الزعطة الثانية ---- رحلة كازا
السلام عليكم إخواني المزاعيط وأخواتي المزعوطات
أسعد الله مسائكم بكل خير ومحبة
تقريري المتواضع هذا عن سفرتي الثانية للمغرب الحبيبة في عام 2006 م
قبل التخطيط للسفرة كان في مقدمات وحوافز شجعتني إني اسافر للمغرب مرة ثانية وراح اذكرها في المقدمة
نبدأ:
كنت كثير الدخول لمواقع التواصل الإجتماعية فيما سبق << قوول ادخل شات وفكنا وش تواصله وخرابيطه, المهم مالكم بالطويلة وبالصدفة كنت اسولف مع وحدة بالخاص واكتشفت انها مغربية, طبعا انا انبسطت لانها ذكرتني بالسفرة الماضية ورجعتني للأحداث اللي صاحبتها وكل المغامرات اللي جرت فيها, اخذنا ندردش لفترة من الوقت وانتقلنا بعدها للماسنجر وبعدها لسكايبي لغاية ما كلمنا بعض بالجوال.
من بعد فترة 3 اشهر من تعرفي على البنت طرت في بالي فكرة السفر للمغرب مرة ثانية, وبيوم كنت جالس انا وخوياي بالدمام وقلت اللي بخاطري عن نيتي للسفر للمغرب الا ويقوم واحد ويقول انا بخاويك لاني ما سافرت للمغرب من قبل, وقلت تم والحجز والسكن انا بدبرهم.
كلمت البنت وقلت انا خلاص جاي للمغرب وهي اللي تفرح وتصفق كني قايل لها تراك ربحتي في مسابقة الحلم وانا اللي مبسوط بصراحة ومتشقق
وقالت خلاص انا بشوفلكم سكن وراح يجيكم سواق للمطار عشان يوصلكم للسكن دايركت وحلفت عليها انها ما تدفع للسواق ولا للسكن ولا درهم وطبعا هي وافقت خخخخخخخخخ وشرطت عليها ان يكون السكن فيه مكيفات لاني ما اعرف انام بدون مكيف.
طبعا ما في سفره الا فيها تعقيدات جمركية ومنغصات وهذا ما حصل يوم جبت طاري السفر للمغرب للأهل وما حصلت على الموافقة الا لما سلمتهم ورقة حجز
التذاكر وفاوتشر حجز الفنادق لتايلاند لاني من زمان ودي اسافر لهالبلد وتم كل هذا قبل اسافر والموعد بعد ما ارجع من المغرب.
حجزت على الخطوط القطرية تذكرتين لي ولخويي واذكر التذكرة كانت بـ 2550 ريال
خط الرحلة:
البحرين - الدوحة - طرابلس تنزيل ركاب - كازا
رحت للسوق اتفضى ملابس للسفرة, واجهز نفسي من مجاميعه وجهزت شنطتي وفي انتظار موعد السفر والقلب طربق طربق كل ما قرب الموعد.
كانت سفرتنا في شهر 6 ميلادي, مريت على خويي بالدمام وطلعنا للبحرين وقبل موعد رحلتنا بفترة قلت لخويي خلينا نمر مجمع السيف ابي اشتري ملابس زياده وعطر وقال اخاف نتأخر وانا اللي اصمم واقول لا تخاف بنوصل على الموعد إن شاء الله وما دريت اني كنت بتسبب بإلغاء الرحلة.
طلعنا من مجمع السيف وتوجهنا للمطار ودخلت للمواقف المجانية ووقفنا سيارتنا وحملنا شناطنا وهوى عشان نقطع البوردنق الا وما نشوف احد واقف
انا جاتني صدمة اروح يمين اروح يسار ادور من هنا ومن هنا وسألت واحد من موظفي المطار عن رحلة كازبلانكا على الخطوط القطرية وقالي البوردنق قفل
قلت كيف قفل باقي ساعه ونص على موعد الرحلة قال المفروض تجي قبل ساعتين, طيب وش الحل منا منا قال مافي الا انكم تشوفون أقرب رحلة للدوحة وتحجزون فيها.
يا ليل الليل تكدر الخاطر وحسيت بالذنب لاني كنت السبب ورحنا وسألنا وطلعت اقرب رحلة على الخطوط الهندية وثمن التذكرة ذهاب فقط 700 ريال لكل شخص وقلنا يالله وش بنسوي مالنا الا كذا ولاجل عين تكرم مدينة واي عين عيون قلتننا واحيين قتلانا, تونا بنشتري تذاكر للدوحة وجات في بالي فكرة, ليه ما نحول تذاكرنا من البحرين للدوحة من القطرية الى الهندية بدون ما ندفع ولا ريال زيادة وانتهى الموضوع واروح لمكتب الخطوط القطرية وشرحت له الوضع والحمدلله تفهم وضعنا ووافق وقصينا البوردنق واتفقنا معاهم ان شنطنا تروح لرحلة كازبلانكا.
دخلنا الطيارة من بعد ما ردت لنا الروح لكن تعكر مزاجنا بالريحة اللي بالطيارة الهندية تقول كنك داخل عزبة هنود مو طيارة, طارت الطيارة واحنا داقين اللطمة وما صدقنا خبر توصل الطيارة للدوحة عشان نخرج من الحبس الانفرادي ونلحق على رحلتنا الثانية.
الحمدلله وصلنا للدوحة وركض على بوابة رحلة كازبلانكا وكان بينا وبينها نص ساعه بس وما ارتحت نفسيا وجسديا وعقليا الا لما دخلت للطيارة وجلست والتفت يساري واشوف ذيك الطيور العائدة من الهجرة الى موطنها الام وانا اللي اشق الابتسامة المزعوطية الابليسية لانهم جنبي على طوول يعني ضمان ان الرحلة بتكون موفقة وما حصل قبل كان مجرد مطبات هوائية وعدت بسلام, جلست في المقعد وخويي قلت له تعال جهة الشباك لاني اخاف من المرتفعات هههههههه وهو المسكين صدق وانا لي مآرب اخرى ^_^
يتبع .......
2013-09-21, 12:45 PM
تصدق اول سفرة لى للمغرب 96 ودى اكتب عنها بس اخاف يقولون لى قوووووووووووم يا بكاش .gif "Maroc (1143)")
.gif "Maroc (915)")
.gif "Maroc (1186)")
يا حبيبي الايام الحلوه ما تغيب عن الذاكرة ابداً والجديد ابشر به سفره فرش قبل رمضان اللي فات لكن محتااااجه روقاان خاااص .gif "Maroc (952)")
المواضيع المتشابهه للموضوع: الزعطة الثانية ---- رحلة كازا
العرض العادي
الدرهم المغربي مقابل عملات الخليج