رغم إني نصرواي لكن تستاهل بعطيك الجواب
عندك 3 طرق للوصول للجديدة
1- يكون معك سيارة وفيه طريقين لها
أ. الطريق السيار وتطلع لحد كازا وبعد ماتتجاوز المطار بتقريباً 10 كيلو يجيك أول مخرج ( الرباط - كازا ) تعده وبعده بكيلو يجيك مخرج ( حد السوالم - الجديدة ) اطلع معه وبعد 10 كيلو تقريباً يجيك محطة الأداء خذ الكرت وامسك الطريق السيار لحد ماتوصل الجديدة والطريق السيار نهايتة الجديدة يعني مافيه سيار بعده ويدخل على الجديدة مباشرة وإذا كانت وجهتك منتجع مزاكان خذ أول كبري بعد محطة أداء الجديدة وامسك طريق أزمور وتعد دوارين ومزاكان بتلاقية على اليسار في الدوار الثالث وتقريباً المسافة من السيار لمزاكان 8 كيلو وبالنسبة لثمن محطة الأداء من كازا للجديدة 28 درهم والمسافة من مراكش لحد الجديدة تقريباً 3 ساعات
ب. الطريق الداخلي وهذا حلو اذا حاب تتمشي ومافيه دفع فلوس للأداء وعيبه إن المسافة راح تطول معك رغم انه أقرب وأقل كيلوات من الطريق السيار لكن مشكلة زحمة وخطر شوي بسبب كثرة السيارات والشاحنات فيه والطريق صغير رايح جاي
2 - القطار ومأنصحك فيه لأنه طويل
3- الطاكسي الكبير وراح يجيبك مع الطريق الداخلي وراح يأخذ وقت من الزحمة ومن كثر مايوقف
التعديل الأخير تم بواسطة المجرم الحنون ; 2015-07-28 الساعة 03:48 PM