مزاعيط المغرب - السفر الى المغرب

مزاعيط المغرب - السفر الى المغرب (https://www.mza3et.com/)
-   القائمه السوداء (https://www.mza3et.com/morocco39/)
-   -   احذروا يالي بالنخيل من التعامل مع سائق اسمه عادل (https://www.mza3et.com/morocco19653.html)

leopard 2013-08-28 10:24 PM

احذروا يالي بالنخيل من التعامل مع سائق اسمه عادل
 
:morocco_5 (207):مساكم الله بالخير وصبحكم الله بالخير يا مزاعيط
احذركم من التعامل مع سائق اسمه عادل معه سيارة خاصة ودائما ياقف قدام الاستقبال حق النخيل
تعاملت معه يومين نصااب واستغلالي وانا بما اني اول روحة
للمغرب حاولت اداريه حتى تركت مراكش ورحت اقادير
بعد ما سوى فيني بعض المناكح
فانتبهو منه يالربع وانا قايل له بكتب عنك في المنتدى

ADMNTK 2013-08-29 01:00 AM

مشكور ع التنبيه يالغالي
دمت بود

عبدالله فهد 2013-08-29 01:02 AM

شكراً لك، تم النشر.

click 2013-08-29 10:59 AM

ممكن نعرف وش الموضوع؟

Oscar 2013-08-29 04:16 PM

هلا بك ياخوي .. ياليت تذكر التفاصيل كامله و مواصفات الشخص المذكوره + نوع سيارته ولونها + اللي سواه معاك بالضبط

Mabli Cruise 2013-08-31 09:28 PM

اقتباس:

المشاركة الأصلية كتبت بواسطة leopard (المشاركة 310275)
:morocco_5 (207):مساكم الله بالخير وصبحكم الله بالخير يا مزاعيط
احذركم من التعامل مع سائق اسمه عادل معه سيارة خاصة ودائما ياقف قدام الاستقبال حق النخيل
تعاملت معه يومين نصااب واستغلالي وانا بما اني اول روحة
للمغرب حاولت اداريه حتى تركت مراكش ورحت اقادير
بعد ما سوى فيني بعض المناكح
فانتبهو منه يالربع وانا قايل له بكتب عنك في المنتدى

ضروري تفاصيل الشخص عشان مايقع معه ضحيه اخرى

leopard 2013-09-07 03:36 AM

عادل هذا استغلالي
الموضوع وما فيه اني اول مرة اروح المغرب ولوحدي وحاول يستغلني بطريقة استغفال وهو شكله توه طايح في الإحتيال دنيئ نفس يعني على مية درهم ميتين حاجات تافهه بس لو تركت له الزمام اكيد انه راح يستغل اي فرصة
المهم في البداية اتفقت معه يوصلني مشاوير على الجوال يومين واعطية خمسمية ومن بكرة قال لي عطني زود مية قلت ما فيه مشكلة وبعدين غالطني في الحساب واوجع راسي وقال عطني مية بعد انت ما عطيتني الا خمسمية قلنا ما فيه مشكلة وقال عطني مية ارسل لك شحن طبعا انا ما اعرف كيف طريقة الشحن لهفها ومن بكرة قلت له وين الشحن قال ارسلت لك قلت ما جاني شي بعدين ارسل لي خمسين وقال هي نظامها كذا بعد ساعة يجيك خمسين ثانية
وابلشني بكثر الشحاذه اكرمني اكرمني
والشي الي خلاني اطفش منه اخر يوم وداني لمحطة الباصات ابي اروح لأكادير قالو ما فيه الا بعد 6 ساعات قلت دور لي واحد ياخذني مشوار قال تدفع 1000 قلت اوكي
قال بكلم صديقي يوديك ب 700 قلت زين
قالي انتظر شوي راح كلم التكاسي الكدادة وانا ما ادري عنه الي يحملون 6 ركاب على ما اضن ب150 او ب120
قال كلمته بيوصلك ب600 قلت زين قال بس اركب ولا تتكلم معه قلت ممتاز قال عطني الفلوس وانا اعطيه مالك الا ينزلك في المارينا عطيته وقال عطني اكرامية قلت خذ 100
ركبني مع التاكسي قدام وكلمه مدري وش قال له وراح قلت للتكسي حرك قال كيف احرك قلت روح لاكادير قال اصبر شوي جا 3 ركاب وركبو معه قلت الرجال ما قال لك توصلني مشوار قال لا هو عطاني حق 3 ركاب 400
قلت الشكوى على الله مشينا لا مكيف ولا دخان وقلق وصلنا قلت له ودني للمارينا قال مافيه انزل في الموقف وخذ تكسي صغير
المهم تمرمطت مرمطة وكلمته وبكل وقاحة يقول خذ تكسي ب50 درهم وعادي قلت ليه تاخذ مني 700 وتعطي التكسي 400 وتكذب علي المهم انه قفل السماعة و
الي سواه معي كله من استغلال على طفاس ما يهم لكن المرمطة الي في طريق اقادير هي الي قهرتني وحتى الي يحاول يستغفل على طفاس لو حصل له فرصة ما راح يخليها هذي القصة وما فيها
طبعا انا ما اذكر وش سيارته لكن اذكر ان سيارته بيضا وياقف عند بوابة 10 قدام الرسبشن واسمه عادل وجسمه مليان شوي

روداني 2013-09-07 03:43 AM

هذا استغفال للاسف وحيث انك اول مره مغرب لقي الفرصه ليضحك عليك هذا للاسف نصاب وطماع وجشع 000

من النوعيه اللي ماتشبع مهما دفيته يسال المزيد وضح اخي اوصافه اكثر لكي يتنبه له الاخوان الجدد 000

لانو مايقدر يضحك الا على المسافرون الجدد ويلا شباب مراكش يخسي مايقدر يضحك عليهم 000

فكر مليا في نوع سيارته هل هي بيجو او رونو او حتى كمان قولف حوليه 0000

leopard 2013-09-08 06:50 PM

اقتباس:

المشاركة الأصلية كتبت بواسطة روداني (المشاركة 311168)
هذا استغفال للاسف وحيث انك اول مره مغرب لقي الفرصه ليضحك عليك هذا للاسف نصاب وطماع وجشع 000

من النوعيه اللي ماتشبع مهما دفيته يسال المزيد وضح اخي اوصافه اكثر لكي يتنبه له الاخوان الجدد 000

لانو مايقدر يضحك الا على المسافرون الجدد ويلا شباب مراكش يخسي مايقدر يضحك عليهم 000

فكر مليا في نوع سيارته هل هي بيجو او رونو او حتى كمان قولف حوليه 0000

والله ياليت اني اذكر وش نوع سيارته بس للأسف ماني متذكر

مقادير 2013-09-08 07:28 PM

كم هوجميل التشهير بمن اساووا لانفسهم اولا ولبلدهم ثانيا
لياخذ المزعوط حذره وانتباهه


الساعة الآن 03:01 PM

جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط

Ads Management Version 3.0.1 by Saeed Al-Atwi

Search Engine Optimisation provided by DragonByte SEO (Pro) - vBulletin Mods & Addons Copyright © 2024 DragonByte Technologies Ltd.