلع للحمام عزكم الله وانا كنت في وضع الانبراش منسدح مسكر الطريق,,,مو مصحيتني لسواد عيوني,,, المهم صحصحت وعبيت الورقة,,,وكان معي تقلصات في المعدة بسبب *****ان,,وقمت وكلمت المضيف,,,وطلع شقردي وجالب لي علاج خاص فية لتقلصات المعدة,,,وبصراحة وحدة بوحدة ذا العلاج ريحني كثير,,,ورجعت لمقعدي وجلست,,,وقالت لي البنت (( نعست مزيان)) ,,,قلت (( اية والله يالبى خراطيش قلبك)),,,لاتصدقون قلتها في نفسي ترى,,,قالت (( أنا مانمت زين وطول وقتي مقلقة)),,, قلت لها (( بتوصلين الحين للمغرب وبتنسين التعب كله )),,, المهم هبطت الطائرة في مطار محمد الخامس الدولي بالدار البيضاء وكان التوقيت السابعة مساء بالتوقيت المحلي,,,, [blink]فاصل ونواصل[/blink] المصدر: منتديات مزاعيط المغرب | السفر الى المغرب - من قسم: قسم التقارير المصورة و المميزة
 |
.gif "Abu Ahmed (456)")
...
وفي انتظار اكمال التقرير يالبى خراطيش قلبك 
|
| الكلمات الدليلية (Tags - تاق ) |
| 2010 , تــقــريــر , ســفــرتــنــا , إلى , كــازا |
| الذين يشاهدون محتوى الموضوع الآن : 2 ( الأعضاء 1 والزوار 1) | |
| b-a-f |
| أدوات الموضوع | |
| طريقة عرض الموضوع | |
العرض العادي
| |
المواضيع المتشابهه للموضوع: تــقــريــر ســفــرتــنــا إلى كــازا 2010!!! | ||||
| الموضوع | كاتب الموضوع | المنتدى | مشاركات | آخر رد |
| تــقــريــر رحـــلتـي لاغـــاديــر 2011 | سفير الانتظار | قسم التقارير المصورة و المميزة | 69 | 01-03-2012 10:17 PM |
| غدا الساعه 10 صباحا الى المدينه الحلم ** كــازا** +استفسار بسيط | مزعوط نيو | الاعضاء المسافرون الى المغرب | 15 | 09-05-2011 02:38 PM |
| رحلتي الى مراكش 2010 | Brave Heart | ارشيف تقارير السفر الى المغرب | 110 | 09-05-2011 05:37 AM |
| 2010..سنة موت الشخصيات الكبيرة بالمغرب | أخبار المغرب | اخبار المغرب | 0 | 12-30-2010 04:04 PM |
| 42 صحافي لقوا حتفهم في 2010 | أخبار المغرب | اخبار المغرب | 1 | 12-18-2010 12:11 AM |
الساعة الآن 01:08 AM.
