طنجاا tanger شباب استفساار

السلام عليكم جميعا
شباب انا لفيت مواضيع كثييير لقيت شح في معلومات طنجا هل هي مدينه ما فيها اجواء او شنو بالضبط!؟
السؤال حاب اشوف طنجا ارجو المساعده بالاجابه ؟
ابي سكن استديو في طنجا او غرفه وصاله لشخص واحد وامان ومن غير ازعاجات ؟ او فندق امان ؟
بانسبه للسهر وين ؟
بالنسبه للكافيهات والجلسات الطيبه وين ؟
اكون شاكرله جدا الي يجاوبني وشكرا ؟

انا زيك ادور معلومات عن طنجة , سئلت واحد راح طنجة قالي مافيها الا كافيهات ومطاعم وبحر بس سئلته عن السماعات الي تصنج الاذاني قالي ناسها هاديين .
ننتظر احد يعطينا العلوم الزينة .

لا بالعكس دش اليوتيوب وشوف طنجا بالليل وايد حلوه بس اكيد في ناس رايحه ننتظر ضروري واحد يطلع ويفهمنه شي احسن من ما اروح هناك واتوهق نورت حبيبي

بقول لكم قصتي وما حصل لي بالتفصيل الممل قبل أسبوعين كنت قادم من أسبانيا ومريت طنجه طبعااول ما دخلتها اذهلني جوها وشواطئها جميله جدا ودورت على شقة ولا حصلت كلها غير صالحه للسكن ومريت مكتب عقاري تديره وحده لها إعلانات كثيره بالنت وكنت متواصل معها من إسبانيا وكانت تقول كل شيء عامر وإذا وصلت مرني لعل و عسى نحصل لك شئ مكتبها قريب من ماك اللي على الكورنيش بجانب بنك وفاء اللي بجانب ماك وملاصق لمطعم اسمه ياسمينه وبصراحة وجدت أن الشقق اللي عندهم محدودة وكلها full وكانت على البحر وبعضها رائع وكلاس و بعضها عادي طبعا وروني الصور ،، وأسعارهم شوي مرتفعة رغم انتهاء الموسم ... كنت تعبان حدي واستأجرت فندق أطلس الموحدين ولا انصح فيه لأني ما ارتحت لتعامل العاملين و الشيء الثاني إزعاج المرقص ومن بكره غادرت بالقطار الى الرباط واستأجرت سياره من الرباط وعلى مراكش ،،، بصراحه الديره جميله وجوها جميل بس اهم شئ احرص على السكن المناسب لانه قليل وأنا بصراحه من عشاق كازا ومراكش واحتمال عودتي الى طنجه مره أخرى ضعيف أعجبني فيها أجواءها الجميلة وليلها الصاخب خصوصا أن زيارتي لها وافقت ويكند وأنا كانت أيامي فالمغرب معدوده وجاي من رحله طويله من فرنسا وإسبانيا لذلك ما كان عندي وقت للجلوس فيها واستكشافها فقلت أروح للديار اللي اعرفها و اعشقها من أزل


والسلام ختام

بادره طيبه منك يالغالي بس تتوقع لو نروح في اوقات مش موسم تتوقع نلقي سكن امان وبالنسبه للسهر ما عطيتنه شي عنها ، لانه اذا الوضع جذي ما نغير نقضي المده كلها بس في مراكش:(

أخوي أنا زيارتي ما كانت في موسم ورغم ذلك ما حصلت سكن مناسب فيه شقق بس ما ناسبني منها شيء كلها قديم ومتهالك وبعضها مرعب وبالنسبة للسهر وأماكن السهر والله كنت أحس أن الكورنيش يهتز من أصوات الموسيقى الصاخبة بس ما دخلت ولا مرقص كنت تعبان ونمت الساعه ١٢تقريبا والساعة ٨ غادرت بس أتوقع إذا رحت طنجه بيتغير عليك الوضع اللي بمراكش يوم وصلت مراكش عرفت أنها غيرت وبعد مراكش كازا وقلت يا لبى كازا وحتى الرباط حلوه وحسيت انها غير عن طنجه مدري وش هالشعور بصراحه ههههههههههههههه بصراحه طنجه تختلف وما أعجبتني كثير إلا جوها وناسها كل واحد في حاله ،،،،، واللي رفع ضغطي أصحاب التاكسي ٣ ركبت معهم كلهم حرامية ويحاولون يستغلونك مدري يمكن لأني ما ركبت مع تاكسي لا في كازا و لا مراكش ،،،،،، هذا اللي صار لي أخوي واعذرني لو توهتك بس إذا عندك وقت واستعداد تروح وتستكشف روح يمكن تعجبك بس خلي معك سياره والفنادق كثيره وأنصحك بالفنادق الموفنبيك وسيزار وما حولها وكلها جديده وحلوه وابتعد عن فنادق الجهة الأخرى من الكورنيش اللي هي أطلس الموحدين وما حولها .

ممممممم برايك يعني كازا تسوي انا عندي ١٠ ايام ولحالي ٧ مراكش و ٣ كازا زين ولا شنو رايك؟ خل نستفيد من تجاربك :))

كازا حلوه عين دياب والمقاهي اللي فيه ومروكو مول وطماريس والله تستاهل كازا وبرنامج ممتاز أهم شئ التجول خارج الشقه و الصيد له طعم هناك هههههههههه وأنا أنصحك تستأجر سياره ومعك جارمن بترتاح كثير واحرص على السكن ونسق وضعك من بدري والشباب هنا ما يقصرون

بالتوفيق أخويه

شكرآ اخوي اياد كنت باروح طنجة بس برجع لــ اغادير احسن .
يعطيك العافية