روز قاردن .. وطريقة الحجز ؟؟

السلام عليكم ..


انا نويت احجز فالروز قاردن ان شاء الله ..


لكن بالنسبه للفلل عندهم ودي اذا احد قد استاجر عندهم يعلمني هل الفلل مفتوحه على بعض والا كل فيلا داخل سور لوحدها ؟؟


الشي الثاني والاهم ..

راسلت واحد عندهم اسمه فيصل على الواتس اب وطلب ارسال صوره للجواز + صوره وجه وقفى للفيزا كارد .. للتاكيد الحجز .. طبعاً الفيزا فيها مبلغ كبير اكثر من قيمة الحجز ..

هل الطريقة امنه والا وش الحل .. ؟؟






وكم سعر الصرف من الريال السعودي للدرهم المغربي ..؟؟




وفالاخير اذا احد يعرف سواق كويس و سيارته نظيفه وتكفي لـ 5 اشخاص يرسل لي رقمه لاهنتووووو ...



شاكر لكم جميعاً .....

وعليكم السلام

الروز جاردن افضل منتجع اشوفه بمراكش واهنييك على اختيارك
ومفتوحة على بعض ...
بالنسبة لطريقة الحجز ماشوف ان فيها اماان مادام انك بتصور الفيزا وجه والارقام اللي بالخلف
يقدر يسحب المبلغ اللي بالبطاقة باي وقت لاتصور الجواز ولا تصور البطاقة نصيحة لك ومادري عن نية فيصل
بس الحذر واجب ..
اللي اعرفه طريقة الحجز تحول مبلغ حق يومين فقط والتجديد عند الوصول تحويل ببنك انجاز ..
سعر الصرف الريال السعودي يساوي 2.20 تقريبا
والسواق برسلك رقمة بالخاص ثقه مايحتاج مجربة شخصياا ..
وسفرة موفقه

نعم اخي الكريم...مثل ماقال لك الاخ شيفاز..

المنتجع رائع وجميل...ويستحق السكن فيه...

ولكن موضوع الفيزا كارد لاترسله لأي شخص حتى ولو كان خويك...لان مسئلة البطاقة حساسة..

الافضل يتم ارسال صورة من الجواز وصورة من تذكرة السفر موضح فيها موعد الوصول...واعتقد ان هذا كافي لتأكيد الحجز..

اما صور بطاقة الائتمان وجه وقفى فهذي فيها مخاطرة ولا انصح فيها...

وبالنسبة للاخ فصيل هو مدير المنتجع...وياليت تبلغه بخصوص حجز بالفيزا بالطريقة هذي ممنوعه ولا نرضى لكم بالضرر...

اذا عنده موقع تحجز منه بالفيزا اوك مو مشكلة...لكن تصور له البطاقة وترسل له هذا غلط..

وياليت تخبرني وش بيصير معك ...علشان لو احتجت مساعده اقدر اتدخل بالموضوع...لان الاخ فصيل معلن لدينا ...

ولا نرضى بان يكون فيه مجال تعامل مثل الطريقة هذي في البطايق الائتمانية...



اما بقية الاستفسارات فأخي شيفاز وفى وكفى..

تحياتي..

__________________
إدارة منتديات مزاعيط المغرب

و السلام ختام .

__________________

الله يعطيكم الصحه والعافيه جميعاً ..

فعلاً طريقه متهوره لو اني كنت ناوي اصورها وارسلها له لمجرد ثقتي به بما انه من طرف المنتدى

لكن بحاول اتوصل معه لحل اخر ..


الف شكر لكم جميعاً ........ .

عليكم السلام اتفق مع الاخوان ولاكن اختلف ع ان الروز من افضل

عليكم السلام اتفق مع الاخوان ولاكن اختلف ع ان الروز من افضل المنتجعات هههه لا والله في احسن منه وهو بنظري اشوفه اقل اقل من العادي من ناحية الاثاث؟ وصغر المكان ولافيه مطبخ والخ ؟ ومكانه مقطوع احس اني رايح للصحراء الغربيه بالاضافه للدرك اللي متمركزين في الطريق للفله يطفشون اللي مايتطفش حتى لو ان وضعك بالسليم من ناحيتي دليت دربي ع الفلل الخاصه وريحت راسي

جايك يالمغرب .. ريح روسنا معك اجل ودلنا على الي دليته


شاكر مرورك لكن انا قررت على الروز قاردن لان اكثر الشباب يمدحونه من ناحية الامان والضيوف والراحه والخدمات

لكن المطبخ اول مره ادري ان مافيه مطبخ ...

اذا عندك ارقام لاصحاب الفلل الخاصه ضبطنا يالسنافي .. الرحله السبت ..!!


شاكر لك ...

يا الحبيب
في قسم العروض يوجد عروض مع الاسعار
مع انواع الفلل يمكنك الاطلاع عليه طبعا للروز قاردن
تحياتي

__________________