|
اعلى سقف للسحب في الصراف الالي
السلاااام
يا اخوان حبيت اسعل .. هالحين كم اقدر اسحب اعلى شي في اليوم عن طريق الصراف الالي ؟ لان كل ماجربت اعلى شي يسحب ٢٠٠٠ درهم في طريقة افضل وتسحب اكثر .. ؟ وكم الرسوم للعادية والائتمانية ولا تنصحون الواحد ياخذ دولارات او يورو ويفك عمره من قروشة البنوك واستغلالهم ؟ وين المزااااعيط واهل الخبررررررة والي مقطعين الديرررره ؟؟؟؟ انا ف احتراءكم لبى قليباتكم |
لاتاخذ كاش معك كثير .. لو تنزرف اكلت هوا
خذ معك اكثر من بطاقة صراف .. ووزع الفلوس عليها وبنك سامبا يمدحونه اقل رسوم من البنوك الاخرى |
السلام عليكم ورحمة الله وبركاتة .. انصحك اخوي باستخدام مكائن صرافة بنك الوفاء كخيار اول لانه الوحيد الي يسحب 8000 درهم دفعة وحدة والخيار الثاني البنك الشعبي لأن لها تعامل مباشر مع البنوك السعودية لو حصلت اي مشكلة .................................................. .................................. حول بنك وفا بخصوص فتح حساب فلوسي 1- فتح الحساب يكلف مبلغ 99 درهم . 2- اقصى قدرة استيعابية للحساب الواحد 20000 درهم . 3- يحق لك فتح 5 حسابات في العام الواحد يعني بمجموع 100000 درهم بي خمسة حسابات كامله . 4- في حالة اعادة تعبئة حسابك والايداع فيه يتم خصم مبلغ 10 دراهم عمولة . 5- في حالة استخدام جهاز صراف بنك اخر غير التجاري وفا يتم خصم 6 دراهم . 6- اعلي حد للسحب اليومي 6000 درهم. لطلب الحصول عليها * صورة من الجواز *تعبئة نموذج البنك *ايداع المبلغ 15 دقيقه بالكثير وتاخذها من فرع المطار بس لا تنسي قبل تطلع تجربها بالصراف ملاحظة : في حال فقدان البطاقة او سرقتها توجد خدمة الهاتف 7/24 لإيقاف البطاقه كما يمكنك من خلال الفرع الذي فتحت الحساب به سحب المبلغ بالكامل واستلامه نقداً. تحياتي لك |
اجودي
تياترو ماقصرتوا ع الشرح الوافي و الففف شكر ع هالمعلومات المفيدة خصوصا بنك الوفا تقدر تسحب منه ببطاقتك السعودية حوالي ٨٠٠٠ شي طططييييب تقبلوا تحياتي |
بقول لك اخوي الي انا اسويه : اخذ ثلث مبلغ السفره كاش معي مكون من خمسميات ماتحتاج لادولار ولايورو. عملة سعودية. والباقي اوزعه على حساب الراجحي وساب. ( ساب طبعا افضل ) ولكن لازم توزع فلوسك في اكثر من حساب احتسابا لأي طارئ.
اما بالنسبة لبطاقة الصراف فأنا انصحك تصرف من بنك وفاء. ولكن للتوضيح ((هو مايصرف مباشرة ٨٠٠٠درهم. هو حيعطيك خيارات اعلى شي ٤٠٠٠درهم ولكن تحت حتلقى خيار اسمه مبالغ اخرى. اختاره واكتب انت يدويا ٨٠٠٠ بعدين مو افق. حتجيك الفلوس مدرعمه. واي سؤال حاضرين |
الله يعطيك العافية اخوي فؤاد
اجل بسوي زيك فكرة سهله وحلوة |
تبي الراي ..
البطاقات قروشه وتخليك قلقان طول الرحلة ! مع انها امن طريقه فلذا افضل حل اذا فلوسك واجد حولهم يورو وخليهم معك بشنطه صغيره وانت داخل الطياره .. بالنسبه للصرف اعلى شي كان 8000 درهم بس الان قننوها وصارت 4000 الاف كل البنوك كذا معدلها ماعدا وفاء 2000 .. موفق |
معليش ياخوان ...تصحيح للمعلومة اللي قالها تياترو والشباب
بنك وفاء ماعاد يصرف ٨٠٠٠ درهم للأسف ...صار حده ٢٠٠٠ علا السحبه الواحدة البنك الشعبي هو الأفضل الان يسحب لك مرة وحدة ٤٠٠٠ هذا للتصحيح... والشي الثاني اخوي اقسم فلوسك بين الكاش والصراف أحسن علشان لا سمح الله لو تعرضت لشي يكون عندك بديل تحياتي.. |
صحيح يالبرنس وفاء ماصار يصرف ٨٠٠٠ من متى هالشي ؟!!! اذا فعلاماصار يصرف ٨٠٠٠ معناته ناخذ اكثر المبلغ كاش لان السحبات عمولاتها تشفط الفلوس شفط. فلذلك اخوي البرنس ابسألك وين افضل محل لتحويل الريالات الى دراهم بمراكش. وشكرا مقدما.
|
هلا بك اخي فؤاد ...
نعم صحيح للأسف ...وحصل لي هذا الشي في اخر سفرتين وسبق طرح موضوع هنا والجميع أبدا ماحصل له وهناك من اكد بان اللي حصل للتخفيف لسحب الكاش من البنوك تقدر تسحب مبلغ ٤٠٠٠ درهم مره وحدة من البنك الشعبي واعتقد ان كذا مقنع نوع ما.. بالنسبه لتحويل العملات يختلف علا حسب الزمان ...لكن لديك بنك وفاء كأش والبنك الشعبي ... وإذا انت من النوع اللي يصحئ متأخر بمراكش عندك صرافين بساحه الفناء يجلسو فاتحين حتئ الساعه التاسعة مساء ان شاء الله أكون افدتك |
| الساعة الآن 01:44 PM |
جميع المواضيع و الردود لاتعبر بالضرورة عن رأي و توجهات الادارة و انما تعبر عن رأي كاتبها فقط